YEREMIA 42:19 - Alkitab Singog In Mongondow Masa In Tanaa

¹⁹ Bo akuoi in noguman bui, “Ki Tuhan in nomarentadon sinbá moiko inta ki agatneapa kon Yohuda in diá mayá in Mesir. Tuamai in akuoi in mobogoi in toingat kon i monimu in tanaa

YEREMIA 42:19 Mawu Ofanana

TAWARIKH 2 24:19

Ki Tuhan nopotabá in nabi mita sin monoboḷow kon i monia sinbá buidon mogundoi kon i Tuhan, táe rayat in doíbí mokidongog.

NEHEMIA 9:26

Táe umat-Mu in nomarontak bo diá motoindudui kon ini-Mu, nonaḷámai kon hukum bo atorang-Mu, noḻimod kon nabi mita inta nopotoingat kon i monia, bo inta nopotabá kon i monia mamangoi bui kon ini-Mu, ki Allahnea. Oo Tuhan, pomuḷoi doman mako Iko in singkuḻeon monia,

YESAYA 21:12

Tubagku, “Doḷo-doḷom in moiangoibí táe doḷombí doman. Aka moibog moḻibó, yo angoidon bui bo poḻibó.”

YEREMIA 38:21

Táe aka ki Tuang datu doí moposarakan in awak, yo ki Tuhan in nopoontongdon kon inakó onu in mobaḻí.

YEHEZKIEL 17:15

Táe datu in Yohuda nomarontak bo poḷat nopotabá in totabá minayá in Mesir sinbá mokouḻí kon kabaḷo bo tontara mobayong. Degá kodapotannea intua? Degá pomayá mako in sia mosaḷamat? Diábí doman sia inta nonoḻikud kon dodandian bo diá popoḷabúan in hukuman!

YEHEZKIEL 2:5

indongogan monia andeka diá; naabí in inta totok in moponting, musti kotaauan monia kon oyúon in nabi kon yua-yuak monia.

YEHEZKIEL 3:21

Aka intau inta mopia tatua ogoianmu in tompoingat sinbá diá mogaid kon dosa, bo dumudui in sia kon tongginamu, dá diábí in sia hukumon-Ku, bo iko in mosaḷamatbí.”

PINOGIAPAN 14:3

Onubí in mangaḻe in podiaan i Tuhan kon i naton mayá in tua? Bá matoi degá in kita kon parang bo buḷoi takin adí mita naton dakopon monia. Mopia-piabí kon mobui in kita kon Mesir!”

OUMAN IN RASUL MITA 2:40

Natuata pinogoginsilang i Petrus kon i monia. Bo nobarongpa doman in tongginanea ibanea inta monongganut kon i monia sinbá umukatdon kon bangusa mita inta moraat inta toko hukumon i Allah.

EPESUS 4:17

Tuamai in podoyon kon tangoi i Tuhan, naa in singogku bo ponoropku: donaai in mobiag naonda bo intau inta diá nonotaau kon i Allah bo tongá morai kon inta diá in mangaḻenea.

ULANGAN 17:16

Datu in diábí motaau kokabaḷo mobayong sin pakéon in tontaranea bo diábí motaau mopotabá kon bangusa tanaa in bui mayá in Mesir sin motaḷui kon kabaḷo, sin ki Tuhan ain noguman kon umat-Nea in diábí motaau mayá bui in butá tatua.

ULANGAN 31:21

Bo mobayong in bodito motoyang in moiuma kon i monia. Táe dondong tanaa umuranbí podondong bo pakéon mobaḻí tomponiata kon i monia. Modapot in tanaa kon dodai in mosia diápa diaan-Ku kon butá inta pinodandi-Ku, kinotaauan-Kubí in raian monia.”

TESALONIKA 1 4:6

Tuamai in musti mokopoingat, sinbá diá tobatúmai intau mogaid kon inta diá mopia kon i utatnea, andeka monguboḷ kon i utat sin tuḻíanbí i Tuhan in bayongan tua, ná inta ain pinotaau bo pinonorop nami kon i monimu koḻipod.