YEREMIA 40:12 - Alkitab Singog In Mongondow Masa In Tanaa

¹² Tuamai in nonaḷámaidon in mosia kon tampat mita inta pinoporaritan kon i monia, bo nobui kon Yohuda. Mosia in namangoi kon i Gedalya kon Mizpa, bo nosipun kon nobayong totok in anggur bo bungai in ayop.

YEREMIA 40:12 Mawu Ofanana

AMSAL 27:25

Bonok kon gobá bo kon buḷud in ratabon bo sipunon sin pokaan kon bobiagon tatua, táe kon dodaipa doman intua mobiagdon bui in bonok inta mobagu.

YESAYA 16:9

Tanaa inombaḷanku in pangkoi in anggur Sibma ná pinongongombaḷku kon Yaezer. Akuoi in nononggoḷuá kon Hesybon bo Eleale, sin bungai in pinomuḷanea kinaan komintan in musung.

YEREMIA 40:10

Pogutundon kon kotá mita inta koibog monimu, bo kumudungdon in mosipun poḷat motagú kon anggur, bungai mita in ayop bo ḷana in zaitun. Akuoi tontaní in mogutunbí kon Mizpa bo mobaḻí toḻiu in rayat aka intau mita in Babel mamangoi.”

YEREMIA 40:13

Noiduduimai kon tua, ki Yohanan bo porwira inta diá sinumungkud kon musung, namangoi kon i Gedalya kon Mizpa

YEREMIA 41:10

Onda intua ki Ismael in nodomok kon adí mita bobay i datu bo bayongan in intau mita inta oyúonpa kon Mizpa inta ain inogoi i Nebuzaradan kon bonu in kawasa i Gedalya. Dinakop i Ismael in mosia bodongka nobuat minayá takin i monia nopobayá ná butá in Amon.

YEREMIA 43:5

Ki Yohanan bo bayongan in porwira tatua in nodia minayá in Mesir in bayongan in intau inta oyúonpa kon Yohuda, bo bayongan doman intau inta ain nobui nongkon butá ibanea inta kinoraritan monia.

YEREMIA 44:18

Táe pinangkoi kon kami nogogai noposumba in kuruban kon i Bokí in Soroga, bo diádon nopobutak in anggur saḷaku sosumba kon inia, kami in kinodaitandon in bayongan yagi-yagi; intau mita nami in minatoi kon pinoparangan andeka popisí in ginogoi.”

YEHEZKIEL 34:6

Dá domba-Ku mita in minayádon in tombuḷudannea mita inta moḷantud bo kon buḷud mita. Mosia in noibaya-bayá mako kon sinangkub in butá, diábí tobatúmai in intau in nopandungmai bo notayak kon i monia.