YEREMIA 40:10 - Alkitab Singog In Mongondow Masa In Tanaa

¹⁰ Pogutundon kon kotá mita inta koibog monimu, bo kumudungdon in mosipun poḷat motagú kon anggur, bungai mita in ayop bo ḷana in zaitun. Akuoi tontaní in mogutunbí kon Mizpa bo mobaḻí toḻiu in rayat aka intau mita in Babel mamangoi.”

YEREMIA 40:10 Mawu Ofanana

SAMUEL 2 16:1

Naonda in ki Daud bagupa noitaḻib kon tudu in buḷud, daḻídon noiangoi in ki Ziba ata i Mepiboset, namangoi nokipodungkuḷ kon inia kodia-dia in keledai doyowa inta dinatogan in roti doyowa nogatut nobatú, mogatut in kukis kismis, mogatut nobogot in bungai in ayop inta bagupa sinipú bo tobotutu in tubig in anggur.

DATU MITA IMITÁNEA 10:8

Totuu mountung in ki buḷoi mita i Tuang! Bo totuu momujur in pogawai mita inta umuran mogaid kon i Tuang sin mokodongogdon kon bayongan totundú inta mobijaksana nongkon i Tuang tontaní!

AMSAL 22:29

Nokoimontandon degá iko in nokoontong kon intau inta mopandoi nogaid kon oaidannea? Intau tatua in pokiaidanbí kon komaḻig in datu mita, deemanbí kon baḷoi in intau biasa.

AMSAL 27:25

Bonok kon gobá bo kon buḷud in ratabon bo sipunon sin pokaan kon bobiagon tatua, táe kon dodaipa doman intua mobiagdon bui in bonok inta mobagu.

YESAYA 16:9

Tanaa inombaḷanku in pangkoi in anggur Sibma ná pinongongombaḷku kon Yaezer. Akuoi in nononggoḷuá kon Hesybon bo Eleale, sin bungai in pinomuḷanea kinaan komintan in musung.

YEREMIA 35:19

Tuamai, Akuoi, ki Tuhan Inta Totok in mokawasa, Allah in Israel modandi kon nongkon buí i Yonadab ki adí i Rekhab umuran oyúon in intau ḷoḷaki inta mobantung kon i-Nakó.”

YEREMIA 39:10

Tongobotak in rayat inta totok in nobiag bogá bo inta diá kokapunyaan, sinaḷáan kon Yohuda bo inogoian in gobá in anggur bo gobá in tudunea.

YEREMIA 40:12

Tuamai in nonaḷámaidon in mosia kon tampat mita inta pinoporaritan kon i monia, bo nobui kon Yohuda. Mosia in namangoi kon i Gedalya kon Mizpa, bo nosipun kon nobayong totok in anggur bo bungai in ayop.

YEREMIA 40:6

Akuoi in minayá kon i Gedalya kon Mizpa, bo nogutun kon inia kon yua-yuak in rayat inta sinaḷáan kon butá in Yohuda.

YEREMIA 43:5

Ki Yohanan bo bayongan in porwira tatua in nodia minayá in Mesir in bayongan in intau inta oyúonpa kon Yohuda, bo bayongan doman intau inta ain nobui nongkon butá ibanea inta kinoraritan monia.

YEREMIA 48:32

Totokbí in ombaḷan-Ku in intau in Sibma nongkon intau in Yaezer. Kotá in Sibma naonda bo pinomuḷa anggur inta tanganea mita kinumapot nodapot kon ḷoḷan in Laut Mati nodapot in Yaezer. Táe tanaa bungainea mita sempo in poninggai bo bungai in anggurnea ain iropú.

MIKHA 7:1

Mobodito in akuoi! Akuoi in nádon intau ginogoi inta minayá nosipú naonda in nopaḷut mako in sempo in pinosipúan. Diá bidon in bungai in ayop kon pangkoinea. Bungai in anggur bo bungai in ara inta mongopia nodaitdon komintan sinipú.

LUKAS 21:36

Tuamai in umuran kiḷuka-ḷukadmai bo posambayang sinbá umuran moropot in moiko bo mokobaḻí simindog kon tayowon Adí Intau.”

ULANGAN 1:38

Táe irigonai in gina in bobantungmu, ki Yosua adí i Nun. Sia tuata in modia kon intau in Israel mogagow kon butá tatua.’

ULANGAN 16:13

“Naonda in bayongan gandummu mopaḷutdon rata bo bayongan bungai in anggurmu nopaḷutdon pinugut, moiko in musti moraya kon Singgai Moḷoben Pondok Daun pitu nosinggai in koonggotnea.