YEREMIA 4:31 - Alkitab Singog In Mongondow Masa In Tanaa

³¹ Akuoi in nokodongog kon ombaḷ mopoina-inak naonda bo bobay inta mononggadí; naonda bo bobay moguod inta monononggadí ḻinggané, natua in ombaḷ in Yerusalem inta mosisí in pogoginanea. Ḻimanea in mongokap bo mogamui in sia, “Moboditodon in akuoi – akuoi in ḻimodon in musung!”

YEREMIA 4:31 Mawu Ofanana

KINOBAḺIAN 27:46

Dá ki Ribka in nogumandon kon i Ishak, “Moyaat in ginaku bo mobú in akuoi mokoontong kon i buḷoi mita i Esau inta nongkon suku bangusa mita ibanea tatua. Aka ki Yakub motonibuḷoi doman takin bobay mita intau in Het, dá maníka akuoi in matoidon.”

AYUB 10:1

Akuoi in mobú bo morongó kon kobiaganku, dá oumanonkudon in roriga in dimukudku.

MAZMUR 120:5

Moboditodon in akuoi popisí in musti mobiag moyotakinmu; diá in yoposinea naonda bo nogutun kon Mesekh, andeka kon sigad in intau in Kedar.

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

YESAYA 13:8

Mosia komintan koaputan in ondok inta motoyang, bo momaḻikotad sin monakit naonda bo bobay inta koyogot in mononggadí. Mosia in mosiindoian takin ḻia-ḻiaw in gina, pogotnea in mosimpuya popisí in mooyá.

YESAYA 21:3

Oontongon tatua nokotoboḻingo kon inakó nodapot in diá in nokoontong andeka mokodongogpa. Akuoi in inagían in ondok bo nakit, naonda bo bobay tobatú inta koyogot in mononggadí.

YESAYA 26:17

Naonda bo bobay inta mononggadídon monahang kon monakit bo momaḷú sin monakit, natuata in kami kon tayowon-Mu, Tuhan.

YESAYA 42:14

Ki Allah in noguman, “Noonggotdon in Akuoi in diá moposingo-singog; kibio-biómai in Akuoi bo nonahang kon gina. Tanaa in wakutuneadon akuoi mogaid kon oaidan-Ku, Kumarak in Akuoi naonda bo bobay inta mononggadí.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

YEREMIA 10:19

Intau in Yerusalem nomaḷú, “Kami in sinongkekeban modaḷom bo diádon mopia. Koḻipod in kainamikamai dá roriga tanaa in kobabaanbí nami, naanta yo diábí.

YEREMIA 13:21

Onu in singogon monimu aka intau mita inta binaḻí monimu yobayatmu mita nonaḷow bo mongawasa kon i monimu? Notantúbí kon korasaan monimu in monakit naonda bo bobay inta koyogot mononggadí.

YEREMIA 14:18

Aka akuoi mayá in rawang, ontongonku in mayat mita inta minatoi in parang. Kon bonu in kotá ontongonku in roriga, intau mita gogiódon matoi in gogoy. Nabi bo imang mopobayá in oaidan takin diá komangaḻean monia onu in inaidan.”

YEREMIA 15:18

Nongonu sin akuoi in umuranbí mororiga? Nongonu sin kekebku in nodaḷombí bo diá mopopia? Degá makusud-Mu moponakit in ginaku naonda bo ongkag inta noingkagdon kon sempo in poninggai?”

YEREMIA 18:21

Táe tanaa, Tuhan, biódon mako in adí mita monia matoi in gogoy andeka matoi kon poparangan. Biódon mako in bobay mita monia kobuḻian in buḷoi ḷoḷaki bo adí; biódon mako in ḷoḷaki mita matoi popisí in yampoi in takit bo intau moguod in matoi kon poparangan.

YEREMIA 22:23

Moiko in mogutun moaman iḻibu in oigi mita in kayu ḷokuyú in Libanon, táe kon singgai moiduduimai aka moiko kotugatan in inta mokonakit, moiko in mororigabí naonda bo bobay inta koyogot in mononggadí.”

YEREMIA 30:6

Tungkuḷaika rai bo taridi! Degá ḷoḷaki mopononggadí in adí? Aka natua, nongonu sin inontong-Ku in bayongan in ḷoḷaki nongo bilaibí bo motonoi kon siannea naonda bo bobay inta mononggadídon?

YEREMIA 45:2

tosingogon i Tuhan, Allah in Israel. Ki Tuhan in noguman, “Barukh,

YEREMIA 48:41

Kotá mita bo bentengnea mita in agowon bo tontaranea in angoiandon in ondok naonda bo bobay inta mononggadídon.

YEREMIA 49:22

Naonda bo ḷagapan boniá nondagit takin nosongká kon koḻikipnea, natuata in koangoi in musung bo mondagit kon Bozra. Kon singgai tatua tontara in Edom angoian in ondok naonda bo bobay inta mononggadí.”

YEREMIA 49:24

Intau in Damsyik nobaḻí noyangkó, bo noḷagui sin ondok. Mosia in nokorasa kon nonakit bo nororiga naonda bo bobay inta mononggadí.

YEREMIA 50:43

Mokodongogmai kon habar tatua, datu in Babel kinodaitan in daya. Ginanea inagían in ondok, bo mokorasa kon mororiga naonda bo bobay inta mononggadí.

YEREMIA 6:2

Kotá in Sion mogaga totok, táe ki Tuhan in morimumud kon inia;

OMBAḶ 1:17

Akuoi in notonggó kon ḻima sin mokituḷung, táe diábí in noḻipoi. Nongkon bayongan in tampat, ki Tuhan nopotabá mangoi in musung; mosia in namangoi sin momarang kon inakó. Akuoi in pinomia naonda bo yoyatan, pakakat inta mokorongó kon yua-yuak monia.

OMBAḶ 1:20

O, Tuhan! Indoiaipa kaasí in akuoi, moḻia-ḻiaw in ginaku bo moondok, nogoguyaat popisí in aidku moraat dungkuḷmai. Kon daḷan mita oyúon in poḻimodan, kon bonu in baḷoi oyúon in matoi.

OMBAḶ 2:21

Moguyang bo moguod minatoi noitongkob kon daḷan, tayowmobiag bo mongodeaga minatoi sinotad. Kon singgai Iko sinumorú, iratá-Mu in mosia takin diá in tabi.

HOSEA 13:13

Israel in oyúonpa in kasampatan mobiag, táe totuu mopompuḷong in sia dá diá nopomaké in kasampatan tatua. Sia in naonda bo adí mointok inta topípa bo pononggadí táe doí ḷumuai nongkon bobuḷadían i iná.

MIKHA 4:10

Ei intau mita in Yerusalem, pomaḻikotadon bo karakdon naonda bo bobay inta mononggadí! Sin, tanaa moiko in mustibí monaḷámai kon kotá bo mogutun kon rawang. Moiko in mustibí mayá in Babel, táe kon tua poḷuatonbí i Tuhan in moiko nongkon musungmu mita.

MIKHA 4:9

Nongonu sin iko in mongombaḷbí totok in moropot? Nongonu sin iko in mororigabí naonda bo bobay inta mononggadí? Eta degá popisí in iko diádon in datu, bo mononongginamu aindon minatoi?

MIKHA 7:1

Mobodito in akuoi! Akuoi in nádon intau ginogoi inta minayá nosipú naonda in nopaḷut mako in sempo in pinosipúan. Diá bidon in bungai in ayop kon pangkoinea. Bungai in anggur bo bungai in ara inta mongopia nodaitdon komintan sinipú.

MATIUS 21:5

“Pogumandon kon bobay in Sion, Indoiai, Datumu namangoi kon inimu. Moompá in dodia-Nea bo sinumakoi kon keledai tobatú, tobatú keledai inta moguodpa.”

KORINTUS 1 9:16

Sin akuoi in mopoyaput in Habar Mopia, deemanbí tongá mokikoontong kon intau. Táe ki Allahbí in nopotabá kon i nakó. Tuamai baradosaanbí in akuoi aka diá popoyaputku in Habar Mopia tatua!

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.