YEREMIA 4:28 - Alkitab Singog In Mongondow Masa In Tanaa

²⁸ Butá in mononogumatoi, ḷangit in simindipdon. Ki Tuhan in nosingogdon bo diá bidon momaḷui kon tomayá-Nea. Sia in nonantúdon kon singog bo diábí umundok tongákabí toḷoḷampang.

YEREMIA 4:28 Mawu Ofanana

YESAYA 24:4

Butá mobaḻí moingkag bo moḷaḷow, sinangkub in dunia morobonoḷ in gina. Ḷangit bo butá tumpaḷa morobonoḷ.

YESAYA 34:4

Mata in singgai, buḷan bo tundi mita in morimumudbí. Ḷangit in ḻitodon naonda bo karatas. Tundi mita in moḷabúbí naonda bo daun mita inta mototak nongkon pangkoinea.

YESAYA 5:30

Kon singgai tatua kon sinangkub in Israel kinodongogandon in kokow pinoparangan naonda bo koropot in boḷontung in bokoḷ. Indoiaika, sinangkub in ḻipú tatua nosindip bo nosisídon totok. Bayag in nobaḻídon sindip totok.

YESAYA 50:3

Ḷangit binaḻí-Ku irumondí komintan, kinoḷoban-Ku intua naonda bo kaeng pinatoian.”

YEREMIA 12:11

Oo, Akuoi nokoontong kon i monia nomaḻí kon ḻipú-Ku nobaḻí tampat moingongow inta mokonakit kon gina. Komintan pinomayá mako, diá in noindoimai.

YEREMIA 12:4

Modapot in toonupa in butá tanaa in moingkag, bo moingkag in bonoknea kon batúan in gobá? Ḷagapan bo mahaḷuk ibanea matoi popisí in aid moraat in bangusa nami. Mosia in mosingog kon akuoi in diábí mokoontong kon ukur monia.”

YEREMIA 14:2

“Yohuda monakit in gina kotánea mita gogiódon bo matoi. Intaunea mita umuḻidon mako kon butá bo mogamui. Yerusalem momaḷú mokituḷung.

YEREMIA 23:10

Butá naton nopuḻing in intau inta diá mosatia kon i Tuhan. Mosia in nobiag moraat bo noitaḷá in nopomaké in kawasa monia. Popisí in kutukan i Tuhan, bonok kon rawang noingkag bo sinangkub in butá nonogumatoi.

YEREMIA 23:20

Torú-Nea in diábí mooyong aka diápa mobaḻí in inta sinomayá-Nea motuoi. Kon singgai moiduduimai umat i Tuhan in momangaḻebí totok kon tua.”

YEREMIA 51:12

Ogoiai in tomponuot in monubu kon dinding mita in Babel. Iropotai in poḷoḷukadan. Ogoiai in moḷoḷukad. Posadia in modomok!” Ki Tuhan in nopobayádon kon onu inta sinomayá-Nea kon intau in Babel.

YEREMIA 7:16

Ki Tuhan in noguman, “Yeremia, dika sambayanganmu in intau mita tanaa. Dika mokituḷung andeka sambayanganmu in mosia, dika mondodak kon i-Nakó, sin Akuoi in doíbí mokidongog kon oigum tatua.

OMBAḶ 2:17

Ki Tuhan in nogaidon kon onu inta pinogogondoknea inta koḻipod in sinomayá bo pinotoingat-Nea kon inaton. Kita in irimumud takin diábí in tabi, musung in pinountung-Nea binaḻí-Nea noḷunganga in gina monia in nokoontong kon kinoḷabúan naton.

YEHEZKIEL 24:14

Akuoi, ki Tuhan Inta Totok in moḷantud ain nosingog. Noiangoidon in wakutunea mopoaid. Diábí koḻiongan-Ku in dosamu bo diábí doman mongampung andeka monotabi kon inimu. Iko in hukumonbí podudui in bayongan in oaidmu. Akuoi ki Tuhan Inta Totok in moḷantud ain nosingog.”

HOSEA 13:14

Bangusa tanaa in diábí posaḷamat-Ku nongkon kawasa in dunia in intau minatoi. Ei popatoi, ponimboidon in yampoimu! Aidaidon in oaidanmu inta mokorimumud tua! Akuoi in diá bidon motabi bui kon bangusa tanaa.

HOSEA 4:3

Tuamai in butá tanaa in moingkagdon, bo bayongan inta nobiag kon tua in matoidon. Bayongan in mahaḷuk kon ḷangit, kon toba bo kon dagat in moyopúbí.”

YOËL 1:10

Gobá mita nogoguyaatdon in tanaa. Butá nonogumatoi; sin minatoidon in bayongan in gandum, noingkagdon in bungai in anggur, bo nodaitdon in ḷana in zaitun.

ZAKHARIA 8:14

Ki Tuhan Inta Totok in mokawasa in noguman, “Kon dodai in mogoguyangmu nokopopisí kon i-Nakó sinumorú, sinantú-Kudon kon hukumon in mosia kobogaton. Diábí binaḷuian-Ku in tosingogon-Ku tatua, táe pinobayá-Kubí.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

MATIUS 27:45

Pinangkoi kon jam mopuḷú bodoyowá moutu in singgai nodapot in jam nogintoḷu sinimindip in ḻipú tatua.

MARKUS 15:33

Naonda in noutudon in singgai, dunia sinimindip toḷu no jam in koonggotnea.

LUKAS 23:44

Degá jamdon mopuḷú bodoyowá noutu in singgai, mata in singgai diádon nonindar, bo bayongan in ḻipu kon tua sinimindipdon dapot in jam intoḷunea ḷoḷabungnea.

EPESUS 1:11

Bayongan yagi-yagi in pinomia i Allah pinoduduibí in ibog-Nea bo kaputusan-Nea tontaní. Nongkon pinomangkoianpamai Sia ain nomiḻí kon i naton sin ibogon-Nea kita in mobaḻídon umat-Nea sin motobatú i Kristus.

EPESUS 1:9

Ibog-Neabí tontaní in nopotaau kon i naton in tomayá-Nea inta noibunipa tatua; Sinantú-Neadon kon tomayá-Nea tatua in iḷapatan-Neadon pongin i Yesus Kristus.

IBRANI 7:21

Táe ki Yesus in nobaḻí Imang pinakéanbí in ibot, nanaa in singog i Allah kon i-Nia, “Ki Tuhan in nongibotdon bo diábí baḷuian-Nea onu inta ain siningog-Nea: ‘Iko nion in Imang inta mononoi.’ ”

WAHYU 6:12

Bo akuoi in nokoontongdon bui kon i Adí in Domba tatua nomukat kon meterai inggonomnea. Bo nobaḻídon in ḻinug inta totok mokoondok kon dunia naa. Mata in singgai irumondí naonda bo didit morondí inta nokasar bo buḷan sinimimpuya naonda bo dugú.

SAMUEL 1 15:29

Inta Momulia ki Allah in Israel in diábí monguboḷ bo diábí doman momanasaḷ, sin Sia in deemanbí intau.”