YEREMIA 4:27 - Alkitab Singog In Mongondow Masa In Tanaa

²⁷ Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEREMIA 4:27 Mawu Ofanana

TAWARIKH 2 36:21

Dá nobaḻídon onu inta ain pinoguman i Tuhan pinongin i Yeremia kon butá tatua in mobaḻídon diá in mangaḻenea kon bonu in 70 notaong in koonggotnea nobaḻí toḻiu in taong mita in Sabat inta diá pinandungmai.

NEHEMIA 9:31

Táe popisí in tabi-Mu moḷoben diá in poḻiuan, diábí sinaḷáan andeka irimumud-Mu in mosia. Totuu, Ikobí in Allah inta diá in poḻiuan; moḷoben in tabi-Mu, nopuḻing in tabi!

YESAYA 17:6

Naonda bo pangkoi in zaitun inta bagu sinipú in bungainea, bo dongkadon tongonumai in kon ḷuntung mita in tanganea, natua doman in Israel tongábí topiḻik in intau in mosaḷamat. Akuoi, ki Tuhan, Allah in Israel, ain noguman.”

YESAYA 24:1

Ki Tuhan in moyompatbí kon dunia, modapot in mobaḻídon moḷogat bo moingongow. Baḻintuangon-Neabí in tudunea bo poyayiton in intaunea mita.

YEREMIA 18:16

Butá tanaa in binaḻídon monia tampat inta mokokoningkim, bo modapot in mononoi in singkuḻeon. Bayongan intau inta moitaḻib in momombiḻing sin mokoningkim.

YEREMIA 25:11

Sinangkub in butá tanaa in pomayá-Kubí mako in morimumud bo mobaḻí moingongow. Bangusa mita kon diugneamai in mobantungbí kon i datu in Babel pitu nopuḷú notaong in koonggotnea.

YEREMIA 30:11

Akuoi in mamangoibí bo moiko in posaḷamaton-Kubí. Bangusa mita, inta pinoporaritan-Ku kon i monimu komintanbí yopúon-Ku, táe moiko in diábí pomiaan-Ku natua. Memang moiko in diábí moiḷagui kon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan ain nosingog.”

YEREMIA 4:20

Bodito in mamangoi diá moobo-obot morimumud kon sinangkub in butá. Daḻídon in ḷoḷaiganku pinoguyaat, daingnea mita in binisi-bisí.

YEREMIA 4:7

Ná singa inta iḻumuai nongkon pinogadopannea natua doman nobuatdon in momomutú kon bangusa mita inta namangoi sin momutú kon Yohuda. Kotá mita in Yohuda in mobaḻídon dongka rumbunnea tampat inta diá inutunan in intau.

YEREMIA 44:6

Tuamai in pinopobutak-Kudon in torú bo rogi-Ku kon kotá mita in Yohuda bo kon daḷan mita kon Yerusalem. Nodait-Ku sinurub nodapot in dongkadon apugnea bo noḷogat naonda inta inontong monimu tanaa mako.

YEREMIA 46:28

Dá dikabí moondok, ei umat-Ku, Akuoi in mamangoibí sin moposaḷamat kon i monimu. Bangusa mita, inta pinoporaritan-Ku kon i monimu, komintanbí yopúon-Ku, táe moiko in diábí pomiaan-Ku natua. Totuu kon moiko in diábí moiḷagui nongkon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan, ain nosingog.”

YEREMIA 5:10

Akuoi in mopotabábí kon musung sin momoguyaat kon gobá in anggur monia, táe deemanbí makusud moyopú. Akuoi in mopotabábí kon musung tatua momongkó kon tanga mita in pangkoi mita in anggur monia, sin tanganea mita tatua in deemanbí Akuoi in kitogi.

YEREMIA 5:18

Ki Tuhan in noguman, “Umpaka natua, kon dodai intua umat-Ku in diábí yopúon-Ku.

YEREMIA 7:34

Butá tanaa in mobaḻídon rawang inta noḷogat. Tosingogon pia in gina bo tosingogon in rame ponikaan in pogogaion-Kudon kon kotá mita in Yohuda bo kon daḷan mita in Yerusalem.

YEREMIA 9:11

Ki Tuhan in noguman, “Yerusalem in baḻíon-Ku apug tampat pogogadopan in ungkú in kayuon. Kotá mita in Yohuda in moingongowdon, tampat inta diádon pinogutunan.”

OMBAḶ 2:7

Ki Tuhan in doídon in mezbah-Nea inta motusi, bo nonaḷámaidon kon Baḷoi-Nea tontaní; pinomayá-Neadon mako in musung nogumpag kon dindingnea mita. Kon tampat pinoibadaan bo pinoramean naton koḻipod, musung in monggoḷokap popisí in nountung.

YEHEZKIEL 11:13

Koyogotpa in akuoi nosingog kon tua, indoianmai yo ki Pelaca in daḻíbí noḷabú bo minatoi. Dá akuoi in dinumokó bo nomaḷú, “Kaasí Tuhan Inta Totok in moḷantud! Degá bayongan agat in Israel tanaa in ḻimodon-Mu?”

YEHEZKIEL 20:17

Táe onda intua notabi in Akuoi kon i monia, dá diá nobaḻí iḻimod-Ku kon rawang in bungaion tatua.

YEHEZKIEL 33:28

Butá tatua in baḻíon-Kubí padang gurun inta moingongow, bo kawasa inta pongatamai monia in moinggamádon. Buḷud mita kon Israel in moingongow bidon dá diádon in tobatúmai in intau in mokobaḻí tumaḻib kon tua.

YEHEZKIEL 6:14

Tonggóon-Ku in ḻima-Ku bo morimumud kon butá monia, dá mobaḻídon moingongow, pinangkoi kon Gurun Toḷatan modapot kon kotá in Ribla kon utuan. Nongkon tampat mita inta inutunan in intau in Israel, diábí tobatúmai in posaḷamaton. Dá kotaauandon in bayongan in intau kon Akuoibí in Tuhan.”

IMAMAT 26:31

kotámu mita umpagon-Kudon, tampat mita pososumbaanmu in rimumudon-Kudon bo kurubanmu mita in diá tarimaan-Ku.

IMAMAT 26:44

Táe umpaka in mosia kon butápa in musung monia, mosia in diábí taḷaan-Ku ande yompaton-Ku komintan. Sin aka mosia yompaton-Ku, yo mangaḻenea kon tua Akuoidon tontaní in nomontow kon dodandian-Ku takin i monia, bokaka Akuoi naa in ki Tuhan Allah monia.

ZEPANYA 1:18

Kon singgai inta motoyang tatua ki Tuhan in mopoontongbí in torú-Nea, dá bayongan in buḷawan bo saḷaka monia in diábí mokoposaḷamat kon i monia. Sinangkub in dunia in morimumudbí moḷoḷayat tubáan in tuḷú in torú-Nea. Bo daḻi-daḻíbí rabuton-Nea in bayongan nyawa kon butá tanaa.