YEREMIA 4:21 - Alkitab Singog In Mongondow Masa In Tanaa

²¹ Modapot in toonu intua in ontongonku intau simimpatoi in moparang? Modapot in toonu in dongogonku singog in torompet inta mokobongoḷ?

YEREMIA 4:21 Mawu Ofanana

TAWARIKH 2 35:25

Ki Nabi Yeremia in nomia kon dondong amui tobatú kon i Datu Yosia. Nodapot in tanaa dondong tatua in pinaké kon Israel in intau mita mododondong, pinomayá ḷoḷaki andeka bobay, kon pinonogumatoian kon i Yosia. Dondong tatua in pinotuotdon kon bonu in pinosipunan kon dondong mita in amui.

TAWARIKH 2 36:10

Kon pinoyoḻimbanan in taong, ki Datu Nebukadnezar nogakut kon i Yoyakhin pinobayá in Babel nobaḻí intau inta dinakop, bo pakakat mita inta koboḻi kon Baḷoi Tuhan in dinianea doman. Onda intua ki Nebukadnezar noduí kon i Zedekia, pokuamáan ki Yoyakhin, nobaḻí datu in Yohuda bo Yerusalem.

TAWARIKH 2 36:17

Ki Tuhan in nopogonú kon gina in datu in Babel sinbá monubu kon i monia. Ki datu tatua in noḻimod kon intau in Yohuda inta nongobagupa, noitakin doman in mosia inta kon bonu in Baḷoi Tuhan. Diábí in Sia nonotabi kon tobatúmai in intau, noguod andeka noguyang, ḷoḷaki andeka bobay, notakit andeka nosehat. Mosia komintan inogoi i Allah kon i datu in Babel.

TAWARIKH 2 36:3

Ki Nekho datu in Mesir noḷawang bo nogakut kon i Yoahas pinobayá in Mesir, bo pinotabánea in ki Yohuda noguboḻi kon iba 3.400 nokilo in saḷaka bo 34 nokilo in buḷawan. Onda intua dinuínea in ki Elyakim ki utat i Yoahas nobaḻí datu bo binaḷuiannea in tangoi i Elyakim nobaḻí Yoyakim. Onda intua ki Yoahas in dinianea pinobayá in Mesir.

YEREMIA 4:19

Totuu morobonoḷ in dodobku, diádon mokoigon in akuoi in mobaba kon roriga. Diá mokotongod in akuoi in mopoonow in gina putúku in modoḷodok kon bonu in dodob, sin dinongogku in torompet in nosingog, bo kokow in parang kodongogandon mogintubagan.

YEREMIA 4:20

Bodito in mamangoi diá moobo-obot morimumud kon sinangkub in butá. Daḻídon in ḷoḷaiganku pinoguyaat, daingnea mita in binisi-bisí.

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

YEREMIA 6:1

Bayádon poḷagui, ei intau mita in Benyamin! Taḷaaidon in Yerusalem! Irupdon in torompet kon Tekoa, bo poyongkitdon in tuḷú tomponuot kon Bet-Kerem! Bodito bo roriga moḷoben in mongindoyó nongkon utuan.