YEREMIA 39:9 - Alkitab Singog In Mongondow Masa In Tanaa

⁹ Imbuitnea rayat inta kon kotápa, takin intau mita inta ain noḷagui bo dinumotá kon intau mita in Babel, inakut pinobayá in Babel i Nebuzaradan itoi in tontara in Babel.

YEREMIA 39:9 Mawu Ofanana

KINOBAḺIAN 37:36

Kon dodai intua, kon Mesir, intau mita in Midian ain nopotaḷui kon i Yusup kon i Potipar, tobatú pogawai i datu inta pongawal Komaḻig.

DATU MITA 2 20:18

Nongkon i adí bo ompumu oyúon in gamáan bo baḻíon pogawai in komaḻig sin mobantung kon i datu in Babel.”

DATU MITA 2 25:11

Onda intua bayongan in rayat inta kon kotá, intau mita inta mongopandoi mogaid inta kon tuapa, intau mita inta nobiag nobogá bo intau mita inta ain noḷagui namangoi kon intau in Babel, tua komintan in diniadon i Nebuzaradan.

DATU MITA 2 25:20

Intau mita tatua in nodaitnea dinia kon i Datu Nebukadnezar kon kotá in Ribla,

YESAYA 5:13

Tuamai in umat-Ku inta diá nonotaau in onu bo onu in diaanbí mayá nobaḻí intau dinakop. Itoi mita bo rayat in matoibí in gogoy bo rogang.

YEREMIA 10:18

Kon tanaa ki Tuhan in mopogambatdon in bayongan bangusa in Yohuda kon poḷumbúan; moiko komintan in daiton-Neabí rimumudon. Tuata in koyow nongkon i Tuhan.

YEREMIA 16:13

Tuamai, moiko in poguntunon-Ku nongkon butá tanaa bo ḷumbúon-Ku kon butá inta totokbí in diá kinotaauanmu bo in mogoguyangmu. Kon tua moiko in moibada singgai doḷom kon ilah mita ibanea, bo Akuoi in diá bidon motabi kon inimu.’ ”

YEREMIA 24:8

Táe ki Zedekia datu in Yohuda, takin pojabat mita inta modagin kon inia, bo ki agat in intau in Yerusalem inta umuran nogutun kon bonu in butá tanaa andeka inta nomamping kon Mesir, mosia komintan in aidan-Kubí ná bungai in ara inta nongoburuk tanaa, inta diá motaau kaanon. Akuoi, ki Tuhan, ain nosingog.

YEREMIA 38:19

Ki Datu in notubag, “Moondok in akuoi kon intau mita bangusa naton inta ain noḷagui bo dinumotá kon intau in Babel. Dika-dika akuoi ogoi kon i monia bo sikisaan.”

YEREMIA 40:1

Ki Tuhan in nosingog kon inakó naonda in ki Nebuzaradan, itoi in tontara tatua, nopoḷuai kon inakó kon Rama. Akuoi in diniadon kon tua koumantu-antungpa takin bayongan intau ibanea nongkon Yerusalem bo Yohuda inta inakut saḷaku inta dinakop pinobayá in Babel.

YEREMIA 40:7

Ki Datu in Babel ain noduí kon i Gedalya nobaḻí gubernur kon Yohuda sin momarenta kon bayongan intau inta nogutunpa kon Yohuda, intau mita inta nobiag totok in nobogá. Tongosilai nongkon porwira mita bo tontara in Yohuda inta diá sinumungkud kon intau in Babel, nokodongogdon kon pinoduían kon i Gedalya tua.

YEREMIA 52:26

Intau mita tatua in dinianea kon i Datu Nebukadnezar kon kotá in Ribla,

YEREMIA 52:27

Kon wilayah in Hamat. Kon tua iroriga in mosia bodongka iḻimod. Natuata in intau mita in Yohuda inakut nongkon butá monia bo pinobayá in tampat pinoḷumbúan;

DANIEL 2:14

Dá ki Daniel minayá nokipodungkuḷ kon i Ariokh, itoi in moḷoḷukad i datu, inta ain nosadia mopobayá in hukuman matoi tatua. Takin nokopoingat totok

IMAMAT 26:33

Popoangoi-Ku in parang kon butá monimu bo poyayiton-Kudon in moiko kon butá in intau. Gobá mita monimu moibiardon mako, bo kotámu mita pomayádon mako in mogoguyaat.

ULANGAN 4:27

Poyayitonbí i Tuhan in moiko kon sigad in bangusa mita ibanea bo tongádon topiḻik in mobiag in kon sigad monimu.