YEREMIA 39:17 - Alkitab Singog In Mongondow Masa In Tanaa

¹⁷ Táe Akuoi, ki Tuhan, in moḷukadbí kon inimu. Iko in diábí ogoi kon intau mita inta kinoondokmu.

YEREMIA 39:17 Mawu Ofanana

KINOBAḺIAN 15:1

Nopaḷut mako kon tua, ki Abram nokoontong kon oontongon bo nokodongog kon i Tuhan noguman kon inia, “Dika moondok, Abram, ḷukadan-Kubí in iko nongkon bodito, bo moḷoben totok tondan in pinogaidanmu in ogoi-Ku kon inimu.”

SAMUEL 2 24:14

Ki Daud in notubag, “Adodoia kaasí ah! Moboditodon in akuoi! Táe dika in akuoi hukumon in intau, dá mopia-piabí kon kita in hukumon i Tuhan, sin moḷoben in tabi-Nea.”

DATU MITA IMITÁNEA 18:15

Ki Elia in notubag, “Pinodoyon kon i Tuhan Inta Totok in mokawasa inta inundoiku, akuoi in modandi kon mamangoibí tontaní kon tayowon i datu singgai in naa doman.”

DATU MITA IMITÁNEA 18:16

Dá minayádon in ki Obaja nopotaau kon i datu, bo ki Ahab in nobuatdon sin mokipodungkuḷ kon i Elia.

DATU MITA 2 6:16

“Dika moondok,” tubag i Elisa. “Inta kon dotábí naton in mobayo-bayong nongkon intau mita inta kon dotá monia.”

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

YEREMIA 38:1

Ki Tuhan in nopotabá kon inakó nopotaau in koyow tanaa kon rayat, “Kotá tanaa in ogoi-Ku kon tontara in Babel, bo mosia in monaḷowbí. Ki ine in mogutun kon bonu in kotá in matoibí kon bonu in parang, andeka matoi in gogoy andeka matoi in yampoi in takit. Táe ki ine in ḷumuai bo mobogoi in awak monia kon intau in Babel, yo diábí ḻimodon; nyawanea in mosaḷamatbí.” Ki Sepaca ki adí i Matan, ki Gedalya ki adí i Pasyhur, ki Yukhal ki adí i Selemya, bo ki Pasyhur ki adí i Malkia in nokodongog doman kon bayongan inta pinoguman-Ku tua.

YEREMIA 38:9

“Tuang datu Inta Momulia, aid in intau mita tatua in diábí mopia. Mosia in nopobonudon kon i Nabi Yeremia kon parigí; notantú bidon kon matoi in gogoy in sia kon tua, sin kaanon kon kotá tanaa in nodaitdon.”

DANIEL 6:16

Onda intua intau mita tatua bui namangoi kon tayowon i datu bo noguman, “Tuangku, mustibí toropon i Tuangku kon podudui in undang-undang in Media bo Persia, parenta inta ain pinoḷuai i datu in diábí motaau baḷú-baḷuian.”

MATIUS 25:40

Datu tatua in motubag kon i monia, ‘Bá poguman-Kudon kon i monimu: onu inta aindon inaidan monimu kon i utat-Ku mita inta totok in bogá tanaa, yo tua in notongkaibí in pinogaid monimu kon i-Nakó!’