YEREMIA 39:14 - Alkitab Singog In Mongondow Masa In Tanaa

¹⁴ nogamá kon inakó nongkon palas in komaḻig. Bo akuoi in inogoi kon i Gedalya ki adí i Ahikam ki ompu i Sapan, inta musti mogatod kon inakó mobui takin saḷamat. Dá nogutundon in akuoi kon sigad in rayat.

YEREMIA 39:14 Mawu Ofanana

DATU MITA 2 22:12

Bo ki datu in nobogoi in parenta tanaa kon i Imang Hilkia, ki Ahikam ki adí i Sapan, ki Akhbor ki adí i Mikha, ki Sapan momomais in negara, bo ki Asaya totabá i datu:

DATU MITA 2 22:14

Dá minayádon in ki Hilkia, ki Ahikam, ki Akhbor, ki Sapan bo ki Asaya nopoigum in totundú kon bobay tobatú inta ki Hulda in tangoinea. Sia in nabi inta nogutun kon ḻipú mobagu kon Yerusalem. Ki buḷoinea in ki Salum adí i Tikwa, ki ompu i Harhas; sia in mononoḻisí kon pakeang in ibada kon Baḷoi Tuhan. Naonda in ki Hulda nokodongog kon katarangan monia,

TAWARIKH 2 34:20

Bo ki datu in nobogoi in parenta tanaa kon i Hilkia, kon i Ahikam ki adí i Sapan, kon i Abdon ki adí i Mikha, kon i Sapan momomais in negara, bo kon i Asaya moḷoḷukad i datu,

MAZMUR 105:19

Imbuitnea nobaḻídon onu inta sinoḷanownea, sia in pinopobanar in tosingogon i Tuhan.

YEREMIA 26:22

Táe ki Datu Yoyakin in nopotabá kon i Elnatan ki adí i Akhbor takin tongonumai in intau ibanea minayá in Mesir bo nogamá kon i Uria.

YEREMIA 26:24

Táe tanaa noidoyon kon totuḷung i Ahikam ki adí i Sapan, akuoi ki Yeremia diábí inogoi kon rayat sin ḻimodon.

YEREMIA 32:2

Kon dodai intua tontara i datu in Babel koyogot in nonubu kon Yerusalem. Akuoi in sinahang kon dangkuḷon in komaḻig in datu

YEREMIA 37:21

Dá ki Datu Zedekia in nomarenta sinbá akuoi in ponjaraandon kon palas in komaḻig. Dá akuoi in nogutun kon tua, bo pomuḷoi in singgai akuoi ogoian in roti nongkon tampat pogogaidan kon roti nodapot in tongkaaḷ in roti kon kotá tatua nodaitdon komintan.

YEREMIA 38:13

Bo inugut pinoonik monia in akuoi, iḻumuai nongkon parigí tatua. Nopaḷut mako kon tua akuoi sinahang kon palas in komaḻig.

YEREMIA 38:28

Akuoi in tantú sinahang kon palas in komaḻig nodapot kon singgai pinogagowan in musung kon Yerusalem.

YEREMIA 39:13

Dá ki Nebuzaradan takin doyowa in porwira moḷantudnea, ki Nebusyazban bo ki Nergal-Sarezer takin bayongan in porwira in Babel ibanea,

YEREMIA 39:15

Kon tungkuḷ in akuoi pinonjarapa kon palas in komaḻig, ki Tuhan in nopotabá kon inakó

YEREMIA 40:1

Ki Tuhan in nosingog kon inakó naonda in ki Nebuzaradan, itoi in tontara tatua, nopoḷuai kon inakó kon Rama. Akuoi in diniadon kon tua koumantu-antungpa takin bayongan intau ibanea nongkon Yerusalem bo Yohuda inta inakut saḷaku inta dinakop pinobayá in Babel.

YEREMIA 40:5

Kon dodai in diápa minayá, ki Nebuzaradan in noguman, “Aka moibog, iko in motaaubí mobui mayá kon i Gedalya ki adí i Ahikam ki ompu i Sapan, inta ain dinuí i datu in Babel nobaḻí gubernur kon kotá mita in Yohuda. Iko in motaaubí mogutun takinnea kon sigad in rayat, andeka mayábí in onda in koibogmu.” Bo inogoiannea in tongkaaḷ kaanon bo tombuinag in akuoi, bo inogoineadon in akuoi minayá.

YEREMIA 40:6

Akuoi in minayá kon i Gedalya kon Mizpa, bo nogutun kon inia kon yua-yuak in rayat inta sinaḷáan kon butá in Yohuda.

YEREMIA 40:7

Ki Datu in Babel ain noduí kon i Gedalya nobaḻí gubernur kon Yohuda sin momarenta kon bayongan intau inta nogutunpa kon Yohuda, intau mita inta nobiag totok in nobogá. Tongosilai nongkon porwira mita bo tontara in Yohuda inta diá sinumungkud kon intau in Babel, nokodongogdon kon pinoduían kon i Gedalya tua.

YEREMIA 41:1

Kon buḷan noginpitu kon taong tatua ki Ismael ki adí i Netanya ki ompu i Elisama minayá noyotakin in intau taya mopuḷú minayá in Mizpa sin moyodungkuḷ i Gedalya. (Ki Ismael naa in tobatú buí in datu, porwira moḷantud tobatú in dodatuan.) Koyogot in mosia nongaan noyotakin,