YEREMIA 38:26 - Alkitab Singog In Mongondow Masa In Tanaa

²⁶ Potaaudon kon iko in nodondouḷug kon inakó sinbá akuoi in diádon mokidia bui kon inimu kon ponjara bo matoi kon tua.”

YEREMIA 38:26 Mawu Ofanana

ESTER 4:8

Ki Mordekhai in nobogoi doman kon i Hatah in salinan in surat i datu inta pinoḷuai nongkon Susan bo inta tombonunea in parenta moyopú kon intau in Yahudi. Pinotabánea in ki Hatah mobogoi in surat tatua kon i Ester bo moginsilang kon pelekara tatua kon inia, bo mopoigum doman sinbá ki Ester in mayá kon tayowon i datu sin mopoigum in totabi kon bangusanea.

YEREMIA 37:15

Sinumorú totok in mosia kon inakó, bo nomarenta sinbá bongkugon in akuoi bo kurungon kon baḷoi i Yonatan, momomais in negara. Baḷoi tatua in binaḻídon ponjara.

YEREMIA 37:20

Tanaa, Tuang datu inta momulia, indongogaipa kaasí in oigumku tanaa. Dikadon pokidia bui i Tuang datu in akuoi kon ponjara kon baḷoi i Yonatan tua, sin matoi in akuoi kon tua.”

YEREMIA 38:27

Diá noonggot kon tua bayongan in pojabat tatua namangoi bo nopoḻibo-ḻibó kon inakó. Akuoi in noguman kon i monia noitugat ná inta pinarenta i datu kon inakó. Takin natua mosia in diá nokopongonu sin diá tobatúmai in intau nonotaau kon yosingog naminda i datu.

YEREMIA 42:2

kon inakó bo noguman, “Amá, ná inta inontong tontaní i Amá, kami naa dungkuḷmai in nobayong, tanaa in dongkadon topiḻik. Poigumon nami kaasí sambayanganpa i Amá in kami kon i Tuhan Allah inta sinumba i Amá. Sambayangaipa in kami inta ki agatneapa naa,