YEREMIA 38:21 - Alkitab Singog In Mongondow Masa In Tanaa

²¹ Táe aka ki Tuang datu doí moposarakan in awak, yo ki Tuhan in nopoontongdon kon inakó onu in mobaḻí.

YEREMIA 38:21 Mawu Ofanana

TAWARIKH 2 36:12

Sia in binaradosa doman kon i Tuhan Allahnea. Doí doman in sia tumonsiup bo doí dumudui kon i Nabi Yeremia inta nopotaau in koyow nongkon i Tuhan kon inia.

AYUB 23:13

Ki Allah tua in diábí mobaḷu-baḷui; diábí in mokoḷawang kon i-Nia. Sia in mopobayábí onu inta kinoibog-Nea.

AYUB 34:33

Umpaka yo indongogan i Allah onu in koibogmu, naonda in aid i Allah diá sinarimamu? Tanaa, iko in musti monantú, deemanbí akuoi. Pogumandon onu in singogonmu!

IḶUAIAN 16:28

Bo ki Tuhan noguman kon i Musa, “Dapotpa in toonu moiko doí mokidongog kon parenta-Ku mita?

YEREMIA 26:15

Táe torop, aka moiko moḻimod kon inakó, moiko bo intau in kotá tanaa in mobaba kon taḷá kon pinoḻimodan kon intau inta diá kotaḷá. Sin, ki Tuhanbí inta nopotabá kon inakó mobogoi in tompoingat tatua kon inimu.”

YEREMIA 38:20

“Diá,” tubagku, “Ki Tuang datu in diábí ogoi kon i monia. Poigumonku totok sinbá ki Tuang datu in dumudui kon koyow i Tuhan; dá tua komintan in moḷapatbí, bo ki Tuang datu in diábí ḻimodon.

YEREMIA 38:22

Kon bonu in oontongon tatua akuoi in nokoontong kon bayongan in bobay inta kon komaḻigpa in Yohuda pinoḷuai dinia kon pojabat mita in Babel. Kobaya-bayá mosingog in mosia, ‘Ki datu in pinomiadon ibo-ibog in yobayatnea mita inta modagin, bo kinawasa monia. Tanaa, naonda in sioḷnea noiḷosok kon bonu in yoná, inumundok komintan in mosia.’ ”

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEHEZKIEL 2:7

Potaaubí in bayongan in koyow-Ku kon i monia, pinomayá moibog in mosia mokidongog andeka doí. Toropdon kon mosia tua in momomarontak mita.

PINOGIAPAN 24:13

umpakabí daiton i Tuangku ogoi kon inakó in bayongan in saḷaka bo buḷawan kon komaḻig i Tuangku, yo diábí motaau in akuoi ḻimimpat kon parenta i Tuhan bo mogaid podudui in ibogku tontaní. Akuoi in tongábí motaau moguman kon onu in pinoki guman i Tuhan kon inakó.”

OUMAN IN RASUL MITA 18:6

Táe barang intau mita kon tua umuran moḷawang poḷat moningkuḻemai kon inia, dá sinoko topiranneadon in ḷobud kon ḷambungnea mita, saḷaku tanda mobogoi in tompoingat kon taḷá mita monia. Bo sia in noguman, “Aka mobodito in moiko, yo dongka bidon taḷá monimu tontaní! Pomayáku bidon mako! Tanaa mako akuoi in mayádon kon intau mita inta deeman Yahudi.”

IBRANI 12:25

Manangka intua mokopoingat, sin dikabo moiko in doídon mokidongog kon i-Nia inta nosingog tatua. Mosia inta doí mokidongog kon i-Nia inta namangoi in dunia naa bo inta nopoyaput in koyow nongkon i Allah, diábí mokoḷagui. Apa doman kita naa inta nokodongog kon i-Nia inta nosingog nongkon soroga! Aka kita bo doí mokidongog kon i-Nia, yo diábí mokoḷagui in kita!