YEREMIA 38:17 - Alkitab Singog In Mongondow Masa In Tanaa

¹⁷ Bo akuoi in noguman kon i Zedekia kon ki Tuhan Inta Totok in mokawasa, ki Allah inta sinumba in intau in Israel, noguman nanaa, “Aka iko tumungkud kon pojabat mita i datu in Babel, iko in diábí ḻimodon, bo kotá tanaa in diábí doman turubon. Iko takin motoḷuadímu in mosaḷamatbí.

YEREMIA 38:17 Mawu Ofanana

KINOBAḺIAN 12:13

Dá maníka pogumandon kon iko in ki ai-aiku sinbá akuoi in pomayádon mako monia in mobiag bo mopia doman in pototomu monia kon inakó sin popisí in iko.”

DATU MITA 2 24:12

bo ki Datu Yoyakhin takin i inánea, i adínea mita, in porwiranea mita takin pogawai mita in komaḻignea sinumungkud kon i Nebukadnezar. Bo ki Yoyakhin in sinahang. Tua in nobaḻí kon taong noginwaḷu kon pinomarentaan i Nebukadnezar.

DATU MITA 2 25:27

Kon singgai nogindoyowa nopuḷú bo pitu kon buḷan impuḷú bodoyowá kon taong intoḷu nopuḷú bo pitu naonda in ki Yoyakhin dinia kon pinoḷumbúan, ki Ewil-Merodakh in nobaḻí datu in Babel. Kon taong tatua doman pinoontongneadon in tabinea kon i Yoyakhin, bo pinoḷuaineadon kon ponjara,

TAWARIKH 1 17:24

Kon ondaka in intau umuranbí mopoḷantud in tangoi-Mu bo moguman, ‘Tuhan Inta Totok Mokawasa, Sia tua in ki Allah in Israel.’ Umuranbí mononoi in intau tobatú nongkon buíku in momarentabí mobaḻí datu.

EZRA 9:4

Tantú in akuoi iḻimitú mako natua nodapot in wakutu pobogoian in sosumba kuruban ḷoḷabungnea. Bo namangoidon in intau mita iḻimibu kon inakó. Mosia inangoian in ondok nokodongog kon gogondok i Tuhan popisí in dosa in intau mita inta ain nobui nongkon pinoḷumbúan tatua.

AYUB 23:13

Ki Allah tua in diábí mobaḷu-baḷui; diábí in mokoḷawang kon i-Nia. Sia in mopobayábí onu inta kinoibog-Nea.

MAZMUR 80:14

Boké in kayuon moranut modapot in mogoguyaat, bo mahaḷuk kon rawang mokaan kon tua.

MAZMUR 80:7

Pinomayá-Mu mako in bangusa mita topodiugmai nobobayowan soaḷ butá nami musung mita nami in kinumosing takin ḷunganga in gina.

YEREMIA 27:12

Kon i Zedekia datu in Yohuda, akuoi, ki Yeremia, nopotaau in natua doman. Akuoi in moguman, “Tungkudon kon i datu in Babel. Kotoḷutui kon inia bo kon bangusanea, sinbá mosaḷamat in ki Tuang Datu.

YEREMIA 27:17

Dika indongogan in mosia! Tungkudon kon i datu in Babel, sinbá mosaḷamat in moiko. Onubí in mangaḻenea aka kotá tanaa in musti morimumud?

YEREMIA 27:8

Bangusa andeka dodatuan inta doí mokiompu kon i Nebukadnezar in hukumon-Ku pongin parang, gogoy, bo yampoi in takit, modapot in kon imbuitnea bangusa tatua in mokiompubí doman.

YEREMIA 39:3

bo Yerusalem inagow. Dá bayongan in pojabat mita in datu in Babel namangoi bo minayá iḻimitú kon Bonawang Toyuak. Kon sigad monia tua oyúon in ki Nergal-Sarezer, Samgar Nebo, Sarsekim tongguḷu in tombonu in komaḻig, ki Nergal-Sarezer Rabmag bo porwira mita ibanea.

YEREMIA 40:9

Ki Gedalya in noguman kon i monia, “Moiko in dikabí moondok in tumungkud kon intau in Babel. Pogutundon kon butá naton tanaa, bo koibogdon mobaḻí ata in datu in Babel. Mopirisayabí in akuoi kon mosaḷamatbí in moiko.

YEREMIA 44:7

Bo tanaa Akuoi, ki Tuhan Inta Totok in mokawasa, Allah in Israel, noḻibó mongo nongonu sin moiko in nogaidbí kon inta mokopoangoi kon bodito moḷoben kon inimu tontaní. Degá moibog in moiko moyopú kon bayongan in intau – ḷoḷaki, bobay, mongoadí mita, bo adí mita mointok – modapot in diádon in tobatúmai in inta nongkon bangusamu in kotaḷáan?

YEHEZKIEL 8:4

Bo inontongku in bayag motarang inta nobaḻí tomponuot kinoangoian i Allah in Israel, ná inta inontongku kon dodai in akuoi kon bingkí in Ongkag in Kebar.

AMOS 5:27

Kon tungkuḷ in ḷumbúon-Ku in moiko kon butá tobatú inta noyayú nongkon Damsyik. Akuoi ki Tuhan inta tangoi-Ku ki Allah Inta Totok in mokawasa ain nosingog.”