YEREMIA 38:16 - Alkitab Singog In Mongondow Masa In Tanaa

¹⁶ Ki Datu Zedekia inumuni-uni mako nodandi kon inakó, kainia, “Pinodoyon kon i Allah inta nobiag, ki Allah inta nobogoi in kobiagan kon i naton, akuoi in mongibot kon akuoi in diábí moḻimod kon inimu andeka mobogoi kon inimu kon intau mita inta moibog moḻimod kon inimu.”

YEREMIA 38:16 Mawu Ofanana

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

YESAYA 42:5

Ki Tuhan Allah in nomaḻí bo nosongká kon ḷangit; Sia in nomia kon butá bo bayongan inta nobiag kon tudunea. Sia in nobogoi kon intau in poginaan kobiagan bo nyawa. Sia in nopotaau in koyow tanaa kon mogogundoi-Nea mita,

YESAYA 57:16

Diábí modapot in mononoi Akuoi in mopotaḷá kon umat-Ku, diábí mononoi in tumorú in Akuoi, sinbá mosia in diá kobuḻian in ibog, bokaka Akuoibí in inta nomiag kon i monia.

YEREMIA 34:20

Ogoi-Kubí in moiko kon musung inta moibog moḻimod kon i monimu. Mayatmu in kaanonbí in ḷagapan bo mahaḷuk mokokaan kon mahaḷuk ibanea.

YEREMIA 37:17

Onda intua ki Datu Zedekia nopotabá kon intau sin modia kon inakó pobayá in komaḻig kon inia. Kon tua inumuni uni in sia noḻibó kon inakó mongo oyúon in koyow nongkon i Tuhan. “Oyúon,” tubagku. Bo akuoi in noguman, “Ki Tuang datu in ogoi kon i datu in Babel.”

ZAKHARIA 12:1

Naa in koyow i Tuhan soaḷ Yerusalem. Ki tuhan inta nomukat kon ḷangit, nomaḻí kon dunia naa bo nobogoi in kobiagan kon intau, in noguman,

PINOGIAPAN 16:22

Táe ki Musa bo ki Harun dinumokó nosumba bo noguman, “O Allah, Ikobí in nobogoi in kobiagan kon bayongan inta nobiag. Aka tongá tobatú in intau in binaradosa, yo degá Iko in tumorú domandon kon bayongan umat?”

PINOGIAPAN 27:16

“O, Tuhan Allah, inta nobogoi in kobiagan kon bayongan inta nobiag, poigumonku, tundúpa in intau tobatú inta motaau mobaḻí itoi kon bangusa tanaa;

YOHANES 3:2

Kon doḷom tobatú, sia in namangoi kon i Yesus bo noguman, “Pak Guru, kinotaauan nami kon ki Amá in pinotabábí i Allah. Sin diábí in tobatúmai intau in motaau mogaid kon soaḷ mita inta mokoherang ná inta pinomia i Pak Guru aka ki Allah diá kotaki-takinnea.”

OUMAN IN RASUL MITA 17:25

Sia tua in diábí moparaḷu kon totuḷung in intau, sin Sia tua inta mobogoi in kobiagan, tompot bo bayongan yagi-yagi kon intau.

OUMAN IN RASUL MITA 17:28

Sin ná inta kain singog in intau, ‘Kita naa in nobiag bo motaau mamagí mamako modapot in oyúon kon dunia, lantaranbí kawasa-Nea.’ Ná doman kain momomantun monimu, ‘Kita naa in komintanbí ki adí-Nea mita.’

IBRANI 12:9

Kon dunia naa oyúonbí in ki amá naton. Sia in motundú kon i naton, táe horomatonbí naton in sia. Yo bambíkabí bo ki Amá naton kon soroga, tantú mustibí in kita tumonsiup kon i-Nia sinbá mobiag in kita.