YEREMIA 38:11 - Alkitab Singog In Mongondow Masa In Tanaa

¹¹ Dá minayádon in ki Ebed-Melekh takin intau toḷu tatua kon ontag in komaḻig, bo nogamá kon daing mita koyongan kon tua, bo sinuntun in tontogot kon inakó kon bonu in parigí.

YEREMIA 38:11 Mawu Ofanana

YEREMIA 38:10

Bo ki datu in nomarenta kon i Ebed-Melekh, “Podiaaidon kon toḷu in intau bo poḷuaidon in ki Yeremia nongkon parigí tatua kon dodai in sia diápa matoi.”

YEREMIA 38:12

Ki Ebed-Melekh nokipoaip in daing mita tatua kon iyokku, sinbá diá monakit in awakku in popotogotan in tontogot tatua. Dá dinuduianku in onu inta pinoki aid i Ebed-Melekh.

YEREMIA 38:6

Bo ginamá monia in akuoi bo sinuntun monag monia in akuoi kon bonu in parigí i Malkia ki adí ḷoḷaki i datu, inta noiukat kon palas in komaḻig. Diábí in tubig kon bonu in parigí tatua, tongá yoná, bo akuoi in noibonu kon yoná tatua.

YEREMIA 38:7

Kon dodai intua oyúon in intau in Sudan tobatú inta nogaid kon bonu in komaḻig i datu. Tangoinea in ki Ebed-Melekh. Kinodongogannea kon akuoi in binonudon kon bonu in parigí tatua. Kon dodai in ki datu koyogot nomia kon bakid kon Bonawang Benyamin,

YOSUA 6:19

Bayongan in pakakat saḷaka, buḷawan, tambaga bo uatoi musti ogoi kon i Tuhan, bo musti tagúon kon bonu in tampat pototagúan kon kapunyaan i Tuhan.”