YEREMIA 37:12 - Alkitab Singog In Mongondow Masa In Tanaa

¹² Dá akuoi in nonaḷámaidon kon Yerusalem bo minayá in butá in Benyamin sin motarima kon posilaian kon tonsilaiku in butá kapunyaan in motoḷuadíku.

YEREMIA 37:12 Mawu Ofanana

DATU MITA IMITÁNEA 19:3

Inagían in ondok in ki Elia, bo noḷagui in sia sinbá diá ḻimodon. Sia bo bobantungnea in minayá in Bersyeba inta kon Yohuda. Kon tua sinaḷáanneadon in bobantungnea tatua,

DATU MITA IMITÁNEA 19:9

Kon tua in ki Elia nosiug in doḷom tua kon angob. Bo ki Tuhan in noguman kon inia, “Elia, onu in aidanmu kon naa?”

TAWARIKH 1 6:60

Kon butá in suku Benyamin nokouḻí in mosia kon ḻipú mita noiduduimai tanaa noyotakin in rawang mita in bonoknea: Geba, Alemet bo Anatot. Kobayong intua mita in 13 noḻipú sin mobaḻí pogogutunan in motoḷuadí mita monia.

NEHEMIA 6:11

Táe akuoi in notubag, “Akuoi naa in deemanbí intau inta moibog moḷagui. Saḷaku intau biasa diábí motaau in akuoi tumuot kon Baḷoi Tuhan, sin matoi in akuoi. Diá, doíbí in akuoi!”

MAZMUR 55:7

Ah, aka kuma bo kokoḻikipan in akuoi naonda bo paḷoma, ḷumayugbí in akuoi motayak kon tampat inta moodom.

YEREMIA 1:1

Buk tanaa tombonunea in tosingogon mita i Yeremia ki adí i Hilkia imang tobatú nongkon kotá in Anatot kon butá in Benyamin.

YEREMIA 37:11

Tontara in Babel inumundok nongkon Yerusalem popisí in tontara in Mesir nopoangoi in kotá tatua.

MATIUS 10:23

Aka moiko pogutúon monia kon tobatú kotá, yo poḷaguidon kon kotá ibanea. Sin poguman-Ku kon i monimu: Kon wakutu in diápa modait monimu kobayáan in ḻipu-ḻipúannea kon Israel, yo ki Adí Intau in namangoidon bui.

TESALONIKA 1 5:22

Bo mokopoyayú kon bayongan inta moraat.