YEREMIA 36:8 - Alkitab Singog In Mongondow Masa In Tanaa

⁸ Dá ki Barukh in nobaca kon tosingogon i Tuhan kon Baḷoi Tuhan, ná inta pinoki aidku kon inia.

YEREMIA 36:8 Mawu Ofanana

NEHEMIA 8:3

Onda intua, nongkon doḷo-doḷom noidapot in noutu in singgai, ki Ezra in nobaca kon Hukum tatua kon i monia. Mosia komintan in nokidongog poḷat nopoḻimbonu kon gina.

YEREMIA 1:17

Posadiadon, Yeremia! Bayádon bo potaaudon kon i monia, bayongan inta pinoki aid-Ku kon inimu. Dika moondok kon i monia, sinbá diá baḻíon-Ku in iko totok in moondok aka moyogintayowan mako monia.

YEREMIA 32:12

Bo surat doyowa tatua in inogoiku kon i Barukh ki adí i Neria ki ompu i Mahseya. Inogoiku intua kon tayowon i Hanameel bo sakusi mita inta ain notekeng kon surat mita tatua, bo kon tayowon in intau mita inta ḻimitú mako kon palas tatua.

YEREMIA 36:4

Tuamai in inoiníku in ki Barukh ki adí i Neria bo pinoki pais kon ḻitodan in buk in bayongan tosingogon inta pinoguman i Tuhan kon inakó. Dá nodait i Barukh pinais intua kon ḻitodan in buk tatua.

YEREMIA 36:6

Tuamai, aka wakutuneadon mopuasa in intau, yo iko in musti mayá intua, bo baca koropot in bayongan inta ain pinogumanku kon inimu, sinbá mosia in mokodongog komintan kon inta pinoguman i Tuhan kon inakó. Baca intua nongkon tampat inta bayongan intau kon bonu in Baḷoi Tuhan mokodongog kon tua mita, noitakin doman in intau in Yohuda inta namangoi nongkon kotá mita monia.

MATIUS 16:24

Bo ki Yesus in noguman kon murí-Nea mita, “Pomuḷoi intau inta moibog dumudui kon i-Nakó, sia in musti monaḷámai kon oaidannea tontaní bo momotaan kon roriganea, bo dumudui kon i-Nakó.

KORINTUS 1 16:10

Aka ki Timotius mamangoi yo kopiaanbí in motomu, sinbá diá moondok in sia bo mopia in ginanea kon yua-yuak monimu, sin sia tua in notongkaikubí, tumpaḷa mogogaid kon oaidan i Tuhan.