YEREMIA 36:4 - Alkitab Singog In Mongondow Masa In Tanaa

⁴ Tuamai in inoiníku in ki Barukh ki adí i Neria bo pinoki pais kon ḻitodan in buk in bayongan tosingogon inta pinoguman i Tuhan kon inakó. Dá nodait i Barukh pinais intua kon ḻitodan in buk tatua.

YEREMIA 36:4 Mawu Ofanana

YESAYA 30:8

Ki Allah in nopotabá kon inakó nomais kon aid moraat in umat-Nea kon bonu in buk tobatú nobaḻí tompoingat mononoi.

YESAYA 8:1

Ki Tuhan in noguman kon inakó, “Gamádon in batu pomomaisan moḷoben, bo paisdon kosilang: ‘Pogagowan inta Mokaḻet, Pogagowan inta moḻikat’.

YEREMIA 25:13

Babel in hukumon-Ku in bayongan in bodito inta ain sinomayá-Ku kon bangusa mita bo inta ain pinotaau-Ku pinongin i Yeremia – tuata in bayongan in bodito inta pinais kon bonu in buk tanaa.

YEREMIA 30:2

noguman kon inakó, “Paisdon kon bonu in buk tobatú in bayongan inta ain pinoguman-Ku kon inimu.

YEREMIA 32:12

Bo surat doyowa tatua in inogoiku kon i Barukh ki adí i Neria ki ompu i Mahseya. Inogoiku intua kon tayowon i Hanameel bo sakusi mita inta ain notekeng kon surat mita tatua, bo kon tayowon in intau mita inta ḻimitú mako kon palas tatua.

YEREMIA 36:14

Bo pojabat mita tatua in nopotabá kon i Yehudi (ki adí i Netanya, ki ompu i Selemya, ki ompu kon duḷud i Kusyi) minayá kon i Barukh takin parenta sinbá mamangoi bo modia mangoi kon i monia in ḻitodan buk inta ain binacanea tatua. Dá dinia i Barukh in buk tatua.

YEREMIA 36:21

Bo ki datu in nopotabá kon i Yehudi nogamá kon ḻitodan in buk tatua. Naonda in ginamánea kon gopot i Elisama, binaca i Yehudi intua kon i datu bo kon bayongan in pojabat inta sinimindog iḻimibu kon i datu.

YEREMIA 36:23

Naonda in ki Yehudi nopaḷut nobaca kon degá toḷu andeka opat nobares, ki datu nomongkó in tosilad kon tonsilai tatua bo pinogambatnea kon bonu in tuḷú. Natuata in inaidannea nodapot in bayongan ḻitodan buk tatua nodait sinubá.

YEREMIA 36:26

Noidapot in ki datu nomarentabí kon i adínea ḷoḷaki, ki Yerahmeel, noyotakin i Seraya ki adí i Azriel bo ki Selemya ki adí i Abdeel, sin modomok kon inakó bo kon i Barukh momomaisku. Táe binuni i Tuhan in kaminda.

YEREMIA 36:27

Naonda in ki Datu Yoyakin notubá kon ḻitodan in buk inta pinoki pais kon i Barukh tua, ki Tuhan in nopotabá kon inakó

YEREMIA 36:28

nogamá kon ḻitodan in buk ibanea, bo nomais kon bayongan inta ain pinais kon ḻitodan in buk inta muna tua.

YEREMIA 36:32

Dá ginamá-Ku in ḻitodan in buk inta nobagu, bo nobogoi kon i Barukh momomaisku. Bo sia in nomais kon bayongan inta pinogumanku kon inia, inta bonu in ḻitodan in buk inta muna dinugangan in tongonumai in koyow ibanea inta ná tatua.

YEREMIA 36:6

Tuamai, aka wakutuneadon mopuasa in intau, yo iko in musti mayá intua, bo baca koropot in bayongan inta ain pinogumanku kon inimu, sinbá mosia in mokodongog komintan kon inta pinoguman i Tuhan kon inakó. Baca intua nongkon tampat inta bayongan intau kon bonu in Baḷoi Tuhan mokodongog kon tua mita, noitakin doman in intau in Yohuda inta namangoi nongkon kotá mita monia.

YEREMIA 43:3

Ki Barukhbí ki adí i Neria tua in nondodak kon inimu kon monayow kon inami, sinbá kami kawasaan in intau in Babel bo mokoḻimod andeka mogakut kon inami pobayá in Babel.”

YEREMIA 51:59

Moḷoḷukad i Datu Zedekia in ki Zeraya ki adí i Neria ki ompu i Mahseya. Kon taong inggopatnea kon pinomarentaan i Zedekia datu in Yohuda, ki Seraya dinumudui kon i Zedekia minayá in Babel. Dá inogoianku in sia in oaidan tobatú.

YEREMIA 51:60

Bayongan in bodito inta moiantug kon Babel bo soaḷ mita ibanea kon butá tatua ain pinaisku kon ḻitodan in buk.

YEHEZKIEL 2:9

Onda intua inontongku in ḻima inta noituntun kon inakó. Kon ḻima tatua oyúon in ḻitodan in buk,

DANIEL 7:1

Kon doḷom tobatú, kon taong imitánea ki Belsyazar nobaḻí datu kon Babel, akuoi, ki Daniel in sinumogoindop bo nokouḻí kon oontongon. Togoindop tatua in pinaisku bo naa in poyaputku onu inta inontongku: Tompot moropot nogirup nongkon bayongan tampat bo nokopopisí kon nomuká in deḷang kon baḷangon.

ZAKHARIA 5:1

Sinaridianku bui, bo tanaa inontongku in ḻitodan in buk inta pinoḷayug in tompot.

SURAT I PAULUS KON JAMAAT RUM 16:22

Nomais kon surat tanaa in akuoi ki Tertius. Akuoi in mopoyaput in salam pogogutat kon i monimu.