YEREMIA 34:8 - Alkitab Singog In Mongondow Masa In Tanaa

⁸ Ki Datu Zedekia bo intau in Yerusalem nomia kon dodandian sin mopoḷuat

YEREMIA 34:8 Mawu Ofanana

DATU MITA 2 11:17

Ki Imang Yoyada in nopotabá kon i Datu Yoas bo rayat nomia kon dodandian takin i Tuhan kon mosia in mobaḻíbí umat i Tuhan. Sia in nokiaid doman kon i datu in dodandian takin rayat.

TAWARIKH 2 23:16

Ki Imang Yoyada in nonongganut kon i Datu Yoas bo rayat moyotakinnea mogaid kon dodandian kon mosia in mobaḻíbí umat i Tuhan.

TAWARIKH 2 29:10

Tanaa in moibog in akuoi momia kon dodandian takin i Tuhan, Allah in Israel, sinbá diádon in Sia tumorú kon inaton.

NEHEMIA 9:38

Pinodoyon kon bayongan inta nobaḻí tatua, kami rayat in Israel nomia kon dodandian inta moroton bo pinais, bo cinapan in itoi mita, intau mita in Lewi bo imang nami tobatú.

YESAYA 58:6

Naabí in puasa inta kinoibog-Ku: Ḷuatdon in aid mopororiga bo bobabaan inta diá moadil, bo poḷuatdon in intau mita inta dinorot.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

IMAMAT 25:10

Musti potondí monimu in taong in ḻima nopuḷúnea tatua, bo mopotaau in kinoḷuatan in bayongan intau kon butá tatua. Kon bonu in taong tatua bayongan kapunyaan inta ain pinotaḷui musti pobuion kon i toginea inta muna ande kon buínea. Ki ine in pinotaḷui nobaḻí ata musti pobuion kon koluarganea.

ULANGAN 15:12

“Aka intau ḷoḷaki ande bobay nongkon bangusamu moposarakan in awaknea mobaḻí atamu, sia in musti mogaid kon inimu kon bonu in onom notaong. Kon taong noginpitu sia in mustibí poḷuaton.