YEREMIA 34:11 - Alkitab Singog In Mongondow Masa In Tanaa

¹¹ Táe noiduduimai nobaḷui in raian monia, bo nogamá bui kon ata mita tatua, bo nomakisa kon i monia nobaḻí ata bui.

YEREMIA 34:11 Mawu Ofanana

MAZMUR 125:5

Táe intau inta motombogá igumon mako in hukumon i Tuhan poyotakinon in intau moraat. Igumon mako umat-Mu mobiag motompia!

MAZMUR 36:3

Inanggapnea kon siabí in totok in motoyang, dá diábí kotaauannea kon oyúon in taḷánea, bo diábí indoíonnea.

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

IḶUAIAN 9:28

Posambayangdon kon i Tuhan; totokdon in moyoyiga in kami popisí in gotup bo uyan eis tanaa. Pomayákudon mako in moiko mayá. Donaaidon mogutun kon naa in moiko.”

AMSAL 26:11

Ná ungkú inta bui mokaan kon totukanea, natua doman in intau bodok inta mobuimai kon kobobodoknea.

MOHOHUTUBA 8:11

Nongonu sin totuubí mogampang in intau momia kon inta moraat? Popisí in hukuman diá ḷagi popoḷabú.

YEREMIA 34:10

Bayongan in rayat bo pojabat mita in pomarenta inta ain nomia kon dodandian mopoḷuat kon ata mita monia bo diádon bui mononggata kon i monia, totu-totuu mopoḷuat kon i ata monia tatua.

YEREMIA 34:12

Dá ki Tuhan, Allah in Israel, nopotabá kon inakó noguman nanaa kon intau mita tatua, “Kon tungkuḷ in Akuoi nodia kon mogoguyangmu iḻumuai nongkon Mesir bo nopoḷuat kon i monia nongkon pinononggataan, Akuoi in nomiadon kon dodandian takin monia.

YEREMIA 34:16

Pojabat mita in pomarenta in Yohuda bo Yerusalem takin pogawai mita in komaḻig, imang mita bo bayongan in moḷoḷukad kon butámu ain noposah kon dodandian tatua poḷat noratá kon sapi, pinongkó doyowa, bo minayá kon sigad in doyowa nopongkó tatua. Táe, onda intua nobaḷui in raian monimu bo noningkuḻe kon i-Nakó. Ata mita inta ain pinoḷuat monimu podudui in ibog monia, ginamá bui monimu bo pinakisa nobaḻí ata bui. Tuamai, Akuoi, Tuhan, moguman kon moiko in iḻimimpatdon kon parenta-Ku, bo diá dinumudui kon saratnea mita, sin moiko in diábí nopoḷuat kon tumpaḷa bangusamu Israel. Yo, maníka Akuoi in mobogoi in kabebasan kon inimu: Kabebasan matoi kon poparangan andeka yampoi in takit andeka in gogoy. Akuoi in mopomiabí kon i monimu ná moiko nopomia kon sapi inta iratá monimu tatua. Pomiaan-Kubí in bayongan bangusa kon dunia mokoningkim in mokoontong kon onu in inaidan-Ku kon i monimu.

YEREMIA 34:21

Ki Zedekia datu in Yohuda bo pojabat mita in pomarentaanea in ogoi-Ku kon intau mita inta moibog moḻimod kon i monia. Ogoi-Kubí in mosia kon tontara in Babel, inta tanaa mako ain nonaḷámai kon i monimu.

YEREMIA 37:5

Tontara in Babel koyogot in mongopung kon Yerusalem, táe naonda in dinongog monia kon tontara in Mesir ain nobuat nongkon Mesir sin moparang, inumundok in mosia.

HOSEA 6:4

Táe ki Tuhan in noguman, “Ei Israel bo Yohuda! Onu in musti aidan-Ku kon i monimu? Tabimu kon i-Nakó in motoyongbí moinggamá naonda bo topuot andeka oḷú doḷo-doḷom.

HOSEA 7:16

Mosia in umuran bidon dumudui kon dewa mita inta beresibí diá in kawasa onu bo onu. Mosia in diábí motaau pongata naonda bo piot inta nopupud. Itoi mita monia in dumodia in mosingog, tuamai in ḻimodonbí in mosia in kedang, bo kosingan in intau mita in Mesir.”

ZEPANYA 1:6

Yompaton-Kubí in mosia inta diá namangoi kon i-Nakó andeka inta mokikapit kon i-Nakó bo inta ain nonaḷámai kon i-Nakó bo doídon dumudui kon i-Nakó.”

SAMUEL 1 24:19

Aidku kon inimu inta moraat ain sinuḻíanmu in aid mopia. Kon singgai naa in pinoniatamudon kon mopiabí in makusudmu kon inakó, sin diábí iḻimodmu in akuoi, umpaka pinosarakandon i Tuhan in akuoi kon inimu.

SAMUEL 1 26:21

Bo ki Saul in notubag, “Akuoi ain nogaid kon noitaḷá. Pobuidon Daud, Adíku! Akuoi in diá bidon bui mogaid kon inta moraat kon inimu sin inogoimudon in akuoi nobiagpa in kogobíi. Dodiaku tua in nopompuḷongdon totok. Akuoi in totu-totuudon kon ain notoboḻingo!”