YEREMIA 34:10 - Alkitab Singog In Mongondow Masa In Tanaa

¹⁰ Bayongan in rayat bo pojabat mita in pomarenta inta ain nomia kon dodandian mopoḷuat kon ata mita monia bo diádon bui mononggata kon i monia, totu-totuu mopoḷuat kon i ata monia tatua.

YEREMIA 34:10 Mawu Ofanana

IḶUAIAN 21:2

Aka moiko motaḷui kon ata tobatú inta nongkon bangusamu tontaní, dá mustibí in sia mogaid kon inimu onom notaong in koonggotnea. Kon taong nogimpitu musti ogoimudon in sia ḷumuai mobaḻí intau inta noiḷuatdon kon oaidannea bo diá bidon paraḷu in sia moguboḻi kon onu bo onu.

YESAYA 29:13

Ki Tuhan in noguman, “Intau mita tatua in tongábí mosumba kon i-Nakó pongin tosingogon, táe gina monia in moyayúbí kon i-Nakó. Agama monia in tongábí atorang in intau inta ihapal.

YEREMIA 26:10

Naonda in pojabat mita in pomarenta in Yohuda nokodongog kon onu inta ain nobaḻí, mosia in iḻimikatdon in iḻumuai nongkon komaḻig in datu bo minayá in Baḷoi Tuhan, bo iḻimitú kon Bonawang Mobagu.

YEREMIA 26:16

Dá pojabat mita in pomarenta bo rayat in noguman kon imang mita bo nabi mita tatua, “Intau tanaa in nosingog pinodoyon kon tangoi Tuhan Allah naton; diábí patus hukumon matoi in sia.”

YEREMIA 34:11

Táe noiduduimai nobaḷui in raian monia, bo nogamá bui kon ata mita tatua, bo nomakisa kon i monia nobaḻí ata bui.

YEREMIA 36:12

Bo minayá in komaḻig in sia, kon kantor in momomais in negara. Kon tua, bayongan in pojabat koyogot nobakid. Ki Delaya ki adí i Semaya, ki Elnatan ki adí i Akhbor, ki Gemarya ki adí i Sapan, ki Zedekia ki adí i Hananya, ki Elisama momomais tobatú, bo pojabat mita ibanea inta kon tua.

YEREMIA 38:4

Dá minayádon in pojabat mita tatua kon i datu bo noguman, “Intau tanaa in mustibí hukumon matoi. Sin pongin singognea natua sia in mokoinggamá kon ibog in bayongan tontara bo intau ibanea inta nogutunpa kon kotá tanaa. Sia in diábí motuḷung kon rayat, táe mopoboditobí kon i monia.”

IMAMAT 25:10

Musti potondí monimu in taong in ḻima nopuḷúnea tatua, bo mopotaau in kinoḷuatan in bayongan intau kon butá tatua. Kon bonu in taong tatua bayongan kapunyaan inta ain pinotaḷui musti pobuion kon i toginea inta muna ande kon buínea. Ki ine in pinotaḷui nobaḻí ata musti pobuion kon koluarganea.

MARKUS 6:20

Sin kinotaauan i Herodes kon ki Yohanes tua in totabá mopia i Allah dá mobangkaḷ in sia. Manangka intua pinoki ḷukadnea totok in ki Yohanes kon bonu in ponjara. Bo aka mosingog in ki Yohanes yo moibogbí in ki Herodes mokidongog kon singognea, umpakabí moḻia-ḻiaw totok in ginanea in mokodongog.