YEREMIA 33:6 - Alkitab Singog In Mongondow Masa In Tanaa

⁶ Táe kon singgai moiduduimai poguḻiton-Kubí bui in kaadaan in kotá tanaa bo intau inta nogutun kon bonunea; mosia in buibí moropot. Akuoi in mobogoibí kon i monia in kobiagan mooyúon bo koamanan inta mobayong totok.

YEREMIA 33:6 Mawu Ofanana

MAZMUR 147:3

Sia in mongundam kon intau inta kinobuḻian in kamang, bo mobakut kon kekeb mita monia.

MAZMUR 37:11

Intau inta moompá in dodia in motarimabí kon butá tatua, bo mokouḻíbí kon kobiagan motompia totok.

MAZMUR 67:2

Igumon mako ki Allah in motabi bo momarakat kon i naton, igumon mako bobuion-Nea in kita takin pia in gina.

MAZMUR 72:7

Igumon mako kooadil in modugang kon bonu in wakutunea, bo kororomon in moiḻiu kon tungkuḷ in oyúonpa in buḷan.

IḶUAIAN 34:6

Onda intua ki Tuhan sinumaḻib kon tayowon i Musa bo noguman, “Akuoi ki Tuhan, in ki Allah inta nopuḻing in pia in gina bo tabi. Tabi-Ku mobarong totok, Akuoi naa in motoḷutui bo diá ḷagi tumorú.

MOHOHUTUBA 3:3

wakutu moḻimod bo wakutu mongundam, wakutu mongokai bo wakutu moposindog.

YESAYA 2:4

Sia in mohakimbí kon sigad in bangusa mita, bo momontow kon pelekara kon sigad in suku mita in bangusa. Pitow in tontaḷon pomiaan pajeko, bo ginubat aidan roratab. Bangusa mita in diábí mositubuan, diábí domandon mosadia moparang.

YESAYA 30:26

Buḷan in monindarbí ná kobayag in mata in singgai, bo mata in singgai in mobayagdon kopitu in kobayagnea ná biasamai, naonda bo bayag in pitu nosinggai sinipun nobaḻí tosinggai. Tua komintan in mobaḻíbí kon tungkuḷ in ki Tuhan mobakut bo mongundam kon kekeb mita in umat-Nea inta ain binibilnea.

YESAYA 39:8

Ki Datu Hizkia in notubag, “Mopia doman in koyow i Tuhan inta pinotaaumu kon inakó.” Sia in notubag natua sin irainea: “Asaḷ bo dodatuanku in umuran moaman bo modame kon bonu in akuoi mobiagpa.”

YESAYA 54:13

Bayongan in intaumu mobaḻí murí-Ku, mosia in mobiag mooyúon bo motompia.

YESAYA 55:7

Igumon mako intau inta moraat in monompiadon kon kobobiagnea, bo momaḷui kon pororainea. Biódon mako in sia in mobui mangoi kon i Tuhan, sinbá mokouḻí kon totabi-Nea. Igumon mako sinbá sia in mamangoi bui kon i Allah naton, sin ki Tuhan in mongampung takin pia in gina.

YESAYA 57:18

Akuoi in nokoontongdon kon dodia monia, táe mosia in bui-Kubí tompiaan. Kapiton bo tuḷungan-Kubí in mosia bo moḻipoi kon intau inta moajar in gina.

YESAYA 57:19

Akuoi in mobogoibí in kobiagan moaman kon bayongan in intau, pinomayá inta nodiug andeka inta noyayú. Akuoi in monompiabí kon umat-Ku.

YESAYA 58:8

Dá bayag in monimbayagdon kon inimu naonda bo modiug mobayag, bo kekebmu mita in ḷagidon mopia. Akuoi in moyotakinmubí sin moposaḷamat kon i monimu. Koangoian-Ku in mogoḻiungbí kon i monimu nongkon bayongan in tampat.

YESAYA 66:12

Sin ki Tuhan in noguman, “Moiko in ogoian-Ku in kobiagan motompia naonda bo ongkag inta moiḻig kaoyúonan in bangusa mita in diaan poangoi kon inimu naonda bo ongkag inta moiḻebe-ḻebet. Moiko in naonda bo adí inta pinoteté bo kokoyo-koyot i inánea, bo iyapumai kon tompunukaneamai.

YEREMIA 17:14

Tuhan, undamaidon in akuoi, dá mopiadon in akuoi. Posaḷamatdon in akuoi, dá mosaḷamat in akuoi. Tongábí Iko in poḷantudonku!

YEREMIA 29:11

Kinotaauan-Ku bidon in tomayá-Ku mita kon i monimu! Tomayá mita tatua in deemanbí mopobodito kon i monimu, táe kobiaganmubí inta motompia bo mobogoi kon inimu in kobiagan moiduduimai inta nopuḻing in kamang.

YEREMIA 3:22

Ei moiko komintan inta ain nonaḷámai kon Tuhan, pobuidon mangoi! Sia in monompiabí kon i monimu, bo baḻíon-Nea in moiko motoindudui. Moiko in moguman, “Oo, tanaa kami in mamangoi kon i Tuhan, sin Sia in ki Allah nami.

HOSEA 6:1

Intau mita in Israel in noguman, “Igai mobuidon in kita kon i Tuhan. Siabí inta nopororiga kon i naton, táe Siabí doman inta monompia. Sia in nonongkekeb, táe Siabí doman in mobakut kon kekeb mita naton.

HOSEA 7:1

Ki Tuhan in noguman, “Pomuḷoi in Akuoi moibog monompia kon umat-Ku Israel bo mopoyobui in kaadaan monia, inta ontongon-Ku in tongábí aid moraat bo dosa monia. Mosia in mosiakaḷan, tumuot in mosia kon baḷoi in intau bo monakow, bo mosia in mogagow kon daḷan mita.

MIKHA 4:3

Ki Tuhan in monantúdon kon pelekara kon sigad in bangusa mita, kon sigad in negara mita inta moropot, inta moyayú andeka modiug. Mosia in monontaḷ bidon kon kedang mita monia baḻíon pajeko bo pandong mita monia baḻíon tosilad pororatab. Bangusa mita in diá bidon mositubuan, diábí domandon mosadia moparang.

MIKHA 7:20

Kon umat-Mu, buí i Abraham bo i Yakub, poontong-Mubí in kososatia-Mu bo tabi-Mu inta diá in obotnea tua ná inta pinodandi-Mu kon mogoguyang nami dungkuḷmai.

MALEAKHI 4:2

Táe kon i monimu inta motoindudui kon i-Nakó, kawasa-Ku inta mokosaḷamat in momukábí naonda bo mata in singgai, bo sindarnea in mokoundam. Moiko in moiḷuatbí bo mopia in gina naonda bo ki adí in sapi inta bagu pinoḷuai kon ḷantung.

YOHANES 10:10

Mononakow tua in tongábí mamangoi monakow, moḻimod bo momoguyaat. Táe Akuoi in mamangoibí sinbá mosia in mokouḻí kon kobiagan, kobiagan inta mobayong totok in kasanangan.

EPESUS 6:23

Poigumon mako ki Allah ki Amá naton bo ki Tuhan Yesus Kristus mobogoi in kasampatan kon bayongan jamaat motobatú bo umuran mototabian bo umuran doman mopirisaya kon i Kristus.

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

PETRUS 1 1:3

Koḻigaidon in kita mosukur kon i Allah, ki Amá i Tuhan naton ki Yesus Kristus! Sia in totok motabi kon i naton, manangka intua kita in inogoian-Nea in kobiagan mobagu inta pinodoyon kon kinobiagan bui i Yesus Kristus nongkon kinopatoian. Naabí in mobogoi in harapan moroton kon i naton.