YEREMIA 33:3 - Alkitab Singog In Mongondow Masa In Tanaa

³ “Pokuanidon kon i-Nakó, dá tubagan-Kubí; potaau-Kubí kon inimu in soaḷ mita inta mopia bo inta mokotongaw inta diápa kinotaauanmu.

YEREMIA 33:3 Mawu Ofanana

MAZMUR 145:18

Sia in modagin kon intau inta mokuani kon i-Nia, bo inta totu-totuu mopoigum kon i-Nia.

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

YESAYA 45:3

Dá iko in ogoian-Ku kapunyaan kaoyúonan inta noibuni, sinbá kotaauanmu kon Akuoibí naa in ki Tuhan, Allah in Israel, inta ain nogoiní kon inimu podudui in tangoimu.

YESAYA 48:6

Bayongan in toḻindap-Ku inta dinongogmu ain nobaḻí; musti akuonmu kon tosingogon-Ku tua in totuubí. Tanaa Akuoi in mopotaau in soaḷ mita inta mobagu, rahasia mita inta diápa kinotaauanmu.

YESAYA 65:24

Kon tungkuḷ in mosia diápa mopoigum Akuoi in motubag; kon tungkuḷ in mosia diápa mopaḷut mosambayang, Akuoi in notubagdon kon sambayang monia.

YEREMIA 23:35

Noyotoḻikud kon tua, batúan in intau mustibí moḻibó kon yobayatnea bo kon motoḷuadínea, ‘Onu in tubag nongkon i Tuhan?’ andeka ‘Onu in pinoguman i Tuhan?’

YEREMIA 29:12

Dá moiko in mokituḷungbí kon i-Nakó. Moiko in mamangoibí mosambayang kon i-Nakó, bo tubagan-Kubí in sambayangmu.

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

YEREMIA 32:27

“Akuoibí in Tuhan, Allah in bayongan intau. Diábí in mororiga-Ku aidan.

DANIEL 2:18

Pinotabánea in mosia nosambayang kon i Allah kon soroga sinbá totabion-Neapa in mosia bo mopotaau in bonu in togoindop tatua. Takin natua dá mosia in diábí hukumon matoi poyotakinon in intau mongopandoi ibanea.

DANIEL 2:22

Siabí doman inta nobuká kon onu inta noibuni totok. Kinotaauan-Nea in bayongan inta nobaḻí kon bonu in sindip. Sia in binakut in sindar inta mobayag.

DANIEL 2:23

Oo, ki Allah in dinayo-dayow in mogoguyangku, Iko i dinayow bo pinoḷantudku. Sin inogoi-Mu kon inakó in hikmat bo ropot. Oigum nami in dinuduian-Mudon. Bo tubag kon i datu in pinoontong-Mudon.”

YOËL 2:32

Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

MIKHA 7:15

Pomiadon in inta mokoherang kon inami, o Tuhan, ná inta pinomia-Mu dungkuḷmai kon dodai in Iko nodia kon inami iḻumuai nongkon Mesir.

MATIUS 13:35

Makusud-Nea, bá motompodon Pirman inta pinoguman in nabi nanaa, “Akuoi in moibog motundú táe momaké in poumpamaan; Akuoi in moibog mongonguman kon inta nongoibuni pinangkoipamai kon dunia naa binaḻí.”

OUMAN IN RASUL MITA 2:21

Kon singgai tatua ki ine in mokuani kon tangoi i Tuhan mosia in posaḷamaton.’

EPESUS 3:20

Takin kawasa i Allah inta tantú moigonú kon bonu in gina naton, motaau in ki Allah mogaid kon mobayo-bayong nongkon onu inta motaau igumon andeka inta koraian naton.

ULANGAN 4:29

Bo moiko in motayakdon kon i Tuhan Allahmu, bo aka moiko motayak kon i-Nia takin ginamu totu-totuu, yo mouḻímubí in Sia.

ULANGAN 4:7

Bangusa moḷobenbí kon onda in ko ilah inta námai tua in kododagin aka paraḷuon ná kododagin i Tuhan Allah naton kon i naton? Sia in motubag toonukabí in kita mokuani mokituḷung kon i-Nia.

WAHYU 2:17

Ki ine in mokodongog, yo tarukira in onu inta pinoguman in Roho i Allah kon jamaat mita! Mosia inta mountung, ogoi-Ku mokaan kon manna inta noibuni, bo kon batúannea in motarima kon tobatú batu mobudó nongkon i-Nakó. Kon batu tatua in pinaisdon tangoi mobagu inta diábí kinotaauan i inekadon, koḻikudbí intau inta notarima kon tua.”