YEREMIA 32:5 - Alkitab Singog In Mongondow Masa In Tanaa

⁵ Onda intua ki Zedekia in akutondon pobayá in Babel bo mogutun kon tua modapot in Akuoi mohukum kon inia. Umpakabí in sia momarang kon intau in Babel, diábí in sia mokountung. Akuoi, ki Tuhan, ain nosingog.”

YEREMIA 32:5 Mawu Ofanana

TAWARIKH 2 13:12

Itoi nami in ki Allah tontaní bo imang-Nea mita in kon naa. Mosia in nosadiadon mogirup kon torompet nobaḻí tomponuot kon kami in monubudon kon i monimu. Ei intau in Israel, dikabí moḷawang kon i Tuhan, Allah in mogoguyangmu! Diábí in moiko mokountung!”

TAWARIKH 2 24:20

Bo Roho i Allah in nongawasa kon i Zakharia ki adí i Imang Yoyada. Ki Zakharia in sinimindog kon tayowon in rayat bo nomaḷú, “Ki Tuhan Allah in noguman, ‘Nongonu sin moiko in diábí motoindudui kon parenta-Ku mita bo mopoboditobí in awakmu tontaní. Moiko in diábí mopandungmai kon i-Nakó, dá Akuoi in diábí domandon mopandungmai kon i monimu!’ ”

AMSAL 21:30

Diábí in hikmat, bo pomomangaḻe andeka kobobijaksana inta mononoi kon tayowon in Tuhan.

YEREMIA 2:37

Moiko in monaḷábímai kon Mesir takin kudai bo mooyá. Akuoi, ki Tuhan, ain nondoí kon i monia inta pongata-ngata monimu; moiko in diábí mokouḻí kon kauntungan onu bo onu nongkon i monia.”

YEREMIA 32:24

Intau mita in Babel ain noposindog in dinding mita pongopungan kon ḻibu mita in kotá sin mogagow, bo tanaa mosia in nonubu. Parang, gogoy, bo yampoi in takit in mokopopisí kon kotá tanaa moḷabú kon ḻima monia. Iko in nokoontong kon bayongan inta pinoguman-Mu in noniatadon.

YEREMIA 32:6

Ki Tuhan in noguman kon inakó,

YEREMIA 33:5

diábí in mangaḻenea in monayow kon intau in Babel, sin tua in tongábí mokopopisí kon kotá tanaa mopuḻing in mayat in intau mita inta pinatoi-Ku kon bonu in torú bo rogi-Ku kon i monia. Akuoi in doídon moindoi kon kotá tanaa, sin intaunea mita ain nogaid kon inta moraat.

YEREMIA 37:10

Aka kuma bo moiko in mokotaḷow kon bayongan in tontara in Babel modapot in inta kinotaḷáan in dongkadon intau mita inta kinekeban modaḷom kon bonu in ḷoḷaigan monia, táe mosia in mobangonbí bo monurub modapot in mopayong in kotá tanaa.’ ”

YEREMIA 39:4

Kon tungkuḷ in ki Datu Zedekia bo bayongan in tontaranea nokoontong kon bayongan inta nobaḻí tatua, mosia in noḷongasi noḷagui minayá in Ḷopá in Yordan doḷom doman tatua. Mosia in nongin taman in komaḻig, bo iḻumuai nongin bonawang inta nopoyoguput in dinding in tampat tatua.

YEREMIA 39:5

Táe dinuduran in tontara in Babel in mosia bo nodomok kon i Zedekia kon ḷopá in Yerikho. Onda intua sia in dinia kon i Datu Nebukadnezar kon kotá in Ribla kon daerah in Hamat, bo pinopoḷabúan in hukuman minatoi.

YEREMIA 39:7

Onda intua ki Zedekia iḷontok doman kon matanea, bo inumantungan poḷat dinia kon Babel.

OMBAḶ 1:14

Ginamá-Nea in bayongan in dosaku, bo binogotnea sinobatú, bo pinopoboboḷnea kon sigogowku, dá kobogatnea in nokoḷungkoyó kon inakó. Akuoi in inogoi i Tuhan kon saturuku; diá mokopongonu in akuoi kon i monia tua.

YEHEZKIEL 12:12

Kon bonu in sindip in doḷom ki datu monia in momotaanbí kon binantaḷnea bo mobuat. Intau mita in moḷombangbí kon dinding sinbá mokoḷuai in sia. Bilogonneabí in matanea dá diádon ontongonnea in daḷan inta bayáannea.

YEHEZKIEL 12:13

Táe pogambat-Kubí in landará-Ku sin podomok kon inia. Bo diaan-Ku in sia kon kotá in Babel, bo kon tua matoi in sia takin diá bidon mokoimontanmai in mokoontong kon kotá tatua.

YEHEZKIEL 17:15

Táe datu in Yohuda nomarontak bo poḷat nopotabá in totabá minayá in Mesir sinbá mokouḻí kon kabaḷo bo tontara mobayong. Degá kodapotannea intua? Degá pomayá mako in sia mosaḷamat? Diábí doman sia inta nonoḻikud kon dodandian bo diá popoḷabúan in hukuman!

PINOGIAPAN 14:41

Táe ki Musa in noguman, “Nongonu sin moiko in moibogpabí doman tanaa ḻimimpat kon parenta i Tuhan? Diábí mountung in moiko!