YEREMIA 32:39 - Alkitab Singog In Mongondow Masa In Tanaa

³⁹ Akuoi in mobogoibí kon i monia in tongábí tobatú in tujuan kobiagan: tuata in mohoromat kon i-Nakó modapot in mononoi; tua in modiabí kon kopiaan kon i monia tontaní, bo kon i buí monia.

YEREMIA 32:39 Mawu Ofanana

KINOBAḺIAN 17:7

Akuoi in mogintompodbí kon dandi-Ku kon inimu bo kon buímu dapot in kon singgai moiduduimai, bo dodandian tatua in mononoibí. Akuoi in mobaḻí ki Allahmu bo ki Allah in buí-Mu.

KINOBAḺIAN 18:19

Sia ain piniḻí-Ku sinbá motundú kon i adínea mita bo kon buínea sinbá motoindudui kon i-Nakó bo mogaid kon onu inta mopia bo moadil. Aka soaḷ tatua aidan monia, yo bayongan in dandi-Ku kon i Abraham in intompodan-Ku.”

KINOBAḺIAN 22:12

“Donaai yoyigaanmu in adí tanion ande donaaidon yagi-yagionmai in sia,” guman tuhan pinongin malaekat tatua. “Tanaa in kinotaauan-Kudon kon iko in totokbí in mohoromat bo motoindudui kon i-Nakó, popisí in iko diábí nonolak in nobogoi kon i adímu tuḷong tua kon i-Nakó.”

TAWARIKH 2 30:12

Kon Yohuda ki Allah in nogaid doman bo noponobatú kon gina in rayat sinbá totu-totuu motoindudui kon ibog i Allah pongin dumudui kon parenta i datu bo in pogawainea mita.

MAZMUR 112:1

Dayowdon in ki Tuhan! Pia in kamang in intau inta motoguondok, inta moibog in parenta mita i Tuhan.

MAZMUR 128:6

Igumon mako iko in moumur in kobiagan, bo mokoontong kon adí bo ompumu! Igumon mako umat i Tuhan in mobiag motompia!

MAZMUR 86:11

Tundúpa in koibog-Mu kon inakó, o Tuhan, sinbá akuoi in dumudui tumoḷutui; baḻídon in akuoi motoguondok totu-totuu kon ini-Mu.

AMSAL 23:17

Dika mointoi kon intau binaradosa. Tantúdon kotoindudui kon i Allah

YESAYA 35:8

Kon tua in oyúondon in daḷan moḷoben, “Daḷan mokosaḷamat” in tangoinea. Intau binaradosa in diábí moitaḻib kon tua, Intau bodok in diábí mopoḷaḻe kon intau inta tumaḻib kon tua.

YESAYA 52:8

Indongogaidon in kokow pia in gina in moḷoḷukad in kotá, mosia in morogiow moyotakin! Sin mata monia tontaní in nokoontong kon ki Tuhan in namangoi bui in Sion.

YESAYA 65:23

Bayongan inta aidan monia in kodapotanbí, bo ki adí mita monia in diábí daḻi-daḻí matoi. Mosia bo buí monia in barakatan-Ku modapot in mononoi.

YEREMIA 24:7

Akuoi in mobogoibí kon i monia in ibog sinbá momangaḻe kon Akuoibí in Tuhan. Dá mosia in mobaḻídon umat-Ku, bo Akuoi in mobaḻí Allah monia, popisí in mosia mobuidon mangoi kon i-Nakó takin ḻimbatú in gina.

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEREMIA 32:40

Akuoi in momiabí kon dodandian inta mononoi takin i monia. Akuoi in diábí mogogai in mogaid kon inta mopia kon i monia. Baḻíon-Kubí in mosia moondok bo mohoromat kon i-Nakó takin ḻimbatú in gina sinbá mosia diá yumayú kon i-Nakó.

YEREMIA 6:16

Ki Tuhan in noguman kon umat-Nea, “Sindogdon kon poyotangaan mita in daḷan, bo taridiadon kopira! Ḻibódon in daḷan mita dungkuḷmai, bo onda in mopia-pia kon sigadnea. Duduiaidon in daḷan tatua, sinbá moiko in mobiag moodom.” Táe mosia in noguman, “Diá, kami in doíbí mongin daḷan tatua!”

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

YEHEZKIEL 37:22

Mosia in baḻíon-Kudon tongobangusa kon butá tatua, kon buḷud in Israel. Mosia in parentaanbí in datu tobatú, bo diá bidon moyosilai bui mobaḻí doyowa nobangusa andeka dodatuan.

YEHEZKIEL 37:24

Mosia in tobatúondon kon datu tobatú ná ki Daud inta momarenta modapot in mononoi. Takin toḷutui mosia in dumudui kon hukum-Ku mita. Bo modapot in mononoi mosia takin buí monia in mogutun kon butá tatua, butá inta inogoi-Ku kon i Yakub bo pinogutunan in mogoguyang monia.

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

YOHANES 17:21

Akuoi in mopoigum Amá sinbá mosia komintan in motobatúdon, ná ki Amá notobatú takin-Ku bo Akuoi in notobatú doman i Amá; sinbá mosia in motobatú doman takin Naton sinbá dunia in mopirisaya kon Ikobí inta ain nopotabá kon i-Nakó.

OUMAN IN RASUL MITA 13:33

aindon sinotuu-Nea kon i naton takin daḷan nomiag bui kon i Yesus nongkon kinopatoian-Nea, ná inta ain pinais kon buk in Mazmur induanea, nanaa, ‘Ikobí nion in ki Adí-Ku, singgaipa doman naa Akuoi in mobaḻí ki Amá-Mu.’

OUMAN IN RASUL MITA 2:39

Sin moikobí bo ki adímu mita bo bayongan in intau inta kon tampat nongoyayú – tuatabí mita in intau inta inoiní i Tuhan sinbá mamangoi kon i-Nia, tuabí in pinopomakusudan in dandi i Allah tatua.”

OUMAN IN RASUL MITA 3:26

Tuamai in ki Allah nomiḻí kon simpaḷ-Nea, bo nopotabá kon i-Nia namangoi muna kon i monimu, sinbá Sia in momarakat kon i monimu. Nanaa in pomomarakat-Nea kon i monimu, pogogai-Neadon in moiko komintan in mogaid kon moraat ná inta biasamai aidan monimu.”

OUMAN IN RASUL MITA 4:32

Komintan intau inta ain nopirisaya tua in nobiag notobatú kon gina bo porasaan. Diá tobatúmai in kon sigad monia tua in norai kon onu inta kon i monia yo tongábí monia tontaní in kitogi.

OUMAN IN RASUL MITA 9:31

Dá bayongan in jamaat kon Yudea, Galilea bo Samaria komintan nopia in gina. Takin totuḷung in Roho i Allah, bo takin doman toguondok kon i Tuhan, bayongan in jamaat koropot-koropotdon bo kodugang-kodugang domandon in kobayongnea.

SURAT I PAULUS KON JAMAAT RUM 11:16

Aka roti tobatú inta muna bo ain inogoi kon i Allah, yo tua in mangaḻenea bayongan roti tatua in inogoidon komintan kon i Allah doman. Bo aka uakat in pangkoinea kapunyaan i Allah, dá mangaḻenea kon tua, tanganea mita in kapunyaanbí doman mita i Allah.

KORINTUS 1 7:14

Tantú ḷoḷaki tatua in motaaubí mobaḻí umat i Allah sin aindon notonibuḷoi takin intau inta ain nobaḻí umat i Allah. Natua doman in buḷoi bobay, tantú motaau bidon doman mobaḻí umat i Allah sin ain notonibuḷoi in intau inta ain nobaḻí umat i Allah. Sin aka diá natua, yo tantú ki adí mita monia in naonda bo ki adí mita in intau inta diá nonotaau kon i Allah, táe aka duduian monimu in tongginaku naa, yo ki adí mita monimu tua in mobaḻí bidon umat i Allah.

KORINTUS 2 13:11

Naa in tongginaku pangabisan kon i monimu utatku mita, mokoposanangdon kon gina bo poramujidon sinbá umuran mobiag mosompurna. Umuran kon gina-gina mako in tongginaku mita naa. Umuran motobatú kon gina bo kon raian bo umuran mototabian. Sin ki Allah inta nobaḻí dodoyonan totabi bo kobiagan inta mopia, umuran kotaki-takin monimu.

ULANGAN 5:29

Tungkuḷaika aka mosia tua bo umuran natua in porasaan! Tungkuḷai aka mosia umuran mohoromat kon i-Nakó bo motoindudui kon bayongan in parenta-Ku, modapot in mosia bo buí monia umuran mobiag motompia!

ULANGAN 6:2

Moiko bo buímu musti umuran mohoromat kon i Tuhan Allahmu bo dumudui kon bayongan hukum-Nea inta pinotaauku kon inimu, sinbá moumur in kobiagan monimu kon butá tatua.

ULANGAN 6:24

Ki Tuhan Allah naton in nopotabá kon i naton mogaid kon bayongan parenta tatua bo mohoromat kon i-Nia. Aka kita momia natua, umuran-Nea ḷukadan in bangusa naton sinbá umuran mobiag motompia.

IBRANI 10:20

Binukatandon i Yesus in daḷan mobagu bayáan naton, daḷan inta mobogoi in kobiagan. Daḷan tatua in mongin gorden inta awak i Yesus tontaní.