YEREMIA 32:1 - Alkitab Singog In Mongondow Masa In Tanaa

¹ Kon taong impuḷúnea kon pinomarentaan i Zedekia datu in Yohuda, inta taong impuḷú bo waḷunea kon pinomarentaan i Nebukadnezar datu in Babel, ki Tuhan in nosingog kon inakó.

YEREMIA 32:1 Mawu Ofanana

TAWARIKH 2 36:11

Ki Zedekia in umur 21 notaong kon dodai in sia nobaḻí datu in Yohuda. Sia in nomarenta kon Yerusalem 11 notaong in koonggotnea.

YEREMIA 21:1

Ki Zedekia datu in Yohuda nopotabá kon i Imang Pasyhur ki adí i Malkia, bo kon i Imang Zepanya ki adí i Maaseya. Sia in nopotabá kon i monia nopotaau kon inakó in oigum tanaa,

YEREMIA 25:1

Kon taong inggopatnea naonda in ki Yoyakin adí ḷoḷaki i Yosia nobaḻí datu in Yohuda, akuoi in nokouḻí kon koyow nongkon i Tuhan soaḷ bayongan in bangusa in Yohuda. Wakutu intua taong imitánea naonda in ki Nebukadnezar nobaḻí datu in Babel.

YEREMIA 27:1

Diá noonggot naonda in ki Zedekia ki adí ḷoḷaki i Yosia nobaḻí datu in Yohuda, ki Tuhan in nopotabá kon inakó

YEREMIA 34:1

Kon dodai in ki Nebukadnezar datu in Babel takin tontaranea inta iniropotan in tontara mita nongkon bayongan in bangusa bo negara inta nokiompu kon inia namangoi nonubu kon Yerusalem bo kotá mita kon diugneamai, ki Tuhan in nosingog kon inakó.