YEREMIA 31:1 - Alkitab Singog In Mongondow Masa In Tanaa

¹ Ki Tuhan in noguman, “Moiangoibí in wakutunea Akuoi mobaḻí Allah in bayongan suku in Israel, bo mosia in mobaḻí umat-Ku.

YEREMIA 31:1 Mawu Ofanana

SAMUEL 2 7:24

Bangusa in Israel aindon binaḻí-Mu umat-Mu tontaní kinoouputbí in dunia, bo Iko o Tuhan, in nobaḻí Allah monia.

MAZMUR 144:15

Pia in kamang in bangusa inta natua, pia in kamang in umat inta ki Allahnea in ki Tuhan!

MAZMUR 48:14

Taridiai in dindingnea, pirikisadon in bentengnea, sinbá motaau in moiko mongonguman kon buímu:

YESAYA 20:6

Kon tungkuḷ intua intau mita inta nogutun kon bingkí in dagat in mogumandon, ‘Indoiaika onu inta nobaḻí kon bangusa inta pinongata naton sin moḷukad kon i naton nongkon datu in Asyur. Umpaka yo mosaḷamat in kita?’ ”

YESAYA 41:10

Dika moondok, sin takinan-Kubí in iko, dika moḻia-ḻiaw in gina, sin Akuoi in ki Allahmu. Iko in irigonan-Ku bo tuḷungan-Ku, Ḻima-Ku inta moroton in pokapit-Ku.

YEREMIA 23:6

Aka momarenta in sia, intau in Yohuda in mosaḷamatbí, bo intau in Israel in mobiagbí moaman. Datu tatua in tangoionbí ‘Tuhan kasaḷamatan naton’.

YEREMIA 3:18

Israel in dumugangdon kon Yohuda, bo moyotakindon mamangoi nongkon butá pinoḷumbúan kon dotá in utuan. Mosia in mobuidon kon butá inta ain inogoi-Ku nobaḻí butá kapunyaan kon mogoguyangmu.”

YEREMIA 30:10

Umat-Ku Israel, dikadon moondok! Mogogundoi-Ku Yakub, dika mourot! Moiko bo buímu in posaḷamaton-Kubí nongkon butá moyayú, tampat pinodakopan kon i monimu. Moiko in mobuibí bo mogutun kon butámu takin moaman. Moiko in mobiagbí motomoman; diá bidon in koondok monimu.

YEREMIA 30:3

Sin moiangoibí in wakutunea Akuoi mopoguḻit bui in kaadaan in umat-Ku Israel bo Yohuda. Diaan-Kubí bui in mosia mayá in butá inta ain inogoi-Ku kon mogoguyang monia. Butá tatua in buibí mouḻí monia. Akuoi, ki Tuhan, ain nosingog.”

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEREMIA 32:38

Mosia in mobaḻí umat-Ku bo Akuoi in mobaḻí Allah monia.

YEREMIA 33:14

Ki Tuhan in noguman, “Moiangoibí in wakutunea Akuoi in mogintompod kon dandi inta ain pinomia-Ku takin Israel bo Yohuda.

YEREMIA 33:7

Yohuda bo Israel in baḻíon-Ku ponango-nangoian ná dungkuḷmai bo mosia in simindogbí bui mobaḻí umat-Ku.

YEREMIA 50:4

Ki Tuhan in noguman, “Kon tungkuḷ intua intau in Israel bo Yohuda in mamangoi bo moyotakin mongombaḷ, motayak kon i-Nakó, ki Allah monia.

YEHEZKIEL 11:20

Dá mosia in dumuduidon kon atorang-Ku mita bo mosatia in dumudui kon bayongan in parenta-Ku. Mosia in mobaḻí umat-Ku bo Akuoi in mobaḻí ki Allah monia.

YEHEZKIEL 34:24

Akuoi, ki Tuhan, in mobaḻíbí ki Allah monia, bo datu inta ná mogogundoi-Ku ki Daud tua in mobaḻí mongongawasa monia. Akuoi ki Tuhan ain nosingog.

YEHEZKIEL 34:31

Totuu, moikobí in paanan in domba-Ku inta pinokaan-Ku. Moiko in umat-Ku, bo Akuoi in ki Allahmu. Akuoi ki Tuhan Inta Totok in moḷantud ain nosingog.”

YEHEZKIEL 36:28

Dá moiko in mogutundon kon butá inta ain inogoi-Ku kon mogoguyangmu. Moiko in mobaḻídon umat-Ku bo Akuoi in mobaḻí ki Allahmu.

YEHEZKIEL 39:22

Pangkoiondon kon tua intau in Israel monotaaudon kon Akuoibí in ki Tuhan Allah monia.

YEHEZKIEL 39:25

Ki Tuhan Inta Totok in moḷantud in noguman, “Táe tanaa Akuoi in motabi bidon kon umat-Ku Israel buí i Yakub, bo baḻíon-Ku bui in mosia mobiag motompia. Tua in aidan-Ku sinbá tangoi-Ku umuran horomaton.

HOSEA 1:11

Bangusa in Yohuda bo bangusa in Israel in tobatúonbí bui. Mosia in moduíbí kon itoi tobatú, bo mosia in modugangbí bo motomoman bui kon butá monia. Totuu, singgai i Yizréel in mobaḻíbí singgai inta moḷoben!

IMAMAT 26:12

Takinan-Kubí in moiko; Akuoi in mobaḻíbí ki Allah monimu bo moiko in mobaḻí umat-Ku.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

YOHANES 20:17

“Dikapa kadaian in Akuoi,” guman i Yesus kon inia, “sin Akuoi in diápa namonik kon i Amá. Táe bayádon kon i utat-Ku mita, bo potaaudon kon i monia kon tanaa Akuoi in mayá kon i Amá-Ku bo kon i Amá doman monimu, kon i Allah-Ku bo kon i Allah-mu.”

KORINTUS 2 6:16

Onubí in hubungan Baḷoi Tuhan bo baḷoi in berhala? Kita naa in Baḷoi Tuhan inta nobiag. Sin ki Allah tontaní ain noguman nanaa, “Akuoi in mogutunbí kon yua-yuak monia, bo mobiag moyotakin monia. Bo Akuoi in mobaḻí bidon ki Allah monia, bo mosia in mobaḻídon umat-Ku.

IBRANI 12:16

Ḷukadaibí doman sinbá diá in intau mobiag mokotor andeka doí moguntun kon soaḷ mita inta nongkon i Allah, ná inta inaidan i Esau. Sia in nobarani totok nopotaḷui in haknea saḷaku adí guya-guyang tongá popisí in kaanon topindan.