YEREMIA 30:8 - Alkitab Singog In Mongondow Masa In Tanaa

⁸ Ki Tuhan Inta Totok in mokawasa in nosingog bui kon umat-Nea, “Aka moiangoi in singgai tatua, tombuḻigan inta pinopopotaan kon sindunmu in putoḷon-Kubí bo inta pinoumantungan kon inimu in bukáan-Kudon. Moiko in diá bidon mobaḻí ata in intau ango-angoi.

YEREMIA 30:8 Mawu Ofanana

MAZMUR 107:14

Dinia-Nea in mosia iḻumuai nongkon sindip, bo nomutoḷ kon pinoumantungan kon i monia.

YESAYA 10:27

Kon tungkuḷ intua Akuoi in mopoḷuatdon kon i monimu nongkon pinondorotan in Asyur, bo mosia in diá bidon mongawasa kon i monimu.”

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

YESAYA 14:25

Intau in Asyur kon Israel butá-Ku, in yopúon-Kubí, bo inta kon buḷud-Ku mita in tokoritakan-Kubí. Poḷuaton-Kubí in bangusa-Ku nongkon pinororigaan bo nongkon bobabaan inta pinakisa kon i monia in intau in Asyur.

YESAYA 14:3

Ki Tuhan in mopoḷuatbí kon intau in Israel nongkon takit bo roriganea, bo nongkon oaidan mobogat inta pinakisa pinoki aid kon inia.

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

YEREMIA 2:20

Ki Tuhan in noguman, “Ain noonggot iko in doí mogundoi kon i-Nakó; doí dumudui andeka mosumba kon i-Nakó. Kon bayongan tudu in buḷud inta moḷantud, bo kon siungon in bayongan in pangkoi in kayu inta mobambar iko in mosumba kon dewa mita mopoḷumbá.

YEREMIA 25:14

Aid mita in intau in Babel in tuḻían-Kubí; mosia in tonggataanbí in datu mita moḷoben bo in bangusa mobayong.’ ”

YEREMIA 27:2

nomitoi kon tontogot nongkon kuḻit bo tombuḻigan nongkon kayu, bo pinopopotaannea kon sindunku.

YEREMIA 27:7

Bayongan in bangusa in mobaḻíbí atanea, kon i adínea ḷoḷaki, bo kon i ompunea modapot in moiangoi in wakutunea negaranea tontaní moḷabú. Kon dodai intua bangusa in Babel in mobaḻí ata in bangusa mita inta moropot bo kon datu mita inta moḷoben.

YEREMIA 28:10

Bo ki Hananya noḷuat kon tombuḻigan nongkon sindunku bo pinutoḷnea.

YEREMIA 28:13

minayá kon i Hananya sin moguman nanaa, “Ki Tuhan in noguman kon iko in mokoputoḷbí kon tombuḻigan kayu, táe Sia in momaḷuibí in tombuḻigan uatoi.

YEREMIA 28:4

Akuoi in modia doman bui kon i Yoyakhin ki adí ḷoḷaki i Yoyakin datu in Yohuda, takin bayongan in rayat in Yohuda inta ain inakut pinobayá in Babel. Totuu, Akuoi in momutoḷbí kon ropot in Babel. Akuoi, ki Tuhan ain nosingog.”

YEHEZKIEL 30:18

Kon dodai intuata imbuitan-Kudon in pomarentaan in Mesir bo gamáan-Ku in kawasanea tatua inta nokoyunggagá kon inia, Tahpanhes in kokoḷobanbí in sindip bo bobaynea mita in dakopon.

YEHEZKIEL 34:27

Pangkoi mita in kayu in momungaidon, pinomuḷa mita kon gobá in mobogoidon in bungainea, bo bayongan in intau in mogutunbí moodom kon butánea tontaní. Aka rante pinotogot kon umat-Ku bo botowandon bo mosia in poḷuaton-Kudon nongkon intau mita inta nononggata kon i monia, dá kotaauandon monia kon Akuoibí in ki Tuhan.

NAHUM 1:13

Tanaa in pogogaion-Kudon in kawasa in Asyur kon i monimu, bo botowon-Kudon in rante inta pinotogot kon i monimu.”