YEREMIA 30:16 - Alkitab Singog In Mongondow Masa In Tanaa

¹⁶ Táe tanaa bayongan inta noḻiom kon inimu in ḻiomonbí, bo bayongan in musungmu akutonbí kon poḷumbúan. Akuoi in mondorotbí kon inta nondorot kon inimu, Akuoi in mogagowbí kon inta nogagow kon inimu.

YEREMIA 30:16 Mawu Ofanana

MAZMUR 129:5

Biódon mako bayongan in intau inta mondoí kon Sion taḷowon bo upeton dapot in umundok.

IḶUAIAN 23:22

Aka moiko motoindudui kon inia bo mogaid kon bayongan inta pinarenta-Ku, yo Akuoidon tontaní in monayow kon bayongan musungmu.

AMSAL 22:23

Sin, ki Tuhan in moduḷubí kon pelekara monia bo morabut kon nyawa in intau inta mondorot kon i monia.

YESAYA 14:2

Mobayong in bangusa in motuḷung kon bangusa in Israel sin mobui kon butá inta inogoi i Tuhan kon i monia, bo kon tua bangusa mita tatua in mobantung kon Israel. Israel in modakopbí kon intau mita inta nokoimontandon nodakop kon inia bo momarenta kon intau mita inta nokoimontandon nondorot kon inia.

YESAYA 33:1

Moboditodon in musung mita naton! Mosia in mogagow umpaka diá pinogagowan, bo nomaḻidawan umpaka diá Pinomaḻidawan. Táe naonda in mopaḷut mako mogagow bo momaḻidawan, mosia tontaní in mobaḻí bidon kuruban in pogagowan bo Pinomaḻidawan.

YESAYA 54:15

Aka moiko tubuon, deemanbí Akuoi in nopotabá, ki inekabí in monubu kon inimu in moḷabúbí.

YESAYA 54:17

Táe batúan in sonjata inta sinontaḷ sin moḷawang kon inimu, in diábí motuoi. Bo bayongan in inta pinonapud kon bonu in pongadilan in poniatamubí kon diá totuu. Akuoi in mobogoibí in tombuinag kountungan kon mogogundoi-Ku mita,” natuata in singog i Tuhan.

YEREMIA 10:25

Popotugatdon in torú-Mu kon bangusa mita inta diá mopirisaya kon ini-Mu bo inta doí mosumba kon ini-Mu. Sin mosia in noyopúdon kon umat-Mu komintan bo norimumud kon ḻipú nami.

YEREMIA 12:14

Ki Tuhan in noguman, “Naa in koyow-Ku soaḷ negara mita topodiugmai in Israel inta ain nomoguyaat kon butá inta inogoi-Ku kon umat-Ku Israel. Naonda bo pinomuḷa inta irabut nongkon butá, natuata in intau mita moraat tatua in poḷuaion-Ku nongkon butá mita monia, bo Yohuda in poḷuaton-Ku nongkon kawasa monia.

YEREMIA 2:3

Israel, iko in Akuoi tontaní in kitogi, batoḷ in dodob-Ku inta kinotabi-Ku. Akuoi in nopouma in bodito kon bayongan in intau inta nopororiga kon inimu, Akuoi, ki Tuhan, ain nosingog.”

YEREMIA 25:12

Mopaḷut mako kon tua Akuoi in mohukum kon bangusa in Babel bo datunea popisí in dosa monia. Butá in Babel in rumbunon-Ku bo bióon-Ku mako in morimumud modapot in mononoi.

YEREMIA 30:15

Dikadon mogamui soaḷ kekebmu mita, sin kon inimu diádon in kamang mopia. Moiko in hukumon-Ku natua popisí in nobayong in dosamu bo moḷoben in taḷámu.

YEREMIA 50:28

Intau mita inta noḷagui minayá in Yerusalem nongkon Babel nongonguman kon naonda in ki Tuhan Allah naton notuḻí kon pinogogaid in intau in Babel kon Baḷoi Tuhan.)

YEREMIA 8:16

Musung in kon kotádon in Dan; kurik in kabaḷo in kodongogandon, bo sinangkub in butá noondokdon. Musung in namangoi sin morimumud kon sinangkub in butá naton, bo kotá doman naton bo bayongan in intau inta nogutun kon tua.”

OMBAḶ 1:21

O, Tuhan! Indongogaipa kaasí in ombaḷku, diábí in moḻipoi kon inakó. Mopia in gina in musungku mita sin pinopobodito-Mu in akuoi. Angoidon in singgai inta pinodandi-Mu tua; baḻídon in mosia mororiga ná akuoi.

OMBAḶ 1:22

Taridiaidon in bayongan in aid moraat monia tua, bo aidaimaidon in mosia ná pinogogaid-Mu kon inakó, popisí in bayongan in dosa inta ain inaidanku kon ini-Mu. Mogongot in akuoi kon bonu in roriga, moajar in ginaku bo diá kotaauan mongo mayá in onda.”

YEHEZKIEL 29:6

Dá kotaauandon in bayongan in rayat in Mesir kon Akuoibí in ki Tuhan.” Ki Tuhan in noguman, “Ei bangusa in Mesir! Intau in Israel in mogoḷat mako kon totuḷungmu, táe noniata magí iko nion in tongábí tungkud inta noḷukó

YEHEZKIEL 35:5

Nongkon koḻipodpabímai sinaturu monimu in Israel bo nopomayá mako sinota-totad kon dodai in mosia kinoantugan in bodito saḷaku hukuman imbuitnea popisí in dosa monia.

YOËL 3:8

Ki adí monimu ḷoḷaki bo bobay in potaḷui-Ku kon intau in Yohuda, bo potaḷui bui monia kon i Syeba, butá inta totok in moyayú. Akuoi, ki Tuhan, ain noguman.

MIKHA 4:11

Nobayong in bangusa in nosipundon sin monubu kon inimu, ei Yerusalem! Mosia in noguman, “Yerusalem in mustibí rimumudon! Kami in mokoontongbí kon kotá tatua in mobaḻídon apug!”

MIKHA 7:10

Dungkuḷmai musung in moningkuḻe kon i naton takin mosingog, “Kon onda degá in ki Tuhan, Allahmu tatua?” Táe tanaa mosia in mokoontongbí kon onu in aidan i Tuhan kon i naton, bo mobaḻíbí mooyá in mosia. Kita in moindoibí kon musung mita naton tatua in taḷowon bo rita-ritakan mako naonda bo yoná kon daḷan.

NAHUM 1:8

Naonda bo ḷunud moḷoben inta mondangat, rimumudon-Nea in musung-Nea mita. Mosia inta mokobaḻí moḷawang kon i-Nia inandur-Nea in popatoi nodapot in noyopú.

HABAKUK 2:16

Yo tanaa in noiyaputdon in wakutumu pokopooyáanmai, bo deemanbí horomaton. Kahoromatanmu in mobaḷui mobaḻí kohohina. Ki Tuhan in momakisa kon inimu monginum nongkon palo inta bonunea in hukuman kon inimu. Iko in monginumbí bo moipape magí mako.

ZEPANYA 2:8

Ki Tuhan Inta Totok in mokawasa in noguman, “Dinongog-Kudon in bangusa mita in Moab bo Amon noningkuḻe bo nongempeng kon umat-Ku. Mosia in umambungangaḷ kon mogagow kon butá in umat-Ku.

ZAKHARIA 1:14

bo malaekat tatua in nopotabá kon inakó mopotaau in onu inta pinoguman i Tuhan Inta totok in mokawasa, “Akuoi in totokbí in motabi bo mopandung totok kon kotá in Yerusalem, kotá-Ku inta motusi.

ZAKHARIA 1:15

Táe Akuoi in sinumorúdon totok kon bangusa mita inta nokorasa kon moodom bo motompia. Sin kon dodai in pinondam-Ku in torú-Ku kon umat-Ku, yo bangusa mita tatua in nodugang kon roriga in umat-Ku.

ZAKHARIA 12:2

“Baḻíon-Ku in Yerusalem naonda bo palo binonuan in anggur; butá mita topodiugneamai monginumbí kon tua bo moibaya-bayá mako naonda bo intau noḷoḷangu. Bo aka Yerusalem ḻibutan, kotá mita kon butá in Yohuda inta oyúonpa, in ḻibutan doman.

ZAKHARIA 14:2

Ki Tuhan in mosipunbí kon bayongan in bangusa sin monubu kon Yerusalem. Kotá tatua in agowonbí, bonu in baḷoinea in takowon, bo bobay mita in tokodomokon. Tongobotak kon intau inta nogutun kon tua in diaan kon poḷumbúan, táe kiagatnea in mogutunbí kon kotá tatua.

ZAKHARIA 2:12

Komintanpa doman Yohuda in mobaḻídon umat inta sinondídon kon i Tuhan kon butá-Nea inta motusi, bo Yerusalem in mobaḻí kotá inta totok in kinotabi-Nea.

ZAKHARIA 2:8

Ki ine in monubu kon i monimu, in monububí kon batoḷ in dodob-Ku.” Dá Ki Tuhan Inta Totok in mokawasa in nopotabá kon inakó mopotaau in koyow tanaa kon bangusa mita inta ain nogagow kon umat-Nea,

ULANGAN 30:7

Bayongan in kutuk tatua in popoḷabú-Neadon kon musungmu mita inta mondoí bo mondorot kon i monimu.

WAHYU 13:10

“Intau inta sinantúdon domokon, mustibí in sia domokon. Bo intau inta ain sinantú matoi sibaton, yo pasti matoibí doman sibaton. Manangka intua umat i Allah musti monahang bo mosatia.”

SAMUEL 1 17:53

Nopaḷut mako kon tua intau in Israel bui nondudur kon intau in Pilistin, bo nogagow kon tombonu in ḷoḷaigan monia.