YEREMIA 30:11 - Alkitab Singog In Mongondow Masa In Tanaa

¹¹ Akuoi in mamangoibí bo moiko in posaḷamaton-Kubí. Bangusa mita, inta pinoporaritan-Ku kon i monimu komintanbí yopúon-Ku, táe moiko in diábí pomiaan-Ku natua. Memang moiko in diábí moiḷagui kon hukuman táe hukuman-Ku kon i monimu in moadilbí podudui in inta ain sinantú. Akuoi, ki Tuhan ain nosingog.”

YEREMIA 30:11 Mawu Ofanana

MAZMUR 6:1

Kon i itoi in mododondong. Takin ito-itog kecapi. Podudui kon dondong in waḷunea. Mazmur i Daud.

IḶUAIAN 34:7

Umuranbí in Akuoi motabi kon ribuan buí bo mongampung kon taḷá bo dosa; táe intau inta kon dosa in diábí pomayá-Ku mako takin diá hukumon, bo hukumon-Ku doman in adí mita bain ompu modapot kon buí nogintoḷu bo noginggopat popisí in dosa in guyanga monia.”

YESAYA 43:25

Táe Akuoi in ki Allah inta nomopat kon dosamu, Inampungan-Ku in iko sin natuabí in sipat-Ku; Akuoi in diá bidon tantú monorop kon dosamu mita.

YESAYA 8:10

Pomiadon kon tomayá, táe bayongan tua diábí in motuoi. Gamádon in bontow in tosingogon, táe diábí in baragunanea, sin ki Allah in kotaki-takin nami.

YEREMIA 1:8

Dika moondok kon i monia, sin Akuoi in moyotakinmu bo moḷukad kon inimu. Akuoi ki Tuhan ain nosingog!”

YEREMIA 10:24

Sambokdon in kami o Tuhan, táe dikabí sambokon moiḻiu in konakitnea. Dika doman mohukum kon inami aka Iko koyogot in tumorú, sin notantú bidon kon moyopú in kami komintan.

YEREMIA 15:20

Iko in baḻíon-Ku naonda bo dinding porunggu kon i monia. Mosia in momarang kon inimu, táe diábí mokotaḷow kon inimu. Takinan-Kubí in iko sin moḷukad bo moposaḷamat kon inimu.

YEREMIA 4:27

Ki Tuhan in noguman kon sinangkub in dunia in mobaḻí padang gurun, táe Sia in diábí momutú kon tua komintan.)

YEREMIA 5:10

Akuoi in mopotabábí kon musung sin momoguyaat kon gobá in anggur monia, táe deemanbí makusud moyopú. Akuoi in mopotabábí kon musung tatua momongkó kon tanga mita in pangkoi mita in anggur monia, sin tanganea mita tatua in deemanbí Akuoi in kitogi.

YEREMIA 5:18

Ki Tuhan in noguman, “Umpaka natua, kon dodai intua umat-Ku in diábí yopúon-Ku.

OMBAḶ 3:22

Tabi i Tuhan in umur mononoi, totabi-Nea in diábí modai-dait,

YEHEZKIEL 11:13

Koyogotpa in akuoi nosingog kon tua, indoianmai yo ki Pelaca in daḻíbí noḷabú bo minatoi. Dá akuoi in dinumokó bo nomaḷú, “Kaasí Tuhan Inta Totok in moḷantud! Degá bayongan agat in Israel tanaa in ḻimodon-Mu?”

YEHEZKIEL 6:8

Topiḻik nongkon i monia in posaḷamaton-Kubí nongkon ponotadan tatua táe mosia in poraritonbí kon sigad in bangusa mita;

HOSEA 11:9

Iko in diábí hukumon-Ku kon bonu in torú-Ku; iko in diá bidon rimumudon-Ku bui. Sin Akuoi in ki Allah, deemanbí intau. Akuoi, Inta mokudus, kotaki-takinmu, bo doí bidon tumorú kon inimu.”

IMAMAT 26:44

Táe umpaka in mosia kon butápa in musung monia, mosia in diábí taḷaan-Ku ande yompaton-Ku komintan. Sin aka mosia yompaton-Ku, yo mangaḻenea kon tua Akuoidon tontaní in nomontow kon dodandian-Ku takin i monia, bokaka Akuoi naa in ki Tuhan Allah monia.

MATIUS 1:23

“Tobatú mongodeaga in modia kon sian bo mopononggadí kon tobatú adí ḷoḷaki bo adí tatua tangoian monia ki ‘Imanuel’, inta mangaḻenea: Ki Allah kotaki-takin naton.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

OUMAN IN RASUL MITA 18:10

Sin Akuoi in umuranbí kotaki-takinmu. Bo diábí tobatúmai in motaau momogutú kon inimu, sin noantó bidon in intau kon naa in mopirisaya kon i-Nakó.”

ULANGAN 4:31

Ki Tuhan Allahmu in Allahbí inta totok in kototabi. Sia in diábí monaḷámai ande moyopú kon i monimu, ande moḻiong kon dodandian inta pinomia-Nea tontaní takin mogoguyangmu.

TIMOTIUS 2 4:22

Poigumon mako ki Allah in umuran moyotakinmu bo umuran doman mobogoi in barakat kon i monimu komintan! Horomat nami, Ki Paulus