YEREMIA 3:25 - Alkitab Singog In Mongondow Masa In Tanaa

²⁵ Dá, pomayádon mako in kami in mobaba kon oyá, bo pomayádon mako in kami mobaḻí mohina. Sin, kami bo mogoguyang nami ain binaradosa kon i Tuhan Allah nami, bo diá kon dodai in onda in notoḷutui kon parenta-Nea mita.”

YEREMIA 3:25 Mawu Ofanana

MAZMUR 106:6

Kami in binaradosadon naonda bo mogoguyang nami; kami in nogaidon kon inta moraat bo nonoḻikudon.

MAZMUR 106:7

Kon tungkuḷ in kon Mesir mogoguyang nami diá nomangaḻe; mia-Mu inta mokotongaw diábí kinomangaḻean monia. Kinoḻiongan monia in tabi-Mu inta moḷoben totok, bo kon diug in Dagat in Gelagah mosia in nomarontak kon i Inta Totok in Moḷantud.

MAZMUR 109:29

Biódon mako in intau mita inta moponapud kon inakó ḻibutan in empeng, bo oyá in mongoḷob kon i monia naonda bo jubah.

AMSAL 13:18

Intau inta doí tundúon in mobaḻí mobogá bo tososingkuḻe; intau inta moibog mokidongog kon tonggina in horomatonbí.

AMSAL 5:13

Akuoi in doíbí mokidongog kon mototundúku mita bo doíbí dumudui kon i monia.

YESAYA 48:8

Kinotaauan-Ku kon iko in diábí motaau pirisayaan, nongkon dungkuḷpabímai kinotaauandon in iko kon moraat. Tuamai in diá kinotaauan, diá tobatúmai in tosingogon in modapot kon bongoḷanmu.

YESAYA 50:11

Ei moiko inta moibog mopobodito kon intau ibanea, moiko in yopúonbí in tomayámu tontaní. Ki Tuhanbí in mopobaḻí intua. Moiko in rorigaanbí totok.

YEREMIA 11:13

Ilah mita in intau in Yohuda nobayong totok, ná kobayong in kotá mita monia. Intau in Yerusalem noposindog in mezbah mita ná kobayong in daḷan mita kon kotá in Yerusalem sin moposumba in kuruban kon Dewa Baal.

YEREMIA 12:13

Umat-Ku in momuḷa kon gandum, táe dugidon in sinipú. Mosia in rumoriga in mogaid táe diá in bungai in siniḷopíannea. Akuoi in sinumorú totok dá bungai in boyó monia diá nopia.”

YEREMIA 14:20

Tuhan, tongábí kon ini-Mu tontaní kami in nogaidon kon dosa Akúon nami in dosa nami tontaní bo dosa in mogoguyang nami.

YEREMIA 14:7

Umat-Ku nokuani, ‘Tuhan, umpaka dosa nami mopotaḷá kon i nami tongá tuḷungaipa in kami podudui in dandi-Mu Iko in nopobui-buimaidon in sinaḷáan nami; totuu, kami in binaradosa kon ini-Mu.

YEREMIA 2:17

Iko tontaní in nokopopisí kon bayongan inta nobaḻí kon inimu, sin kon tungkuḷ in iko kinapit-Ku kon binayáan, iko in nonoḻikud kon i-Nakó, Ki Tuhan Allahmu.

YEREMIA 2:19

Aidmu tontaní inta moraat in mohukum kon inimu tontaní iko in nororiga popisí in nondoí kon i-Nakó, ki Allahmu. Tanaa in nanamnea totuu mopait bo mopomporí aka Akuoi toḻikudanmu bo diá horomatonmu. Akuoi, ki Tuhan Allahmu ain nosingog; Akuoibí in Tuhan Inta Totok in moḷantud bo Inta Totok in mokawasa.”

YEREMIA 2:2

nopotaau in koyow tanaa kon bayongan in intau kon Yerusalem, “Ei Israel, kinotoropan-Ku kon iko in totok in motoindudui kon tungkuḷ in iko noguodpa; totuu moḷoben in tabimu kon tungkuḷ in kita bagupa notonibuḷoi. Minayá in padang gurun in Akuoi dinuduianmu nongin butá inta diá sinompinomuḷaan.

YEREMIA 2:26

Ki Tuhan in noguman, “Naonda bo mononakow inangoian in oyá naonda in kinodomokan, natuata in moiko komintan in mooyábí doman, ei intau in Israel, datu mita bo intaumu mita moḷoben, imang mita bo nabimu mita!

YEREMIA 20:18

Nongonu sin akuoi in mustibí pononggadí? Degá tongábí bá mororiga bo mosusa? Bo degá bá kobiaganku in moitaḻib kon bonu in oyá?

YEREMIA 22:21

Akuoi in nosingogdon kon inimu kon dodai in kaadaanmu mopiapa, táe moiko in doí mokidongog. Memang natuabí in gogutúmu nongkon dungkuḷmai dapot in tanaa mako; diábí kon dodai in onda in motoindudui kon i-Nakó.

YEREMIA 3:13

Akudon kon iko in kotaḷá bo ain nomarontak kon i Tuhan, Allahmu. Akudon kon bayongan siungon in pangkoi in kayu inta mobambar iko in nobogoidon in tabimu kon ilah mita in bangusa ibanea, bo diá dinumudui kon parenta-Ku mita. Akuoi, ki Tuhan ain nosingog.”

YEREMIA 31:19

Iko ain sinoḻikudan nami, táe nomanasaḷ in kami kon aid tatua. Naonda in ihukum-Mu in kami, kinumuyung in kami sin norobonoḷ in gina. Nooyá in kami bo nobaḻí mokooyá popisí in binaradosadon kon dodai in noguodpa.’

YEREMIA 6:26

Ki Tuhan in noguman kon umat-Nea, “Pakédon in daing karong bo ponangkuḻitodon kon ḷobud. Ponogumatoidon bo pogamuidon takin roriga in gina naonda bo intau inta nongombaḷ sin kinopatoian i adínea tuḷong, sin momomutú in daḻídon monubu kon i monimu.”

YEREMIA 7:19

Táe totuubí, deemanbí Akuoi in pinoyaat monia in gina, táe awakbí monia tontaní nodapot in mosia in nooyá.

YEREMIA 8:14

“Nongonu sin kita in diábí nogaid kon onu bo onu?” guman in umat i Allah. “Igai in kita moyotakin moḷagui mayá in kotá mita inta dininding, umpaka in kita matoi kon tua. Ki Tuhan Allah naton ain nonantú kon kita in mustibí moputú. Sia in nobogoidon kon i naton rasum sin inumon sin kita in binaradosa kon i-Nia.

YEREMIA 9:18

Intau in Yohuda noguman, “Ḷagidon pokidondongai in mosia in dondong ponogumatoian kon inaton komintan, sinbá motutug in ḷuá momuntad kon putongi naton.”

OMBAḶ 5:16

Onu inta nokoyunggagá kon inami in diádon, kami in nobodito popisí in binaradosadon.

OMBAḶ 5:7

Mogoguyang nami in binaradosa, tanaa in diádon in mosia; táe kami in mustibí motarima kon roriga popisí in dosa mita monia.

YEHEZKIEL 2:3

“Ei intau inta ilo-ilow, iko in potabáku mayá kon intau mita in Israel inta nomarontak moḷawang kon i-Nakó. Mosia tua in momomarontak ná doman mogoguyang monia.

YEHEZKIEL 36:32

Toropdon ei Israel, kon tua komintan i aidan-Kubí táe deemanbí popisí in moiko. Moiko in mustibí mooyá bo moempeng popisí in dodiamu. Akuoi ki Tuhan Inta Totok in moḷantud ain nosingog.’ ”

YEHEZKIEL 44:13

Mosia in diá bidon motaau in mogundoi kon i-Nakó saḷaku imang andeka moḻiai kon onu inta motusi kon i-Nakó, andeka tumuot kon Tampat Inta Totok in Motusi. Tuata in hukuman kon aid mita nonajis inta ain inaidan monia.

YEHEZKIEL 7:18

Mosia in mopomaké in kaeng karong bo bayongan in awaknea in gumugurbí. Uḷu monia in ḷogatanbí bo mosia in pokopooyáanbímai.

DANIEL 12:2

Mobayong in kon sigad monia inta ain minatoi in mobiag bui; tongosilai in motarima kon kobiagan mononoi, bo tongosilai doman in motarima kon kohohina bo inta mokokoningkim inta mononoi doman.

HOSEA 9:10

Ki Tuhan in noguman, “Kon tungkuḷ in Akuoi dungkuḷ nokouḻí kon Israel, nopia in gina-Ku naonda bo intau nokouḻí kon bungai in anggur kon padang gurun. Kon tungkuḷ in Akuoi dungkuḷ nokoontong kon mogoguyangmu, nopia totok in gina-Ku naonda bo intau inta nokoontong kon bungai in ara inta dungkuḷ. Táe, kon dodai in mosia minayá in Buḷud in Peor, mosia in nomangkoidon nosumba kon Baal, dá nonajisdon in mosia naonda bo dewa inta kinoibog monia tatua.

ZEPANYA 1:17

Ki Tuhan in noguman, “Akuoi in mopoangoibí in bodito mobayong kon umat intau, dá mosia in mongokapdon naonda bo intau bilog. Mosia in binaradosadon kon i-Nakó, bo tanaa in dugú monia in moibutakdon naonda bo tubig, bo mayat mita monia in mobongkogdon kon tudu in butá.”

SURAT I PAULUS KON JAMAAT RUM 6:21

Kon wakutu intua onu in kauntungan nouḻí monimu kon dodai in nogaid kon soaḷ mita inta tanaa mako mooyádon in moiko mogaid? Aid mita tatua in tongábí modia mayá in popatoi!

HAKIM MITA 2:2

Tuamai moiko in diá bidon motaau in mogaid kon dodandian ibanea takin intau mita inta nogutun kon butá tanaa. Mezbah mita monia in mustibí toko umpagon monimu.’ Táe diábí inaidan monimu in onu inta ain pinoki aid-Ku tatua. Tongábí inta diá pinoki aid-Ku in inaidan monimu!