YEREMIA 3:21 - Alkitab Singog In Mongondow Masa In Tanaa

²¹ Kon tudu in buḷud mita kinodongogan in dowawá; tua in singog in umat in Israel inta nongombaḷ bo noigum totok, popisí in mosia ain binaradosa, bo nokoḻiongdon kon i Tuhan Allah monia.

YEREMIA 3:21 Mawu Ofanana

AYUB 33:27

Dá kon tayowon in intau moantó sia in moguman, ‘Inta moraat inanggapku mopia, moḷobenbí in dosaku, tongá ki Allah in diábí nohukum kon inakó.’

AMSAL 10:9

Intau motuḻid, moaman in kobiagannea; intau inta monguboḷ in kotaauanbí.

AMSAL 19:3

Intau in moporugibímai kon awaknea tontaní popisí in bodoknea, onda intua mopotaḷá kon i Tuhan kon onu inta nobaḻí tatua.

YESAYA 15:2

Intau inta nogutun kon Dibon motakod kon buḷud sin mongombaḷ kon tampat pososumbaan kon dewa mita. Intau in Moab takin morobonoḷ in dodob mogamui kon kotá in Nebo bo Medeba. Mosia in nongarug kon uḷu bo kumi nobaḻí tomponuot kon norobonoḷ in dodob.

YESAYA 17:10

Israel, iko in nokoḻiongdon kon i Allah inta noposaḷamat bo noḷukad kon inimu naonda bo buḷud batu inta moroton. Noyoḻiu kon tua, iko in nomuḷadon kon gobá mita sin ogoi kon dewa mita.

YESAYA 57:11

Ki Tuhan in noguman, “Ki ine in dewa mita tatua inta nopobaḻí kon i monimu moondok, dá moiko in monguboḷ bo diádon mokotorop kon i-Nakó? Eta degá moiko in diádon mosumba kon i-Nakó popisí in Akuoi noonggot totok in kibio-biómai?

YEREMIA 12:12

Nongkon ḷoḷan in padang gurun kon buḷud, intau mita mamangoi sin mogagow. Akuoi in nopoangoi in parang sin momoguyaat kon bayongan in ḻipú dá diádon tobatúmai in mobiag modame.

YEREMIA 13:25

Tuata in ukurmu inta ain sinantú-Ku popisí in moiko ain nokoḻiong kon i-Nakó, bo nopirisayadon kon ilah mita diá totuu.

YEREMIA 18:15

Táe umat-Ku in noḻiongdon kon i-Nakó, bo notubá kon dupa sin posumba kon berhala. Mosia in noipintud kon daḷan dungkuḷmai inta musti bayáan monia, bo sinumabat kon daḷan inta diápa sinondodai.

YEREMIA 2:32

Oyúon degá in mongodeaga inta mokoḻiong kon ḷambánea, andeka nonikaan bobay inta mokoḻiong kon ḷambung nonikaannea? Táe moiko in noonggotdon totok in nokoḻiong kon i-Nakó – nongkon tungkuḷpabí inta diádon koiapan in koonggotnea.

YEREMIA 3:2

Ḷangagka, kon tudu mita in buḷud! Tampat táonda inta diápa dodai in onda in inangoianmu sin sumundaḷ? Naonda bo intau in Arab kon padang gurun, natuata in iko ḻimitú kon bingkí in daḷan mogoḷat mako kon intau inta moibog mopogogitog kon totabian. Iko in moponajis in butá tanaa pongin tuaḻing bo aidmu inta moraat.

YEREMIA 31:9

Mosia in mayá takin moḷabú in ḷuá, Ḻipoion-Ku bo kapiton-Ku in mosia. Diaan-Ku in mosia mongin tampat mita inta mobayong in tubig, mongin daḷan motondodai inta diá in kopintudan. Kon i Israel, Akuoi in naonda bo ki amá; Epraim in ki adí-Ku ḷoḷaki guya-guyang.”

YEREMIA 7:29

Ki Tuhan in noguman, “Uḻe intau in Yerusalem, pononogumatoidon! Pongkódon in buokmu bo ḷumbúdon! Podondongdon in dondong oamui kon tudu mita in buḷud, sin Akuoi, ki Tuhan, koyogot in sinumorú bo ain nondoí kon i monimu komintan.

YEHEZKIEL 23:35

Ki Tuhan Inta Totok in moḷantud in noguman, “Popisí in iko nokoḻiongdon kon i-Nakó bo nonoḻikudon kon i-Nakó, dá mororiga in iko sin ibogmu inta noiḷanú bo pinosundaḷanmu.”

YEHEZKIEL 7:16

Tongosilai in kotaḻibanbí bo moḷagui mayá in buḷud. Kon tua mosia in nádon onda bo ḷagapan mita paḷoma inta binuntun nongkon ḷopá mita; komintanbí mogongot popisí in dosa mita monia.

HOSEA 13:6

Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

HOSEA 8:14

Intau in Israel noposindog in komaḻig mita, táe mosia in nokoḻiong kon i Inta nomaḻí kon i monia. Intau in Yohuda nodugang kon kobayong in kotá mita inta dininding, táe Akuoi in mopoonagbí in tuḷú sin momagong kon bayongan in komaḻig bo kotá mita monia.”

MIKHA 3:9

Indongogaidon in singogku mita tanaa, ei moiko pongawasa in Israel inta mondoí kon kooadil bo monuui kon inta mobanar.

PINOGIAPAN 22:32

Malaekat i Tuhan noḻibó, “Nongonu sin kotoḷu bidon binongkugmubí in keledaimu? Akuoi namangoi sin moḷamboi kon bayáanmu, sin aka kon i-Nakó, yo diábí mopia aka mayá in iko.

KORINTUS 2 7:10

Sin ajar in gina natua mopomungaibí in mopia bo mokosaḷamat. Bo tua in diábí mokomanasaḷ kon intau. Táe aka ajar in gina inta pinodudui in ibog in intau, yo tua in mokopatoibí.