YEREMIA 28:6 - Alkitab Singog In Mongondow Masa In Tanaa

⁶ “Mopia! Igumon mako toḻindapmu tua in moniata, bo ki Tuhan in totu-totuu modiadon bui mangoi nongkon Babel in pakakat mita in Baḷoi Tuhan takin bayongan intau inta ain iḷumbú kon tua.

YEREMIA 28:6 Mawu Ofanana

DATU MITA IMITÁNEA 1:36

“Mopia, Inta Momulia,” tubag i Benaya, “igumon mako ki Tuhan, Allah i tuang datu, moginrigon kon parenta i tuang datu tua.

TAWARIKH 1 16:36

Dayowdon in ki Tuhan Allah Israel, tanaa mako modapot in mononoi! Onda intua bayongan in umat in Israel moguman, “Amin”. bo nodayow in mosia kon i Tuhan.

MAZMUR 106:48

Dayowdon in ki Tuhan, ki Allah in Israel, tanaa mako dapot in mononoi. Biódon mako bayongan in intau moguman, “Amin!” Dayowdon in ki Tuhan!

MAZMUR 41:13

Iko in motuḷung kon inakó popisí in ginaku motuḻid, bo binaḻí-Mu in akuoi nobiag moyotakin-Mu modapot in mononoi.

MAZMUR 72:19

Dinayo-dayowdon in tangoi-Nea inta moḷantud dapot in mononoi; igumon mako sinangkub in butá mopuḻing in kamuliaan-Nea! Natuadon in mobaḻí. Amin!

MAZMUR 89:52

Musung-Mu mita in noningkuḻe kon datu inta piniḻí-Mu, o Tuhan, norebeg kon inia kon ondakabí in bayáannea.

YEREMIA 11:5

Aka mosia mogaid kon bayongan intua, Akuoi in mogintompodbí kon dandi-Ku kon mogoguyang monia kon butá inta mopia bo nooyúon, inta tanaa inutunan monia tua, in ogoi-Ku kon i monia.” Akuoi in notubag, “Mopia, Tuhan.”

YEREMIA 17:16

Táe, o Tuhan, diábí kon dodai in onda in akuoi nondodak sinbá Iko mopoantug in bodito kon i monia. Akuoi in diábí doman nopoigum sinbá onagon in bodito in mosia. Kinotaauan-Mu intua, Tuhan. Kinotaauan-Mu onu in siningogku.

YEREMIA 18:20

Patus degá in mopia tuḻían in inta moraat? Táe mosia in nongaḻidon kon bubú sinbá moḷabú in akuoi kon bonunea. Toropdon kon akuoi noduḷudon kon i monia kon tayowon-Mu, sinbá diá in Iko tumorú kon i monia.

YEREMIA 28:3

Kon bonu in doyowa notaong tanaa Akuoi in mopobuibí in pakakat mita nongkon Baḷoi-Ku, inta ain inakut pinobayá in Babel i Datu Nebukadnezar.

ZAKHARIA 6:10

Kai-Nia, “Gamádon in sosumba inta inogoi i Heldai, i Tobia bo i Yedaya, intau mita inta bagu nobui nongkon pinoḷumbúan kon Babel. Ḷagidon dia in sosumba monia tatua kon baḷoi i Yosia ki adí i Zepanya.

PINOGIAPAN 5:22

Tubig inta mokopoangoi kon butung tanaa in tumuot kon sianmu bo mokobunsit kon sian bo mokointok kon paamu.” Bobay tatua musti motubag, “Moibog in akuoi; Igumon mako ki Tuhan momia kon natua.”

MATIUS 28:20

Bo tundú in mosia mogaid kon onu inta aindon pinoguman-Ku kon i monimu. Bo bá kotaauan monimu, kon Akuoi in umuranbí kotaki-takin monimu modapot in singgai pangabisan.”

MATIUS 6:13

Donaaidon pomayá mako in kami kobuḻian in pirisaya kon dodai in kami koantugan in totungkuḷ, táe pilataidon in kami nongkon kawasa i inta Moraat! [Sin Ikobí in Datu inta mokawasa bo momulia dapot in mononoi. Amin.]’

KORINTUS 1 14:16

Sin aka tongá rohonea in mosukur kon i Allah, bo oyúon in intau in diá nonotaau in bahasa pinakému tua, yo intau tatua in diábí moguman, “Amin” kon dodai in nokodongog kon sukurmu tatua, sin diá kinotaauannea in siningogmu tatua.

KORINTUS 2 1:20

Sin ki Allah nopototuu in dandi-Nea pinongin i Yesus. Tuabí in nobaḻí dodoyonan sahingga intau moguman “Amin” kon i Allah sin ki Yesus Kristus. Tua in inaidan nami sinbá dayowon in ki Allah.

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

WAHYU 19:4

Dá doyowa nopuḷú boopat in itoi mita tatua bo mahaḷuk opat inta iḻimibu kon tampat pomomarentaan tatua sinumungkud bo nosumba kon i Allah inta iḻimitú kon tampat pomomarentaan tatua. Mosia in noguman doman, “Amin! Dayowdon in ki Allah!”

WAHYU 3:14

“Paisdon kon malaekat in jamaat Laodikia nanaa: Naadon in koyow nongkon i-Nia inta sinumangoi Amin, sakusi inta mosatia bo mobanar, pangkoi in bayongan yagi-yagi inta pinomia i Allah.

WAHYU 5:14

Dá mahaḷuk opat tatua in notubag: “Amin!” Bo itoi mita tatua in sinumungkud bo nosumba.