YEREMIA 28:3 - Alkitab Singog In Mongondow Masa In Tanaa

³ Kon bonu in doyowa notaong tanaa Akuoi in mopobuibí in pakakat mita nongkon Baḷoi-Ku, inta ain inakut pinobayá in Babel i Datu Nebukadnezar.

YEREMIA 28:3 Mawu Ofanana

KINOBAḺIAN 47:28

Ki Yakub nobiagpa mopuḷú bopitu notaong kon Mesir nodapot in umurnea mogatutdon bo opat nopuḷú bopitu notaong.

KINOBAḺIAN 47:9

Tubag i Yakub, “Akuoi ain nobiag kon binayáanku koonggotnea in mogatutdon bo toḷu nopuḷú notaong. Kobiaganku naa in nopuḻing in roriga. Kinobiaganku naa in nopoḷokbí aka poyobandingonmai umur in mogoguyangku inta nobiag doman nobaḻí intau inta diá notantú kon pogutunan.”

DATU MITA 2 24:13

Bayongan in pakakat buḷawan inta pinomia i Datu Salomo sin pakéon kon Baḷoi Tuhan, pinoguraat i Nebukadnezar. Bo bayongan in pakakat inta koboḻi inta kon bonu in Baḷoi Tuhan tatua bo kon komaḻig in dinianea minayá in Babel. Bayongan intua nobaḻí noidudui kon onu inta ain siningog i Tuhan muna.

TAWARIKH 2 36:10

Kon pinoyoḻimbanan in taong, ki Datu Nebukadnezar nogakut kon i Yoyakhin pinobayá in Babel nobaḻí intau inta dinakop, bo pakakat mita inta koboḻi kon Baḷoi Tuhan in dinianea doman. Onda intua ki Nebukadnezar noduí kon i Zedekia, pokuamáan ki Yoyakhin, nobaḻí datu in Yohuda bo Yerusalem.

TAWARIKH 2 36:7

Tongosilai in pakakat mita koboḻi kon Baḷoi Tuhan in dinia i Nebukadnezar bo inukat kon bonu in komaḻignea kon Babel.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

DANIEL 1:2

Inogoi i Tuhan in sia in nonaḷow kon i Datu Yoyakin bo poḷat nogagow kon tongosilai in pakakat mita inta koboḻi kon Baḷoi Tuhan. Intau mita inta sinokodakopnea, dinianea kon kuil in dewanea kon Babel, bo pakakat mita inta koboḻi inta inagownea, sinagúnea kon bonu in gudang mita in kuil tatua.