YEREMIA 28:2 - Alkitab Singog In Mongondow Masa In Tanaa

² kon ki Tuhan Inta Totok in mokawasa, Allah in Israel, noguman nanaa, “Ropot in datu in Babel ain pinutoḷan-Ku.

YEREMIA 28:2 Mawu Ofanana

YEREMIA 28:11

Kon tayowon in bayongan in rayat inta kon tua, sia in noguman, “Ki Tuhan in noguman kon nanaa in pomomutoḷ-Nea kon tombuḻigan inta pinopopotaan i Datu Nebukadnezar kon sindun in bayongan bangusa; Ki Tuhan in nogaidbí kon bayongan intua kon bonu in doyowa notaong naa.” Onda intua akuoi in minayádon.

IMAMAT 26:13

Akuoi, ki Tuhan Allahmu, inta nodia kon i monimu iḻumuai nongkon butá in Mesir sinbá moiko in diádon mobaḻí ata bui. Kawasa inta mondorot kon i monimu pinutoḷan-Kudon, bo moiko in binaḻí-Kudon intau inta noiḷuat kon roriga.”

MIKHA 3:11

Mongongawasa mita in kotá momarenta mokiigum in doit pomompon kon bibig, imang mita in motundú kon hukum i Tuhan sin motayak kon tondan pogaidan, bo nabi mita mopoigum in topotundú nongkon i Allah sinbá mokouḻí kon doit – bo kai monia kamai dá ki Allah in dinumotábí kon i monia. Mosia in moguman, “Ki Tuhan in oyúon kon yua-yuak naton; kita in diábí koantugan in anib.”