YEREMIA 27:6 - Alkitab Singog In Mongondow Masa In Tanaa

⁶ Akuoibí inta ain nobogoi kon bayongan in bangusa tanaa kon bonu in kawasa in mogogundoi-ku, ki Nebukadnezar datu in Babel. Nodapot in mahaḷuk yo inogoi-Ku doman kon inia sin kawasaan.

YEREMIA 27:6 Mawu Ofanana

DATU MITA 2 25:28

bo nopiadon in pinogogaidnea. Ki Yoyakhin in inogoiannea in ḷoḻitúan inta noiḻiu nongkon datu mita ibanea inta iḷumbú doman kon Babel.

TAWARIKH 2 36:23

“Naadon in parenta i Kores, datu in Persia! Ki Tuhan Allah inta nongawasa kon soroga nopobaḻídon kon inakó datu kon sinangkub in dunia, bo nopotabádon kon inakó sin moposindog in baḷoi kon i-Nia kon Yerusalem kon butá in Yohuda. Dá, moiko komintan inta nobaḻí umat i Allah in mustibí mobui kon tua! Igumon mako ki Tuhan Allahmu moḷukad kon i monimu.”

YESAYA 44:28

Akuoibí inta noguman kon i Kores, ‘Ikobí inta momarenta sin kopontingan-Ku, bo mogaid kon bayongan inta kinoibog-Ku. Parentadon sinbá Yerusalem posindogon bui, bo Baḷoi Tuhan aidandon in kinodoyonannea.’ ”

YEREMIA 21:7

Iko bo pogawaimu mita takin intau mita inta noisimparut kon parang, gogoy bo yampoi in takit, komintan pomayá-Ku mako in domokon i Datu Nebukadnezar bo in musung mita inta moibog moḻimod kon inimu. Ki Nebukadnezar in moḻimodbí kon i monimu komintan takin diá in ampung bo diá in tabi. Akuoi, ki Tuhan, ain nosingog.”

YEREMIA 22:25

bo ogoi kon intau mita inta kinoondokmu bo inta moibog moḻimod kon inimu. Iko in ogoi-Ku kon i Nebukadnezar datu in Babel, takin intaunea mita.

YEREMIA 24:1

Kon singgai tobatú naonda in ki Yoyakhin ki adí ḷoḷaki i Yoyakin datu in Yohuda noyotakin in pojabat pomarenta in Yohuda, mongogurig mita bo intau mita inta totok in motaau mogaid kon oaidan monia inakut i Nebukadnezar datu in Babel, bo dinia saḷaku intau dinakop nongkon Yerusalem pinobayá in Babel, ki Tuhan in nobogoi in tobatú oontongon kon inakó. Akuoi in nokoontong kon karansi doyowa binonuan in bungai in ara noiukat kon tayowon in Baḷoi Tuhan.

YEREMIA 25:9

‘Akuoi in mogoiníbí kon bayongan in bangusa nongkon utuan, bo mogogundoi-Ku doman, ki Nebukadnezar datu in Babel. Mosia in potabá-Ku moparang monayow kon Yohuda bo intau inta nogutun kon bonunea takin bayongan in bangusa kon diugneamai. Bangusa in Yohuda takin bangusa mita topodiugneamai in yopúon-Ku bo bióon-Ku mako in morimumud modapot in mononoi. Intau mita inta mokoontong kon inia in moitaḻikokogbí bo mokoningkim. Akuoi, ki Tuhan, ain nosingog.

YEREMIA 28:14

Ki Tuhan Inta Totok in mokawasa, Allah in Israel, in noguman kon Sia in mopopakébí in tombuḻigan uatoi kon sindun in bayongan bangusa tanaa, bo mosia in mobaḻíbí ata kon i Nebukadnezar, datu in Babel. Ki Tuhan in noguman doman kon mahaḷukpa moraat in ogoi-Neabí doman kon bonu in kawasa i Nebukadnezar.”

YEREMIA 43:10

Bo pogumandon kon i monia kon Akuoi, ki Tuhan Inta Totok in mokawasa, Allah in Israel, in mopoangoibí in mogogundoi-Ku ki Nebukadnezar datu in Babel, kon tampat tatua. Bo kon tudu in batu mita inta iḷobongmu kon butá tatua, posindogonneabí in tampat pomomarentaannea bo mosongká kon ḷoḷaigan in dodatuannea.

YEREMIA 49:30

Ei moiko intau in Hazor! Akuoi, ki Tuhan, ain noguman: Koḻikatdon poḷagui, bo pogadop. Ki Nebukadnezar in nonomayádon kon monubu kon i monimu. Sia in noguman,

YEHEZKIEL 29:12

Baḻíon-Kubí in Mesir moingongow dá kon sigad in butá mita inta noingongow ibanea, Mesirdon in totok in moingongow. Kon bonu in opat nopuḷú notaong kotá mita in Mesir in mobaḻíbí apug inta moiḻiudon kon apug mita in kotá kon ondakabí. Bangusa in Mesir in baḻíon-Kubí moḷoḷagui mita. Mosia in moibaya-bayábí mako kon bayongan in butá bo mogutun kon yua-yuak in bangusa ibanea.”

YEHEZKIEL 30:24

Bo irotonan-Ku in kokaḷ i datu in Babel, bo popokadai-Ku kon ḻimanea in kedang-Ku. Táe kokaḷ i datu in Mesir in putoḷon-Kubí dá kumarak in sia bo matoi kon tayowon i datu in Babel, musungnea.

DANIEL 4:12

Daunnea mita in nongoḷunow bo bungainea in modatog totok, tugatbí kaanon in bayongan inta nogutun kon dunia naa. Mahaḷuk mita ḻindong in nosiug mako kon siungonnea bo ḷagapan mita in nonompugad kon tanganea mita. Bo bayongan in mahaḷuk motaaubí mokaan kon bungainea mita.

DANIEL 4:22

Oo, Tuangku, ki Tuangkubí in pangkoi in kayu inta moḷantud bo moropot tatua. Koḷoḷoben i Tuangku modugang modapot in ḷangit bo kawasa i Tuangku in moiyoyanú modapot kon popod in dunia.