YEREMIA 27:5 - Alkitab Singog In Mongondow Masa In Tanaa

⁵ “Pinongin kawasa-Ku inta moḷoben bo pinongin ropot-Ku binaḻí-Ku in dunia bo intau takin bayongan in mahaḷuk, bo tua in motaau-Kubí ogoi kon i ineka in koibog-Ku pobogoian.

YEREMIA 27:5 Mawu Ofanana

KINOBAḺIAN 1:25

Natuata in pinomomaḻí i Allah kon tua komintan bo nopia in gina i Allah in nokoontong kon tua komintan.

KINOBAḺIAN 9:6

Intau in pinomia ná batangan-Ku; tuamai, ki ine in moḻimod kon intau, yo sia tua in ḻimodon doman in intau.

EZRA 1:2

“Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

NEHEMIA 9:22

Pinopountung-Mu in mosia kon nobayong in dodatuan bo bangusa kon pinosigadan in butá monia. Hesybon butá i Datu Sihon, iḻitúan monia; Basan butá i Datu Og, inutunan monia.

MAZMUR 102:25

Bo akuoi in noguman, “O Allah dikapa gamáan in nyawaku kon kinotombotakan in kobiaganku.” Tuhan, Iko in mobiag mononoi,

MAZMUR 96:5

Dewa mita in bangusa ibanea in tongábí patong berhala, táe ki Tuhan in nomaḻí kon baḷangon.

IḶUAIAN 20:11

Onom nosinggai, Akuoi, ki Tuhan, nomaḻí kon butá, ḷangit, dagat bo bayongan inta kon bonunea, táe kon singgai inta nogimpitu Akuoi in nogogai. Tuamai Akuoi, ki Tuhan, momarakat kon singgai in Sabat bo baḻíon-Ku singgai-Ku intua.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

YESAYA 42:5

Ki Tuhan Allah in nomaḻí bo nosongká kon ḷangit; Sia in nomia kon butá bo bayongan inta nobiag kon tudunea. Sia in nobogoi kon intau in poginaan kobiagan bo nyawa. Sia in nopotaau in koyow tanaa kon mogogundoi-Nea mita,

YESAYA 44:24

Nanaa in guman i Tuhan mopoposaḷamatmu inta nomia kon inimu pinangkoi kon bonupa in sian, “Akuoibí in ki Tuhan inta nomia kon bayongan yagi-yagi, inta tongá aku-akuoi mita in nosongká kon ḷangit, bo diábí in noduḷu nomaḻí kon butá.

YESAYA 45:12

Akuoibí in ki Tuhan inta nomia kon butá, bo inta nomaḻí kon intau sin mogutun kon tua. Pinodoyon kon kawasa-Ku Akuoi in nosongká kon ḷangit, bo nomarenta kon mata in singgai, buḷan bo tundi mita.

YESAYA 48:13

Ḻima-Ku nopoukat in dodoyonan butá bo nosongká kon toḷungayá. Aka oiníon-Ku in tangoinea, mosia in ḷagibí mamangoi.

YESAYA 51:13

Umpaka dá kinoḻionganmu in ki Tuhan inta nomaḻí kon inimu inta nosongká kon ḷangit bo inta nopoukat in dodoyonan in butá? Nongonu sin kinoouput in singgai mourot in iko kon torú in monondorot inta nosadiadon momutú? Totuubí kon torú monia tua diábí kumaan kon inimu.

YEREMIA 27:4

Akuoi in mustibí mopotaau kon i monia kon ki Tuhan Inta Totok in mokawasa, Allah in Israel, in noguman,

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

YEREMIA 51:15

Ki Tuhan in nomaḻí kon butá pinongin kawasa-nea nomia kon dunia pinongin hikmat-Nea, bo nobukat kon ḷangit pinongin pandoi-Nea.

DANIEL 2:38

Ki Tuangku in binaḻí-Nea pongawasa kon tonsilai in dunia inta oyúon in nogutun bo kon bayongan in ḷagapan bo mahaḷuk ibanea. Ki Tuangku tontaní in inta uḷu buḷawan kon patong tatua.

DANIEL 4:14

Noropot in singognea in noguman, ‘Pupuḷdon in pangkoi in kayu tatua bo pongkódon in tanganea mita, tontakdon in daunnea mita bo poraritdon in bungainea mita. Untundon in mahaḷuk mita inta nosiug mako kon siungonnea bo ḷagapan mita inta nonompugad kon tanganea mita.

DANIEL 4:17

Tuata in bontow in tosingogon nami malaekat mita inta umuran kiḷuka-ḷukadmai bo inta tantú nokopoingat. Makusud nami in bá intau mita kon ondaka yo mongaku, kon ki Allah Inta Totok in moḷantud in kitogi kawasa kon dodatuan in intau bo dodatuan tatua in ogoi-Nea kon i inekabí in piniḻí-Nea, nodapotbí in kon intau inta totok in diá in mangaḻenea!’

DANIEL 4:22

Oo, Tuangku, ki Tuangkubí in pangkoi in kayu inta moḷantud bo moropot tatua. Koḷoḷoben i Tuangku modugang modapot in ḷangit bo kawasa i Tuangku in moiyoyanú modapot kon popod in dunia.

DANIEL 4:25

Ki Tuangku in poguntunon nongkon yua-yuak in intau bo mobiagdon kon sigad in mahaḷuk mita kon rawang. Pitu notaong in koonggotnea ki Tuangku in mokaan kon bonok naonda bo sapi bo mosiug kon rawang inta diá in oḻi-oḻingoinea, modapot in mobuntad kotugatan in oḷú. Mopaḷut mako kon tua ki Tuangku in mongakudon kon ki Allah Inta Totok in moḷantud in kitogi kawasa kon dodatuan in intau, bo dodatuan tatua in ogoi-Nea kon i inekabí in piḻíon-Nea.

DANIEL 5:18

Ki Allah Inta Totok in moḷantud nomaḻí kon i Nebukadnezar ki amá i Tuangku nobaḻí datu moḷantud bo nobogoi kon inia in koḷoḷoben bo ponango-nangoian.

OUMAN IN RASUL MITA 14:15

“Ei, nongonu sin moiko in mogaidbí kon nanaa? Kami naa in intaubí doman ná moiko! Kami in kon naa tongábí namangoi mopoyaput in Habar Mopia kon i monimu sinbá taḷaanmaidon monimu in soaḷ mita inta diá baraguna tanion bo mopirisayadon kon i Allah inta aindon nobiag nongkon kinopatoian-Nea, ki Allah inta nomia kon ḷangit bo butá, dagat bo bayongan inta kon bonunea.

OUMAN IN RASUL MITA 17:24

Ki Allah inta nomia kon dunia bo tombonunea mita, Sia tuata in ki Tuhan in ḷangit bo butá. Sia in diábí nogutun kon baḷoi in dewa-dewa inta pinomia in ḻima intau.

OUMAN IN RASUL MITA 17:26

Nongkon intau tobatú pinomia-Nea in bayongan intau bo pinoutun-Nea kon dunia naa. Siabí doman tua inta nonantú nongkon pinomangkoianmai, toonu bo kon onda in motaau kobiagan in intau.

ULANGAN 2:19

Dá moiko in nodapot kon diug in butá intau in Amon, buí i Lot. Dika monuyayow ande monubu kon i monia, sin diábí topiḻikmai in butá inta ain inogoi-Ku kon i monia in ogoi-Ku kon inimu.’ ” (

ULANGAN 2:21

Naonda bo intau in Enak, mosia mongoḷoben bo mongoḷantud doman in awak. Mosia totuu mongo ropot, bo mobarong in mosia. Tongá iyopú i Tuhan in mosia, nodapot inagow in intau Amon in butá tatua, bo poḷat pinogutunan monia.

ULANGAN 2:7

Toropbí naonda in ki Tuhan Allahmu nomarakatdon kon i monimu kon bayongan in yagi-yagi inta inaidan monimu. Iḷukadan-Nea in moiko kon tungkuḷ in moiko kon padang gurun inta mobendar naa. Inoḻiungan-Nea in moiko opat nopuḷú notaong naa bo nobogoi domandon in bayongan onu inta pakéon monimu.

ULANGAN 2:9

Ki Tuhan noguman kon inakó, ‘Intau in Moab, buí i Lot, diábí motaau in tuyayowon monimu. Dika doman monubu kon i monia. Butá in Ar inogoi-Kudon kon i monia bo diábí topiḻikmai in butá monia in ogoi-Ku kon inimu.’ ” (

ULANGAN 32:8

Kon dodai in ki Inta Totok in Moḷantud nosilai kon butá, batúan bangusa sinantúdon in butánea takin ilah tobatú in nobaḻí pongawasa.

ULANGAN 4:17

ḷagapan ande toyá, mahaḷuk ḷumandai ande mahaḷuk ibanea.

ULANGAN 4:25

Ná doman tua aka moiko moonggotdon in mogutun kon butá tatua bo mononggadí dapot in mononggompu, yo dika baradosaan popisí in momia kon patong naondaka in batangannea sin sumbáan monimu. Oaid natua in oaidbí moraat kon tayowon i Tuhan Allahmu bo mokopopisídon kon i-Nia tumorú.

ULANGAN 4:32

Tarididon in singgai koḷabung, kon dodai in moiko diápa pinononggadí, pinangkoi kon singgai kon wakutu in ki Allah nomia kon intau kon dunia naa. Tayakdon kon bayongan dunia. Dodaibí in onda in soaḷ inta motoyang tua nobaḻí? Dodai in onda in oyúon in intau inta nokodongog kon soaḷ onu inta nobaḻí ná tatua?

ULANGAN 4:35

Tua komintan pinoontong i Tuhan kon inimu sin moponiata kon tongábí ki Tuhan tua in Allah, bo diábí in ibanea mako.

ULANGAN 5:16

Horomat bo ḷukadai in ki amá bo ki inámu; tuata in parenta-Ku, ki Tuhan Allahmu, sinbá moiko mobiag motompia bo moḷanggó in kobiagan kon butá inta bain ogoi-Ku kon inimu.

ULANGAN 9:29

Táe toropdon, o Tuhan, kon mosia naa in bangusa inta piniḻí-Mu nobaḻí umat-Mu, bo dinia-Mu nongkon Mesir takin ropot bo kawasa-Mu inta moḷoben.”

KOLOSE 1:16

Sin pinongin i-Nia tua ki Allah in nomia kon bayongan in yagi-yagi kon soroga bo kon dunia naa, inta koontongan bo inta diá koontongan, noitakin doman in bayongan roho inta nongawasa bo inta nomarenta. Bayongan inta kon ḷangit bo inta kon butá pinomia pinongin i Kristus bo untuk doman kon i Kristus.

IBRANI 1:2

Táe kon singgai tumi naa in ki Adí-Neadon tontaní in pinotabá-Nea nopoyaput in singog-Nea tatua kon i naton. Ki Adí-Nea doman tanaa inta pinopodoyonan i Allah in nomia kon dunia naa. Sia in sinantú domandon i Allah motarima kon bayongan kapunyaan-Nea.

WAHYU 4:11

“O Tuhan, o Allah nami! Tongábí Iko in patus motarima kon dodayow, horomat bo kawasa. Sin Ikobí in nogaid kon bayongan in yagi-yagi, bo lantaranbí doman ibog-Mu dá bayongan in yagi-yagi tua ain nobaḻí bo nobiag.”