YEREMIA 27:19 - Alkitab Singog In Mongondow Masa In Tanaa

^19-22 Sin Akuoi, Tuhan Inta Totok in mokawasa, Allah in Israel, ain nonantú kon bayongan in pakakat tatua in akutondon pobayá in Babel, bo umuranpabí kon tua modapot in Akuoi bui moindoi kon tua. Kon dodai intuata bo baintua diaan-Ku bui kon tampat tanaa. Akuoi, ki Tuhan, ain nosingog.” Pakakat mita inta kon Baḷoipa i Tuhan tua in: oigi mita, kuyon bitú, kereta mita, bo tongonumai in pakakat ibanea in Baḷoi Tuhan. Pakakat mita tatua in diábí pinoyotakin dinia pinobayá in Babel, kon tungkuḷ in ki Yoyakhin ki adí ḷoḷaki i Yoyakin datu in Yohuda takin guhanga mita in ḻipú in Yohuda bo Yerusalem inakut pinobayá in Babel i Datu Nebukadnezar.

YEREMIA 27:19 Mawu Ofanana

DATU MITA IMITÁNEA 7:23

Noiduduimai kon tua ki Huram in nomia kon bejana bitú tobatú inta noḻimbung, naa in ukurannea: bonunea 2,2 nometer, botok kon yuaknea in 4,4 nometer bo ḻimbungnea in 13,2 nometer.

DATU MITA IMITÁNEA 7:27

Ki Huram in nomia doman kon kereta mopuḷú nongkon bitú, kon batúannea in kobanatnea 1,8 nometer, kooḷadnea in 1,8 nometer bo koḷantudnea in 1,3 nometer.

DATU MITA 2 25:13

Oigi mita bitú bo kereta mita kon Baḷoi Tuhan takin doman bejana bitúnea in iḷosi in intau in Babel, bo bayongan in bitú in dinia pinobayá in butá monia.

DATU MITA 2 25:17

Oigi bitú doyowa tatua in notongkai; kon batúannea waḷu nometer in koḷantudnea bo oyúon in uḷu tobatú in oigi bitú tatua koḷantudnea in mogatut bo toḷu nopuḷú nosenti. Kon ḻibumai in batúan uḷu in oigi tatua oyúon in sinoḷatak inta iḷambáan in bungai in delima nongkon bitú.

TAWARIKH 2 36:18

Pakakat mita in Baḷoi Tuhan, bo pakakatnea mita inta koboḻi, takin doman kapunyaan in datu bo in pogawainea mita, komintan inagow i datu in Babel bo dinia kon Babel.

OMBAḶ 1:10

Bayongan in kapunyaannea ain inagow in musungnea mita. Nodapot in sia in nokoontongbí tontaní in sinuotan monia kon bonu in Baḷoi i Allah, aid tobatú inta kinodoí i Tuhan aidan in intau inta deeman umat-Nea.

DANIEL 1:2

Inogoi i Tuhan in sia in nonaḷow kon i Datu Yoyakin bo poḷat nogagow kon tongosilai in pakakat mita inta koboḻi kon Baḷoi Tuhan. Intau mita inta sinokodakopnea, dinianea kon kuil in dewanea kon Babel, bo pakakat mita inta koboḻi inta inagownea, sinagúnea kon bonu in gudang mita in kuil tatua.