YEREMIA 26:23 - Alkitab Singog In Mongondow Masa In Tanaa

²³ Bo dinia monia in sia nobui minayá kon i Datu Yoyakim. Onda intua pinoki ḻimod in datu in sia, bo mayatnea in iḷumbú kon poḷoḷobongan kon bayongan in intau.

YEREMIA 26:23 Mawu Ofanana

DATU MITA 2 23:37

Ki Yoyakin in binaradosa kon i Tuhan naonda bo mogoguyangnea.

YEREMIA 2:30

Diábí in mangaḻenea in pohukuman-Ku kon i monimu sin moiko in doíbí motarima kon toboḷow. Ná singa inta koyogot in tumorú, natuata in moiko moḻimod kon nabimu mita.

YEREMIA 22:17

Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

YEREMIA 22:19

Ki Yoyakin in uguton bo pogambatbí kon ḷuai in bonawang in Yerusalem, ná pinogogaid in intau kon keledai minatoi.”

YEREMIA 26:15

Táe torop, aka moiko moḻimod kon inakó, moiko bo intau in kotá tanaa in mobaba kon taḷá kon pinoḻimodan kon intau inta diá kotaḷá. Sin, ki Tuhanbí inta nopotabá kon inakó mobogoi in tompoingat tatua kon inimu.”

YEREMIA 36:30

Tuamai, Akuoi, ki Tuhan, noguman kon inimu, ei Datu Yoyakim, diábí tobatúmai in nongkon buímu in momarenta mobaḻí datu buí i Daud. Mayatmu in pogambatbí kon ḷuai, onagon in patú kon dodai in singgai, bo oḷú motumping kon dodai in doḷom.

YEHEZKIEL 19:6

Ki adí in singa tatua nobaḻídon noḷoben bo noyobayat in singa mita ibanea. Nobalajar in sia notayak kon kokaanon, bo nobaḻídon mokokaan doman kon intau.

MATIUS 14:10

Binayáneadon pinoki pongko in uḷu i Yohanes inta kon ponjara.

TESALONIKA 1 2:15

Intaubí mita tatua inta noḻimod kon i Tuhan Yesus bo nabi mita bo inta nomogutú doman kon i nami. Mosia in mosaturu kon bayongan intau, bo beresibí diá mosanang in gina i Allah kon i monia.

IBRANI 11:37

Mosia in inandur in batu nodapot in minatoi, oyúon doman in ginaragaji, bo oyúon doman iratá in pitow. Maya-mayá mako in mosia bo mopogiḷambung in ḷambung inta pinomia nongkon kuḻit in domba andeka kuḻit in bembé; mosia in nobiag nobogá, pinogutú bo iroriga mangoi.

WAHYU 11:7

Naonda in mosia mopaḷutdon mopotaau in habar monia, dá mahaḷuk inta iḷumuai nongkon irang in popatoi moḷawang kon i monia, poḷat monaḷow bodongka moḻimod kon i monia.