YEREMIA 26:19 - Alkitab Singog In Mongondow Masa In Tanaa

¹⁹ Táe ki Datu Hizkia bo intau in Yohuda in diábí noḻimod kon i Mikha. Nodapotbí in noondok in ki Hizkia kon i Tuhan bo nopoigum sinbá totabion. Dá ki Tuhan in nonginggamádon kon indoyó-Nea kon mopobodito kon i monia. Bo tanaa, gogiódon in kita mopoangoi in bodito moḷoben kon inaton tontaní.”

YEREMIA 26:19 Mawu Ofanana

SAMUEL 2 24:16

Malaekat i Tuhan inta nodia kon popatoi tatua ain noiyaput in tampat poḷoḻidokan kon gandum kapunyaan i Arauna, intau in Yebus. Naonda in inontong i Tuhan kon malaekat tatua nosadiadon moyompat kon Yerusalem, ki Tuhan in nomaḷui kon kaputusan-Nea, bo nogogaidon in Sia nohukum kon bangusa tatua. Guman-Nea kon malaekat tatua, “Tugatdon! Pogogaidon!”

TAWARIKH 2 32:20

Dá nosambayangdon in ki Datu Hizkia bo ki Nabi Yesaya ki adí i Amos. Mosia in nomaḷú noigum in totuḷung kon i Allah.

TAWARIKH 2 34:21

“Bayádon poḻibó kon i Tuhan sin kopontinganku bo kopontingan in intau mita inta kon Israelpa bo kon Yohuda soaḷ tombonu in buk tanaa. Ki Tuhan in sinumorú kon inaton popisí in mogoguyang naton diá nopobayá in parenta mita inta pinais kon bonunea.”

IḶUAIAN 32:14

Dá ki Tuhan nomaḷuidon kon niat-Nea tatua bo diádon pinopoantugan-Nea in bangusa tatua in bodito ná inta tomayá-Nea.

YESAYA 26:21

Ki Tuhan in moponagbí nongkon tampat-Nea kon soroga sin mohukum kon intau kon dunia sin dosa monia. Pinoḻimodan inta inaidan monia inumado-adop in poniatabí. Butá in diábí momumbun kon intau mita inta minatoi iḻimod.

YESAYA 37:1

Kon dodai in ki Datu Hizkia nokodongog kon tosingogon in intau toḷu tatua, nomerak in sia kon ḷambungnea bo nogibintoḷ in bintoḷ nobaḻí tomponuot kon moajar in gina, bodongka minayá in sia kon Baḷoi Tuhan.

YESAYA 37:4

Datu in Asyur ain nopotabá in porwiranea moḷantud sin moningkuḻe kon i Allah inta nobiag. Dika-dika bo ki Tuhan ain nokodongog kon singkuḻe tatua bo mohukum kon i monia inta nosingog kon tua! Tuamai in posambayangdon kon i Allah kon kopontingan in intau mita naton inta nobiagpa.”

YEREMIA 26:15

Táe torop, aka moiko moḻimod kon inakó, moiko bo intau in kotá tanaa in mobaba kon taḷá kon pinoḻimodan kon intau inta diá kotaḷá. Sin, ki Tuhanbí inta nopotabá kon inakó mobogoi in tompoingat tatua kon inimu.”

YEREMIA 26:3

Degá bo bangusa tatua in moibog mokidongog, bo mogogaiddon in mogaid kon inta moraat, dá pondamon-Kudon in niat-Ku mopobodito kon i monia inta moraat.”

YEREMIA 44:7

Bo tanaa Akuoi, ki Tuhan Inta Totok in mokawasa, Allah in Israel, noḻibó mongo nongonu sin moiko in nogaidbí kon inta mokopoangoi kon bodito moḷoben kon inimu tontaní. Degá moibog in moiko moyopú kon bayongan in intau – ḷoḷaki, bobay, mongoadí mita, bo adí mita mointok – modapot in diádon in tobatúmai in inta nongkon bangusamu in kotaḷáan?

AMOS 7:3

Ki Tuhan in nomaḷui kon tomayá-Nea bo noguman, “Inta inontongmu tua in diábí mobaḻí.”

HABAKUK 2:10

Táe tomayámu tatua in tongábí mokopooyámai kon motoḷuadímu. Takin mogagow kon mobayong in bangusa, iko in moporugibímai kon inimu tontaní.

ZAKHARIA 7:2

Intau in Betel ain nopotabá kon i Sarezer bo kon i Regem-Melekh takin intau monia minayá in Baḷoi i Tuhan Inta Totok in mokawasa sin mopoigum in barakat-Nea.

MATIUS 23:35

Tuamai, moiko in motanggung kon oaid monimu inta moḷoḻimod kon intau mita inta diá kotaḷá, pinangkoipamai kon i Habel intau inta mopia tua, modapot kon i Zakharia ki adí i Berekhya, inta iḻimod monimu kon sigad in tampat mokudus bo meja pototuduan kon sosumba.

OUMAN IN RASUL MITA 5:39

Tongá aka tua bo nongkon i Allah yo diábí mokopongonu in moiko, modapotbí in moniata kon moḷawangbí kon i Allah in moiko.” Tonggina tatua inindongogan monia.

WAHYU 16:6

Sin mosia ain nopobutak in dugú in umat mita i Allah bo dugú in nabi mita; tanaa mako pinoinum-Mu domandon in mosia in dugú, patusbí tarimaan monia intua!”