YEREMIA 25:3 - Alkitab Singog In Mongondow Masa In Tanaa

³ “Kon bonu in doyowa nopuḷú bo toḷu notaong, pinangkoi kon taong impuḷú bo toḷúnea kon pinomarentaan i Yosia adí ḷoḷaki i Amon kon Yohuda, nodapot in singgai naa ki Tuhan in noguman kon inakó bo diábí kon dodai in onda in diá pinogumanku kon inimu onu inta ain pinoguman-Nea. Táe moiko in diá nopandungmai.

YEREMIA 25:3 Mawu Ofanana

KINOBAḺIAN 22:3

Nobangon monik doḷo-doḷompa, ki Abraham noniai kon kayu sin pakéon potubaan kon kuruban, kayu tatua sinogotnea mako bo pinopobaba kon keledainea. Sia in minayá takin i Ishak bo bobantungnea doyowa, mosia nopobayá in tampat inta pinoguman i Tuhan kon inia.

DATU MITA IMITÁNEA 22:3

Munadon in ki Ahab noguman kon porwiranea mita, “Kinotaauandon monimu kon kotá in Ramot kon Gilead tua in kitabí in kitogi! Nongonu sin diábí bui agowon naton nongkon i datu in Siria?”

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

TAWARIKH 2 24:19

Ki Tuhan nopotabá in nabi mita sin monoboḷow kon i monia sinbá buidon mogundoi kon i Tuhan, táe rayat in doíbí mokidongog.

TAWARIKH 2 34:1

Ki Yosia umur waḷu notaong kon dodai in sia nobaḻí datu kon Yohuda, bo sia in nomarenta kon Yerusalem toḷu nopuḷú bo mita notaong in koonggotnea.

TAWARIKH 2 34:3

Naonda in waḷudon notaong in nobaḻí datu, kon umur inta totokpa in noguod, ki Yosia in nomangkoidon noibada kon i Allah inta sinumba i Datu Daud mogoguyangnea. Opat notaong noiduduimai nomangkoidon in sia norimumud kon tampat mita pososumbaan kon berhala, patong mita i dewi Asyera, bo berhala mita ibanea.

TAWARIKH 2 34:8

Kon taong impuḷú bo waḷu kon pinomarentaan i Yosia, naonda in sia noḷumbú kon pinosumbaan kon berhala nongkon Baḷoi Tuhan bo kon bayongan in butá, sia in nopotabá in intau toḷu sin monompia kon Baḷoi Tuhan Allah. Intau toḷu tua in ki Sapan ki adí i Azalya, ki Maaseya gubernur in Yerusalem, bo ki Yoah ki adí i Yoahas, pogawai moḷantud tobatú.

TAWARIKH 2 36:15

Ki Tuhan, Allah in mogoguyang monia, aindon nopobui-buimai in mopotabá in totabá-Nea sin mobogoi in tompoingat kon umat-Nea, sin motabi in Sia kon i monia bo kon baḷoi-Nea.

MAZMUR 81:13

Tuamai in pinomayá-Kudon mako in mosia motogat in gina; biódon mako in mosia in dumudui kon ibog monia tontaní.

IḶUAIAN 8:20

Ki Tuhan noguman kon i Musa, “Bayádon in ikoḷom doḷo-doḷom mododop totok mokipodungkuḷ kon i datu kon dodai in sia moponag kon ongkag, bo potaaudon kon inia in tosingogon-Ku tanaa: ‘Ogoidon in umat-Ku mayá moibada kon i-Nakó.

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

YEREMIA 1:2

Ki Tuhan in nosingog kon i Yeremia kon taong impuḷú bo toḷúnea kon pinomarentaan i Yosia ki adí i Amon datu in Yohuda.

YEREMIA 11:7

Tungkuḷ in Akuoi nodia kon mogoguyang monia iḻumuai nongkon Mesir, Akuoi in nodandi totok kon i monia sinbá motoindudui kon i-Nakó. Nodapot in singgai naa Akuoi tantúpabí doman nopotoingat kon umat-Ku kon tua,

YEREMIA 19:15

kon ki Tuhan Inta Totok in mokawasa, Allah in Israel in noguman nanaa, “Popisí in moiko pamandot bo doí mokidongog, dá Akuoi in mopoangoibí kon kotá tanaa bo kon bayongan in ḻipú kon diugneamai in bayongan bodito inta ain sinomayá-Ku.”

YEREMIA 22:21

Akuoi in nosingogdon kon inimu kon dodai in kaadaanmu mopiapa, táe moiko in doí mokidongog. Memang natuabí in gogutúmu nongkon dungkuḷmai dapot in tanaa mako; diábí kon dodai in onda in motoindudui kon i-Nakó.

YEREMIA 25:4

Ki Tuhan in umuran doman mopotabá mangoi kon inimu in nabi mita mogogundoi-Nea, táe moiko in doíbí mokidongog bo monaridi kon i monia.

YEREMIA 26:5

Moiko in musti doman mokidongog kon onu inta pinoguman in mogogundoi-Ku mita, in nabi mita inta umuran potabá-Ku mamangoi kon inimu. Táe moiko in doí mokidongog kon i monia.

YEREMIA 29:19

Tua komintan in nobaḻí kon i monia, popisí in mosia in diábí dinumudui kon koyow-Ku inta umuran potaau-ku kon i monia pinongin nabi mita mogogundoi-Ku mita. Mosia in doíbí moindoimai kon koyow-Ku tua.

YEREMIA 32:33

Mosia in nonaḷámaidon kon i-Nakó bo umpakabí Akuoi tantú motundú kon i monia, mosia in doíbí mokidongog bo doí doman mosadar.

YEREMIA 35:14

Ki Yonadab in nogimaḷow kon buínea in monginum kon anggur, bo mosia in motoindudui kon imaḷow tatua. Nodapot in singgai naa diá tobatúmai in intau nongkon i monia in nonginum kon anggur. Táe Akuoi in tantúbí mosingog kon i monimu, bo moiko in doí mokidongog.

YEREMIA 35:15

Tantúbí in Akuoi mopotabá kon i monimu in bayongan mogogundoi-Ku nabi mita, bo mosia in nonongginadon kon i monimu kon bá monombaḷui kon oaidmu bo mogogai in mogaid kon inta moraat. Mosia in mobogoi in toingat kon i monimu sinbá diá mosumba kon ilah mita ibanea bo diá doman mogundoi kon i monia, sinbá moiko in umuran motaau mogutun kon butá tanaa inta ain inogoi-Ku kon inimu bo kon mogoguyangmu. Táe moiko in doíbí moindoimai bo doí mokidongog kon i-Nakó.

YEREMIA 36:1

Kon taong inggopatnea naonda in ki Yoyakin ki adí i Yosia nobaḻí datu in Yohuda, ki Tuhan in noguman kon inakó,

YEREMIA 36:2

“Gamádon in ḻitodan in buk tobatú, bo paisdon kon tua in bayongan inta ain pinoguman kon inimu soaḷ Israel bo Yohuda, soaḷ bayongan in bangusa. Paisdon in bayongan tosingogon-Ku pinangkoi kon dungkuḷ totok Akuoi nosingog kon inimu kon tungkuḷ in pinomarentaan i Datu Yosia nodapot in singgai naa.

YEREMIA 44:4

Akuoi in tantúbí mopotabá mangoi in mogogundoi-Ku mita nabi mita, inta nogimaḷow kon i monia nogaid kon inta moraat inta kinodoí-Ku tua.

YEREMIA 7:13

Umpaka mopobui-buimai in Akuoi mosingog kon inimu, moiko in doíbí mokidongog. Moiko in mogaidbí kon bayongan in dosa tatua, bo doí tumubag aka oiníon-Ku.

YEREMIA 7:25

Pinangkoi kon mogoguyangmu iḻumuai nongkon Mesir nodapot in singgai naa Akuoi in umuranbí nopotabá mangoi kon mogogundoi-Ku mita, nabi mita, namangoi kon inimu.

YEHEZKIEL 33:4

Ki ine in mokodongog kon tomponuot in anib tatua táe diá mopandungmai, bo musung in mamangoi bo moḻimod kon inia, dá sia in matoi popisíbí in taḷánea tontaní. Aka kuma bo nopandungmai in sia kon tomponuot in anib tatua, yo notantúbí in sia kon mosaḷamatbí.

ZAKHARIA 1:4

Dikadon ná mogoguyangmu. Dungkuḷmai nabi mita nopotaau in koyow-Ku kon i monia sinbá mosia in dikadon bui mogaid kon inta moraat bo dosa. Táe diá in mosia nopandungmai bo doí tumoindudui kon i-Nakó.

MARKUS 1:35

Nopoikoḷomai kon singgai, subupa, nobangondon in ki Yesus bo iḷumuai. Sia minayá in tampat inta noitontaní bo nosambayang kon tua.

YOHANES 8:2

Nopoikoḷomai kon singgai, subupa Sia in minayádon bui in Baḷoi Tuhan, bo nobayong intau in namangoi kon i-Nia. Ki Yesus in iḻimitú bo nomangkoidon nobogoi in totundú kon i monia.

YOHANES 8:47

Intau inta nongkon i Allah in mokidongogbí kon singog i Allah. Táe moiko in deemanbí nongkon i Allah, tuamai moiko in doí mokidongog.”

TIMOTIUS 2 4:2

Sinbá iko in umuran moibog in mopotaau in Habar Mopia inta nongkon i Allah, bo poigum kon i monia sinbá moibog mokidongog, mopia andeka diá mopia in wakutunea. Popoyakindon in intau, bo poguman onu inta noitaḷá, bo umuraibí iropotai in mosia. Mokoposabar in motundú kon i monia.