YEREMIA 24:7 - Alkitab Singog In Mongondow Masa In Tanaa

⁷ Akuoi in mobogoibí kon i monia in ibog sinbá momangaḻe kon Akuoibí in Tuhan. Dá mosia in mobaḻídon umat-Ku, bo Akuoi in mobaḻí Allah monia, popisí in mosia mobuidon mangoi kon i-Nakó takin ḻimbatú in gina.

YEREMIA 24:7 Mawu Ofanana

TAWARIKH 2 6:38

Aka kon butá tatua bo mosia takin ibogbí monia tontaní bo totu-totuudon monaḷámai kon dosa mita monia, bo mosambayang kon ini-Mu tumayow kon butá tanaa inta inogoi-Mu kon mogoguyang nami, tumayow kon kotá inta ain piniḻí-Mu bo baḷoi pooibadaan inta ain pinosindogku kon ini-Mu tanaa,

MAZMUR 119:2

Pia in kamang in intau inta dinumudui kon parenta-Nea, bo takin ḻimbatú in gina moḷongasi monotaau kon i Tuhan.

YESAYA 51:16

Akuoibí inta nosongká kon ḷangit bo nopoukat in dodoyonan mita in butá. Akuoi in moguman kon Sion: Ikobí nion in umat-Ku; Akuoi in mobogoi in totundú-Ku kon inimu bo mogoḻiung kon inimu pongin kawasa-Ku.”

YEREMIA 11:4

Dodandian tatua in inaidan-Ku takin mogoguyang monia kon dodai in mosia dinia-Ku iḻumuai nongkon Mesir, ḻipú inta naonda bo naraka kon i monia. Akuoi in nopotabá kon i monia tumoindudui kon i-Nakó bo mogaid kon bayongan inta pinarenta-Ku. Tanaa in pinoguman-Kudon doman kon intau mita in Yohuda bo intau in Yerusalem kon aka mosia bo motoḷutui kon i-Nakó yo mosia in mobaḻí umat-Ku bo Akuoi in ki Allah monia.

YEREMIA 29:10

Ki Tuhan in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.

YEREMIA 3:10

Naonda in nogaid kon tua mita, Yohuda inta diá mosatia tua nobui kon i-Nakó táe tongá ki ubo-uboḷmai, sin ginanea in diábí notuḻid. Akuoi, ki Tuhan, ain nosingog.”

YEREMIA 7:23

Akuoi in tongábí nomarenta kon i monia dumudui kon i-Nakó sinbá Akuoi in mobaḻí Allah monia, bo mosia in mobaḻí umat-Ku. Akuoi in nopotabá kon i monia mobiag podudui in parenta-Ku mita sinbá mosia in mobiag motompia.

YEHEZKIEL 11:17

Akuoi, ki Tuhan Inta Totok in moḷantud, nogumandon kon sipunon-Kubí in mosia nongkon butá mita kon tampat inta kinoraritan monia, bo mopobui in butá in Israel kon i monia.

YEHEZKIEL 14:11

Tua mita in pomiaan-Ku sinbá intau in Israel dikadon yumayú kon i-Nakó bo dika doman moponajis in awak in dosa. Pongin natua mosia in mobaḻídon umat-Ku, bo Akuoi in mobaḻí Allah monia.” Akuoi, ki Tuhan Inta Totok in moḷantud ain nosingog.

YEHEZKIEL 16:62

Akuoi in mogaidbí kon dodandian mobagu takinmu. Dá kotaauanmudon kon Akuoibí in ki Tuhan.

YEHEZKIEL 37:23

Mosia in diá bidon mongotor kon awak monia pongin mogaid kon dosa bo mosumba kon berhala mita inta mokorongó. Poḷuaton-Kudon in mosia nongkon bayongan in totuaḻingan inta nokopopisí kon i monia nonoḻikud kon i-Nakó. Potusion-Ku in mosia; mosia in mobaḻí umat-Ku, bo Akuoi in ki Allah monia.

YEHEZKIEL 37:27

Akuoi in mogutunbí moyotakin monia, Akuoi in mobaḻíbí Allah monia bo mosia in mobaḻí umat-Ku.

YEHEZKIEL 39:22

Pangkoiondon kon tua intau in Israel monotaaudon kon Akuoibí in ki Tuhan Allah monia.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

ZAKHARIA 8:8

bo modia bui kon i monia nongkon pomukaan bo nongkon toyopan, dá mosia in mogutun kon Yerusalem bui. Mosia in mobaḻí umat-Ku bo Akuoi in ki Allah monia. Akuoi in momarenta kon i monia takin satia bo moadil.”

SURAT I PAULUS KON JAMAAT RUM 6:17

Táe sukurdon kon i Allah! Sin tungkuḷ intua moiko in nobaḻí ki ata in dosa, táe masai naa moiko in motoinduduidon totok kon totundú inta noitutui inta ain inogoi kon i monimu.

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

IBRANI 8:10

Táe tanaa, naadon in dodandian inta pomiaan-Ku takin umat-Ku Israel, Kon singgai mita moiduduimai, Pirman i Tuhan: Popotonop-Ku in hukum-Ku kon bonu in pikiran monia, bo popopais-Ku domandon kon gina monia. Akuoi in mobaḻí ki Allah monia, bo mosia in mobaḻí umat-Ku.

SAMUEL 1 7:3

Bo nogumandon in ki Samuel kon umat in Israel, “Aka moiko moibogdon mobui mangoi kon i Tuhan bo mosumba kon i-Nia takin ḻimbatú in ginamu, yo mustibí ḷumbúon monimu in bayongan dewa ibanea bo patong i Dewi Asytoret. Totu-totuudon posarakai in awakmu kon i Tuhan bo tongádon pooibada kon i-Nia, dá moiko in poḷuaton-Neadon nongkon intau in Pilistin.”