YEREMIA 24:1 - Alkitab Singog In Mongondow Masa In Tanaa

¹ Kon singgai tobatú naonda in ki Yoyakhin ki adí ḷoḷaki i Yoyakin datu in Yohuda noyotakin in pojabat pomarenta in Yohuda, mongogurig mita bo intau mita inta totok in motaau mogaid kon oaidan monia inakut i Nebukadnezar datu in Babel, bo dinia saḷaku intau dinakop nongkon Yerusalem pinobayá in Babel, ki Tuhan in nobogoi in tobatú oontongon kon inakó. Akuoi in nokoontong kon karansi doyowa binonuan in bungai in ara noiukat kon tayowon in Baḷoi Tuhan.

YEREMIA 24:1 Mawu Ofanana

DATU MITA 2 24:10

Kon bonu in pinomarentaan i Yoyakhin, tontara mita inta kon bonu in tongganut in porwira mita in Nebukadnezar, minayá nonubu kon Yerusalem, bo nongopung kon kotá tatua.

TAWARIKH 2 36:10

Kon pinoyoḻimbanan in taong, ki Datu Nebukadnezar nogakut kon i Yoyakhin pinobayá in Babel nobaḻí intau inta dinakop, bo pakakat mita inta koboḻi kon Baḷoi Tuhan in dinianea doman. Onda intua ki Nebukadnezar noduí kon i Zedekia, pokuamáan ki Yoyakhin, nobaḻí datu in Yohuda bo Yerusalem.

YESAYA 13:1

Naa in koyow i Allah, inta sinarima i Yesaya adí i Amos soaḷ Babel:

YEREMIA 13:19

Kotá mita in Yohuda kon dotá in toḷatan koyogotdon in kinopung, bo diádon in mokoḷuai kon pinongopungan tatua. Bayongan intau in Yohuda in diniadon kon pinoḷumbúan.”

YEREMIA 28:4

Akuoi in modia doman bui kon i Yoyakhin ki adí ḷoḷaki i Yoyakin datu in Yohuda, takin bayongan in rayat in Yohuda inta ain inakut pinobayá in Babel. Totuu, Akuoi in momutoḷbí kon ropot in Babel. Akuoi, ki Tuhan ain nosingog.”

YEREMIA 29:1

Akuoi in nomais kon surat kon imang mita, nabi mita bo itoi mita in bangusa inta nobiagpa, bo kon bayongan intau ibanea inta ain inakut i Nebukadnezar nongkon Yerusalem pinobayá in Babel.

YEREMIA 29:2

Surat tatua in pinaisku naonda in ki Datu Yoyakhin, ki inánea, pogawai mita in komaḻig, pojabat mita in pomarenta in Yohuda bo Yerusalem, mogogimok mita, bo intau mita inta mongotaau totok mogaid inakut pinobayá in pinoḷumbúan.

YEREMIA 37:1

Kon tungkuḷ in ki Nebukadnezar datu in Babel nopogogai kon i Yoyakhin ki adí i Yoyakim, sia in noduí kon i Zedekia ki adí i Yosia nobaḻí datu in Yohuda.

YEHEZKIEL 17:4

bo dinianea poḷat inukat kon kotá pododagangan inta norame.

YEHEZKIEL 19:9

Pinobonu in sia kon ḷantung in singa bodongka dinia kon butá in Babel, pinotayow kon i datu. Totok in iḷukadan in sia sinbá ganggornea diádon kodongogan bui kon tudu in tombuḷud mita in Israel inta moḷantud.

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

AMOS 7:1

Akuoi in nokouḻí kon oontongon tobatú nongkon i Tuhan Inta Totok in moḷantud. Inontongku in Sia nomaḻí kon topaanan mobarong in pangkoḷá kon tungkuḷ in intau nopaḷutdon noratab kon bonok ogoi kon i datu, bo bonok mobagu in momangkoidon bui mobiag.

AMOS 7:4

Akuoi in bui nokoontong kon tobatú oontongon nongkon i Tuhan Inta Totok in moḷantud. Inontongku in Sia koyogot in mosadia mohukum kon umat-Nea pongin tuḷú. Tuḷú tatua in ḷumekep kon bayongan in baḷangon kon ḻimonag in butá bo momangkoidon momokak kon gobá in tudunea.

AMOS 7:7

Akuoi in nokouḻí bui kon oontongon ibanea nongkon i Tuhan. Inontongku in Sia sinimindog kon bingkímai in dinding tobatú inta pinosindog takin nopomaké in tontogot pogogukur noisindog notuḻid. Ḻima-Nea in kokada-kadai in tontogot tatua sin moindoi mongo dinding tatua noisindog notuḻid andeka diá.

ZAKHARIA 1:20

Bo ki Tuhan in nopoontong kon inakó in opat in intau mononontaḷ inta nodia kon popangkuḷ.

ZAKHARIA 3:1

Kon oontongon ibanea doman, ki Tuhan in nopoontong kon inakó in Imang Moḷoben ki Yosua inta simindog mako kon tayowon in malaekat i Tuhan. Kon diugmai i Yosua sinimindog mako in Ibilis inta nosadiadon moponapud kon inia.