YEREMIA 23:12 - Alkitab Singog In Mongondow Masa In Tanaa

¹² Tuamai, daḷan monia in morondogbí bo mosindip, dá moipintud in mosia bo moḷabú. Akuoi in mopoangoibí in bodito kon i monia, aka moiangoidon in wakutunea mohukum kon i monia. Akuoi, ki Tuhan, ain nosingog.

YEREMIA 23:12 Mawu Ofanana

AYUB 18:18

Nongkon nobayag in sia pinoguntun minayá in sindip; nongkon dunia in intau nobiag inuntun in sia.

MAZMUR 35:6

Biódon mako in mosia duduran in malaekat i Tuhan kon daḷan inta nosindip bo norondog.

MAZMUR 73:18

Pinotabá-Mu in mosia nongin daḷan inta morondog, bo pinomayá-Mu mako in mosia in moḷabú bo matoi.

MAZMUR 82:5

Moiko in diábí nonotaau in onu bo onu, bodok bo noiḷaḻe, popisí in moiko, diá notampuimai in atorang kon intau mobayong.

IḶUAIAN 32:34

Bayádon in tanaa, bo diádon in mosia kon tampat inta ain pinotaau-ku kon inimu. Malaekat-Ku in mokapit kon inimu, táe moiangoibí in wakutunea intau mita hukumon-Ku popisí in taḷá mita monia.”

YESAYA 8:22

andeka moiḻimonag, mosia in diábí mokoontong kon onu bo onu koḻikudbí in roriga bo goḷom mobunod inta mokokoningkim. Mosia in pogambatbí kon tampat inta sindip tatua.

YEREMIA 11:23

Akuoi in nonantúdon kon wakutunea mopoangoi in bodito kon intau mita in Anatot, bo aka moiangoidon in hukuman kon i monia tua yo diábí tobatúmai in kotaḻiban.”

YEREMIA 13:16

Ki Tuhan Allahmu musti poḷantudonmu kon dodai in diápa in Sia mopoangoi in sindip, bo sioḷmu in moipintud kon buḷud, kon dodai in bayag inta inoḷatmu mako baḷuiannea mobaḻí sindip.

YEREMIA 48:44

Intau inta moḷagui nongkon gogondok in moḷabúbí kon bonu in bubú, bo inta ḷumuai nongkon bubú tatua in kodomokanbí in poyogaḷap. Tua mita in mobaḻíbí kon wakutu inta ain sinantú-Ku kon morimumud kon Moab.

YEREMIA 50:27

Ḻimodon komintan in tontaranea! Patoi in mosia! Moboditodon in bangusa in Babel! Notompodon in wakutunea mosia in hukumon!” (

YEREMIA 8:12

Ei umat-Ku, sabanarnea in mustibí in moiko mooyá sin nogaidon kon bayongan inta mokooyá tua! Táe moiko in mobunod in pogot bo diá kooyá. Tuamai in moḷabúbí in moiko ná intau ibanea inta ain noḷabú; mopopatdon in ouman kinobiaganmu aka hukumon-Kudon in moiko.

OMBAḶ 2:20

Kaasí Tuhan, indoiai bo taridiaipa in mosia inta iroriga-Mu tatua! Degá oyúon in nokoimontan-Mu pinomia natua? Ki iná nokaan kon i adínea inoyod inta kinotabi totok, imang bo nabi in iḻimod kon bonu in Baḷoi-Mu inta motusi.

MIKHA 7:4

Inta totok in mopia bo inta totok in motuḻid nongkon i monia naonda bo bonganga inta diá in mangaḻenea. Noidapotdon in wakutunea ki Allah in mohukum kon i umat-Nea ná inta ain pinotoingat-Nea kon i monia pinongin in nabi-Nea mita. Tanaa in nomukádon in kinotombaukan kon sigad monia.

YOHANES 12:35

Ki Yesus in notubag: “Tongábí samantara in bayag tatua kon yua-yuak monimu. Tuamai bayádon kon dodai in bayag tatua kon yua-yuakpa monimu, sinbá moiko in diá kokawasaan in sindip, sin intau inta mayá kon bonu in sindip in diábí kotaauannea in bayáannea.

ULANGAN 32:35

Ki Tuhan in motuḻíbí bo mohukum kon i monia, diádon moonggot bo mosia moḷabú moyopú; wakutu in kogoguyaatan monia diádon moonggot.

YOHANES 1 2:11

Táe intau inta mosaturu kon i utatnea in nobiagpabí kon sindip. Sia in minayá kon bonu in sindip, bo diá kotaauannea mongo kon onda in bayáannea, sin sindipdon tatua in mogoḻingoi kon inia.

YUDAS 1:13

Mosia notongkai doman in bokoḷ moropot kon dagat inta mokopomuká kon burá, natua in mosia monomburá kon oaid mita monia inta mokooyá. Mosia tua in ná doman onda bo mahaḷuk mita inta modondaḷoi magí mako bo inta ain pinosadiaan i Allah kon tampatnea kon bonu in tampat inta totok in mosindip modapot in kopaḷutannea.