YEREMIA 22:26 - Alkitab Singog In Mongondow Masa In Tanaa

²⁶ Iko bo ki inámu in poguntunon-Kubí bo ḷumbúon kon butá inta deeman butámu tontaní, bo kon tua in kopatoian monimu.

YEREMIA 22:26 Mawu Ofanana

DATU MITA 2 24:8

Ki Yoyakhin in umur 18 notaong kon dodai in sia nobaḻí datu in Yohuda, bo nomarenta in sia kon Yerusalem toḷu nobuḷan in koonggotnea. Ki inánea in ki Nehusta ki adí i Elnatan nongkon Yerusalem.

DATU MITA 2 25:27

Kon singgai nogindoyowa nopuḷú bo pitu kon buḷan impuḷú bodoyowá kon taong intoḷu nopuḷú bo pitu naonda in ki Yoyakhin dinia kon pinoḷumbúan, ki Ewil-Merodakh in nobaḻí datu in Babel. Kon taong tatua doman pinoontongneadon in tabinea kon i Yoyakhin, bo pinoḷuaineadon kon ponjara,

DATU MITA 2 25:29

Ki Yoyakhin in diá bidon nogiḷambung in ḷambung in intau in ponjara bo biasanea in mongaan kon komaḻig bo inogoian doman in doit sin pakéon kon kobiagannea.

YESAYA 22:17

Oḷatka, ḷumbúon-Ku in iko koyayúon. Iko in tagangan-Ku bo ḻitodon-Ku bo ḻitoion-Ku ná bal pobayá ná ḻipú inta moḷoben. Kon tua iko in matoi kon diug in kereta mita inta pongatamumai. Iko in noporomúmaidon kon tangoi in motoḷuadí i tuangmu.

YEREMIA 10:18

Kon tanaa ki Tuhan in mopogambatdon in bayongan bangusa in Yohuda kon poḷumbúan; moiko komintan in daiton-Neabí rimumudon. Tuata in koyow nongkon i Tuhan.

YEREMIA 13:18

Ki Tuhan in noguman kon inakó, “Potabá in datu bo ki inánea moponag nongkon pomomarentaannea, sin mahkotanea inta mopia in noḷabúdon kon uḷunea.

YEREMIA 16:13

Tuamai, moiko in poguntunon-Ku nongkon butá tanaa bo ḷumbúon-Ku kon butá inta totokbí in diá kinotaauanmu bo in mogoguyangmu. Kon tua moiko in moibada singgai doḷom kon ilah mita ibanea, bo Akuoi in diá bidon motabi kon inimu.’ ”

YEREMIA 22:27

Moiko in mokotanobbí totok kon butá tanaa, táe diábí in moiko moibui.”

YEREMIA 28:4

Akuoi in modia doman bui kon i Yoyakhin ki adí ḷoḷaki i Yoyakin datu in Yohuda, takin bayongan in rayat in Yohuda inta ain inakut pinobayá in Babel. Totuu, Akuoi in momutoḷbí kon ropot in Babel. Akuoi, ki Tuhan ain nosingog.”

YEREMIA 29:2

Surat tatua in pinaisku naonda in ki Datu Yoyakhin, ki inánea, pogawai mita in komaḻig, pojabat mita in pomarenta in Yohuda bo Yerusalem, mogogimok mita, bo intau mita inta mongotaau totok mogaid inakut pinobayá in pinoḷumbúan.

YEREMIA 44:14

Bo intau in Yohuda inta ki agatnea, inta ain minayá in Mesir sin mogutun kon tua, diábí tobatúmai in mokoḷagui andeka mobiag. Diábí tobatúmai in kon sigad monia in mobuipa mangoi kon Yohuda, umpakabí tua in totok in koibog monia. Totuu, diábí in mobui koḻikudbí in inta moḷoḷagui.”