YEREMIA 22:17 - Alkitab Singog In Mongondow Masa In Tanaa

¹⁷ Táe iko, Yoyakim, in toposibí. Iko in tongábí motayak kon kauntungan tontaní. Iko in moḻimod kon intau inta diá kotaḷá, bo mondorot kon rayatmu takin aid moḻingá.

YEREMIA 22:17 Mawu Ofanana

DATU MITA IMITÁNEA 21:19

bo potaaudon kon inia kon Akuoi, ki Tuhan, in noguman nanaa, ‘Ain noḻimod, mogagowpa doman! Tuamai in dugúmu in diláan in ungkú kon tampat in pinodilaan in ungkú mita kon dugú i Nabot!’ ”

DATU MITA 2 23:37

Ki Yoyakin in binaradosa kon i Tuhan naonda bo mogoguyangnea.

DATU MITA 2 24:4

noiḷontú totok popisí in pinoḻimodan inta inaidannea kon intau mita inta diá kotaḷá. Ki Tuhan in doíbí mongampung kon i Manasye sin popisí in aidnea mita tatua.

TAWARIKH 2 36:8

Ouman ibanea kon i Yoyakim, noitakin doman in oaidnea mita inta mokotor bo aidnea mita moraat, aindon pinais kon bonu in buk Ouman in Datu mita in Israel bo Yohuda. Ki Yoyakhin ki adínea ḷoḷaki in nobaḻí datu nomaḷui kon inia.

AYUB 31:7

Aka kuma bo akuoi in sinumabatdon kon daḷan inta moitutui, andeka ginaku noibogdon kon inta mokotor, aka ḻimaku bo nogaidon kon dosa,

MAZMUR 10:3

Intau moraat mongambungangaḷ kon onu in koibognea inta moraat, intau motamaa mongutuk bo mondoí kon i Tuhan.

IḶUAIAN 18:21

Táe kon ḻikud intua iko mustibí momiḻí kon tongonumai intau ḷoḷaki inta mobijaksana, bo momiḻí kon i monia mobaḻí itoi kon intau toribu, itoi kon intau mogatut, itoi kon intau ḻima nopuḷú, bo itoi kon intau mopuḷú. Mosia tua in mustibí intau inta motoguondok bo motoindudui kon i Allah, motaau pirisayaan bo doí mogabat kon doit inta poguboḻi kon pelekara.

AMSAL 24:2

Mosia in tongábí morai kon inta moraat bo tongá mongonguman kon onu inta mokobodito.

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

YEREMIA 17:11

Naonda bo ḷagapan nogoob kon natu inta deeman natunea, natuata in intau inta diá mojujur mokouḻí kon kapunyaan. Kon umur moḻin gurangdon sia in kobuḻian in bayongan in kapunyaannea. Kon imbuit in kobiagannea moniata sia in intau inta bodok totok.

YEREMIA 19:4

Tua in aidan-Ku sin bangusa tanaa in nonaḷádon kon i-Nakó. Mosia in noponajisdon in tampat tanaa pinongin noposumba in kuruban kon dewa mita inta diá kinotaauan monia, kon i mogoguyang monia bo kon datu mita in Yohuda. Mosia in nomonu doman kon tampat tanaa in dugú in intau mita inta diá kotaḷá.

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

YEREMIA 6:13

Mosia komintan pinomayá mointok andeka moḷoben, motayakbí kon kauntungan podoyon kon aid diá motuḻid. Nodapot in nabi bo imang monguboḷ kon intau.

YEREMIA 6:6

Ki Tuhan Inta Totok in mokawasa ain nomarenta kon mongongawasa mita tatua sinbá momupuḷ kon pangkoi mita in kayu bo moposindog in tombuḷud mita poḷukadan sin monubu kon Yerusalem. Ki Tuhan in noguman, “Kotá tanaa in hukumon-Ku sin kon bonunea in inaidandon in nobayong totok in aid mopororiga.

YEREMIA 7:6

Dikadon mondorot kon intau ango-angoi, kon adí uno-unon, kon boba-bobay mita. Dika moḻimod kon intau inta diá kotaḷá kon butá tanaa. Dika mosumba kon ilah ibanea, sin tua in mokoputú kon i monimu.

YEREMIA 8:10

Tuamai Akuoi in mobogoidon in gobá monia kon i togi butá ibanea, bo ki buḷoi monia kon intau ibanea. Mosia komintan, moḷoben andeka mointok, motayak kon kauntungan pongin aid inta diá motuḻid. Nodapot in nabi bo imang in monguboḷ doman kon intau.

YEHEZKIEL 18:12

Sia in monombuḻitokmai kon intau bogá, mogagow, mogamá kon pakakat mita inta nobaḻí tontogot in boboḻian kon inia. Sia in mayá kon kuil mita in intau inta diá nonotaau kon i Tuhan bo nosumba kon berhala inta mokorongó.

YEHEZKIEL 19:6

Ki adí in singa tatua nobaḻídon noḷoben bo noyobayat in singa mita ibanea. Nobalajar in sia notayak kon kokaanon, bo nobaḻídon mokokaan doman kon intau.

YEHEZKIEL 19:7

Dinding mita dinangatannea, kotá mita pinoguyaatnea. Bayongan intau kon dunia noondokdon in nokodongog kon ganggornea inta moḷangon.

YEHEZKIEL 19:9

Pinobonu in sia kon ḷantung in singa bodongka dinia kon butá in Babel, pinotayow kon i datu. Totok in iḷukadan in sia sinbá ganggornea diádon kodongogan bui kon tudu in tombuḷud mita in Israel inta moḷantud.

YEHEZKIEL 22:6

Bayongan in itoi in Israel mopongata in ropotnea tontaní bo moḻimod.

YEHEZKIEL 33:31

Mosia in namangoi moyo-moyokapung bo saḷaku umat-Ku ḻimitú in mosia mokidongog kon tosingogonmu mita, táe onu in pokiaidmu diábí duduian monia. Bibig monia in moguman kon tosingogon mita motabi, táe gina monia in tongábí morai kon kauntungan.

MIKHA 2:2

Aka mosia moibog in gobá, yo agowon monia. Aka moibog in mosia in baḷoi tobatú, yo tuoton monia. Pinomayá kapunyaan andeka motoḷuadí, diábí in moaman.

MIKHA 3:10

Moiko in moposindog in Yerusalem, kotá i Allah, podoyon kon poḻimodan bo aid diá moadil.

ZEPANYA 3:3

Intau mita moḷoben kon kotá mita tatua in naonda bo singa inta moroganggor. Hakim-nea mita in naonda bo serigala mita inta ginogoi; mosia in totok turá nodapot in tuḷan yo diábí in sinaḷáan kaanon mopoikoḷomai.

SURAT I PAULUS KON JAMAAT RUM 1:29

Gina monia in nopuḻingdon yagi-yagi inta moraat, inta diá nobanar, moturá, aid mokotor, yoyaatan gina; ibog moḻimod, ibog moropatoi, ibog monguboḷ bo motagú kon gina bo moibo-ibog doman mongonguman kon soaḷ intau ibanea,

KORINTUS 1 6:10

mononakow, motamaa, inta moibo-ibog monginum kon inta mokoḷoḷangu, inta moibog moporomúmai kon tangoi intau, bo inta tongá moharap mako kon totayak in intau ibanea – mosia tua in diábí motaau mobaḻí umat i Allah.

KOLOSE 3:5

Tuamai Inggamáaidon in ibog mita in dunia inta umuran monuyayow kon i monimu, ná oaid inta mokotor, oaid mita inta diá patus aidan, ibog in awak, ibog mita inta moraat, bo ibog mita inta moiḻiu (sin ibog inta moiḻiu tua in notongkaibí in mosumba kon berhala).

YOSUA 7:21

Kon sigad in barang mita inta inagow naton, akuoi nokoontong kon jubah tobatú inta totuu mogaga, pinomia in Babilonia, bo saḷaka doman mita doyowa nokilo, bo buḷawan tobatú noiḻiu kon tobotak in kilo. Moibog totok in akuoi in barang mita tatua, dá ginamáku bo iḷobongku kon butá kon ḷoḷaiganku; saḷaka in kon ḻimonag totok.”

PETRUS 2 2:14

Mosia tua in diábí mogoga-gogai in mogaid kon dosa, bo totok moibog in mosia motayak kon bobay inta monakaḷ. Bo intau mita inta diápa noroton in pirisaya monia modait tongganutan monia. Gina monia tua in noibiasa bidon moturá. Mosia tua in binutung bidon!

PETRUS 2 2:3

Popisí in mosia motamaa, dá intau mita inta deeman totuu guru tua in mongonguman kon inimu in ouman mita inta tongá ai-aidan monia tontaní sinbá kouḻían monia kon kauntungan in moiko. Táe bá kotaauan monimu, pongadilan inta mopoḷabú in hukuman kon i monia tua in noonggot bidon in sinadia, bo koyoyangan inta ain sinantú kon i monia in mogoḷat bidon mako.

SAMUEL 1 8:3

Táe mosia in diá dinumudui kon dodia i amá monia, táe tongábí motayak kon kauntungan monia tontaní. Mosia in moibog uboḻian kon pelekara bo diá moadil in mohakim kon rayat.