YEREMIA 22:15 - Alkitab Singog In Mongondow Masa In Tanaa

^15-16 Indongogaidon, ei Datu Yoyakim! Aka iko moposindog in komaḻig mopomaké in kayu ḷokuyú in Libanon inta totok in mopia, yo degá tua in nobaḻí tomponuot kon iko in mopia-pia nongkon bayongan in datu ibanea? Tungkuḷaika torop in ki amámu: Sia in nokonanamdon kon kobiagan motompia bo nokodapot kon bayongan in inta iḷongasinea, popisí in sia in umuran motuḻid bo mojujur bo monisig kon pelekara in intau bogá pongin aid moadil. Memang mustibí natua in aid in intau inta nonotaau kon i Tuhan.

YEREMIA 22:15 Mawu Ofanana

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

DATU MITA IMITÁNEA 10:9

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu in Israel, pinoniata i Tuhan kon totuu mopia in gina-Nea kon i Tuang. Diá modai-dait in tabi-Nea kon bangusa in Israel; tuamai in Sia noduí kon i Tuang nobaḻí datu monia sinbá ki Tuang motaau moposindog in hukum bo koadilan.”

DATU MITA 2 22:2

Ki Yosua in nomia kon onu inta kinosanang in gina i Tuhan. Dinumudui in sia kon aid i Datu Daud mogoguyangnea, bo dinumudui kon bayongan in hukum i Allah diá in sinaḻiban.

DATU MITA 2 23:25

Diápa kon dodai in onda in datu in ná ki Datu Yosia inta nogundoi kon i Tuhan takin ḻimbatú in ginanea, bo noponiata intua kon kobobiag bo aidnea, podudui in bayongan in hukum inta kon bonu in buk i Musa. Naonda in noiduduimai kon i Datu Yosia, diá bidon in datu in ná sia tua.

TAWARIKH 1 3:15

Ki Yosia in kogadí kon adí ḷoḷaki taya opat: ki Yohana, ki Yoyakim, ki Zedekia bo ki Yoahas.

TAWARIKH 2 34:2

Sia in nogaid kon onu inta mokosanang kon gina i Tuhan; sia in dinumudui kon oaid mopia i Datu Daud mogoguyangnea, bo dinumudui kon bayongan in hukum i Allah takin ḻimbatú in gina.

TAWARIKH 2 35:22

Táe ki Yosia in noḷongasibí moḷawang, bo doí dumudui kon onu inta pinoguman i Allah pinongin i Datu Nekho. Ki Yosia in nogiḷambung in ḷambung ibanea bo sinumuot kon parang kon ḷopá in Megido.

TAWARIKH 2 35:26

Ouman ibanea kon i Yosia, soaḷ kototabinea kon i Tuhan, bo kotoinduduinea kon hukum mita i Tuhan,

AMSAL 20:28

Aka datu momarenta podoyon kon tabi, kajujuran bo koadilan, dá sia in tantúbí mongawasa.

AMSAL 21:3

Oaid inta moadil bo mobanar in mokosanang totok kon gina i Tuhan moiḻiu kon bayongan in sosumba.

AMSAL 25:5

Untundon in monononggina mita inta moraat nongkon komaḻig, baintua bo moroton in pomarenta sin moadil.

AMSAL 29:4

Aka mongongawasa bo monaridi kon inta moadil, yo ḻipúnea in motorindogbí. Táe aka doit in paraḷunea, yo morumbunbí in ḻipúnea.

AMSAL 31:9

Ḷongasi in kopontingan monia, bo kobaḻíbí hakim inta moadil. Ḷukadai in hak in intau bogá bo intau inta iroriga.”

MOHOHUTUBA 10:17

Mopiadon totok in butá inta datunea mokobangkaḷ, inta intaunea moḷoben mongaan kon wakutu inta ain sinantú, doí moḷoḷangu bo mokokawasa kon gina.

MOHOHUTUBA 2:24

Diábí in mopia-pia in kon intau koḻikudbí in mongaan, monginum bo mokaan kon onu in siniḷopíannea. Kinotaauanku doman kon tua in ki Allahbí in nobogoi.

YESAYA 3:10

Ki Tuhan in noguman, “Poyaputdon kon intau inta motoindudui kon i-Nakó kon mosia in mopiabí bo mosaḷamat. Mosia in mokaanbí kon bungai in siniḷopíannea.

YESAYA 33:16

Dá moiko in kosiunganbí takin moaman, naonda bo kon bonu in poḷoḷukadan inta moropot. Kaanon bo inumon in sadiaanbí kon inimu.

YESAYA 9:7

Ki Tuhan ain nopoḷabú in hukuman kon dodatuan in Israel.

YEREMIA 22:18

Tuamai in soaḷ ki Yoyakin datu in Yohuda, ki adí ḷoḷaki i Yosia, ki Tuhan in noguman nanaa, “Kopatoiannea in diábí ombaḷan; diábí in moguman, ‘Adodoia kaasí, yobayatku, adodoia.’ Diábí in monogumatoi andeka momaḷú, ‘Kaasí in ki tuang datu!’

YEREMIA 22:3

“Pokoadildon bo pokojujur. Poḷuatdon nongkon kawasa in inta monondorot in intau inta dinorot. Dika mondorot andeka mopoaid in moraat kon intau ango-angoi, adí uno-unon, andeka boba-bobay. Dika moḻimod kon intau inta diá kotaḷá kon tampat tanaa.

YEREMIA 23:5

Ki Tuhan in noguman, “Moiangoibí in wakutunea, Akuoi in moduí kon datu tobatú inta moadil nongkon buí i Daud. Datu tatua in momarenta takin bijaksana, bo mogaid kon onu inta moadil bo inta totuu kon sinangkub in butá.

YEREMIA 7:5

Baḷuiaidon in kobobiagmu bo dodiamu. Pokoadildon kon tumpaḷa intau.

LUKAS 11:41

Nanaa! Onu inta kon bonu in pindan bo palomu tua, tuata inta musti ogoi monimu kon intau mita nobogá. Aka tua in aidanmu, yo modarit komintan onu inta nokotor kon inimu.

OUMAN IN RASUL MITA 2:46

Pomuḷoi in singgai mosia in moyosipun kon Baḷoi Tuhan; mosia mongaan doman moyotakin kon baḷo-baḷoiannea. Tua komintan inaidan monia takin pia in gina bo takin doman dodia inta moompá.

KORINTUS 1 10:31

Onukabí in aidan monimu – pinomayá kaanon ande inumon – yo aidaibí komintan takin mopoyaput in sukur kon i Allah.

ULANGAN 4:40

Duduiaidon in bayongan hukum inta inogoiku kon inimu singgai naa, dá moiko bo buímu in mobiag motompia bo umuran oyúon kon butá inta inogoi i Tuhan Allahmu nobaḻí kapunyaanmu mononoi.”