YEREMIA 22:14 - Alkitab Singog In Mongondow Masa In Tanaa

¹⁴ Moboditodon in intau inta noguman, “Posindogonku in komaḻig inta moḷoben takin yuangnea mita inta mooḷad kon ḷandakan kon ḻimonikan,” bo kon komaḻig tatua pinogaidannea kon jandela mita takin bongkow nongkon kayu ḷokuyú in Libanon, bo cinetnea in nopura.

YEREMIA 22:14 Mawu Ofanana

SAMUEL 2 7:2

Dá nogumandon in ki datu kon i Nabi Natan, “Indoiai, akuoi in nogutun kon komaḻig inta pinomia nongkon kayu ḷokuyú in Libanon, bokaka Poti in Dodandian i Allah in tongábí sinagú kon bonu in ḷoḷaigan!”

TAWARIKH 2 3:5

Yuang inta totokanea in dininding in kayu ḷokuyú inta notompiḻí mopia bo inaipan in buḷawan nogurang. Kon gaipan in buḷawan tatua oyúon gambar in pangkoi in palem inta kinurig bo gambar in rante.

AMSAL 17:19

Intau inta moibog kon dosa, in moibogbí morogenggeng. Intau inta moambungangaḷ, motayakbí kon korimumudan.

AMSAL 24:27

Dikapa monoimbotú kon tonibuḷoi aka diápa muna nosadia kon gobámu bo oyúon kototayak.

DONDONG MOḶANTUD 1:17

Pangkoi in aras in mobaḻí oigi in baḷoi naton, bo pangkoi in ḷokuyú in pinogaid kon ḷuntungnea.

YESAYA 9:9

“Baḷoi mita nongkon tela noumpagdon, táe buibí posindogon nami in baḷoi mita mobagu inta pomiaan nongkon batu. Pangkoi mita in ara pinupuḷdon, táe baḷuaianbí nami in kayu ḷokuyú in Libanon inta totok in mopia.”

YEHEZKIEL 23:14

Koonggot-koonggot koromú-koromúdon in ki Oholiba. Totokbí in moibog in sia kon gambar mita inta kinurig kon dinding, bo inta cinet in nopura ná dugú. Gambar mita tatua in nobaḻí lambang itoi mita in tontara in Babel takin nogibaan in baan mogaga bo bogot in uḷu inta oyúon in ḷambe-ḷambénea.

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

AMOS 6:8

Ki Tuhan Inta Totok in mokawasa bo Inta Totok in moḷantud nopotoingatdon nanaa, “Akuoi in doíbí totok kon ḷoḷatú in umat in Israel; diábí moḷunganga in gina-Ku kon komaḻig mita monia inta mopia totok tua. Putod in kotá monia takin bayongan inta kon bonunea in ogoi-Kubí kon musung.”

HAGAI 1:4

“Ei umat-Ku, degá orasneadon kon inimu in mogutun kon baḷoi inta moropot bo motorindog, bokaka Baḷoi-Ku in apugpa doman mako?

MALEAKHI 1:4

Aka buí i Esau, intau mita in Edom tatua in noguman, “Kotá mita nami ain irimumud, táe buibí posindogon nami,” dá ki Tuhan in motubag, “Mosia in motaaubí moposindog bui, táe bui-Kubí umpagon in sia. Mosia in tangoionbí ‘Butá moraat’ bo ‘Bangusa inta kinotugatan in torú i Tuhan modapot in mononoi.’ ”