YEREMIA 22:11 - Alkitab Singog In Mongondow Masa In Tanaa

¹¹ Soaḷ ki Yoahas, ki adí ḷoḷaki i Yosia, inta nobaḻí datu in Yohuda momaḷui kon i amánea, ki Tuhan in noguman nanaa, “Sia in minayádon nongkon naa, bo diá bidon mobui mangoi.

YEREMIA 22:11 Mawu Ofanana

DATU MITA 2 23:31

Ki Yoahas in umur 23 notaong kon dodai in sia nobaḻí datu in Yohuda, bo nomarenta in sia kon Yerusalem toḷu nobuḷan in koonggotnea. Ki inánea in ki Hamutal ki adí i Yeremia nongkon kotá in Libna.

DATU MITA 2 23:34

Onda intua ki datu Nekho in noduí kon i adí ḷoḷaki i Yosia inta ki Elyakim in tangoinea nobaḻí datu in Yohuda, bo binaḷuiannea in tangoi i Elyakim nobaḻí Yoyakim. Ki Yoahas in dinianea minayá in Mesir bo minatoi in sia kon tua.

TAWARIKH 1 3:15

Ki Yosia in kogadí kon adí ḷoḷaki taya opat: ki Yohana, ki Yoyakim, ki Zedekia bo ki Yoahas.

TAWARIKH 2 28:12

Intau opat inta sinon itoi nongkon Israel, inta ki Azarya ki adí i Yohanan, ki Berekhya ki adí Mesilemot, Ki Yehizkia ki adí i Salum, bo ki Amasa ki adí i Hadlai, in diá doman noibog kon aid in tontara inta nobui tatua.

TAWARIKH 2 34:22

Dá minayádon in ki Hilkia, ki Ahikam, ki Abdon, ki Sapan bo ki Asaya nopoigum in topotundú kon bobay tobatú inta ki Hulda in tangoinea. Sia in nabi tobatú inta nogutun kon ḻipú mobagu kon Yerusalem. Ki buḷoinea in ki Salum ki adí i Tikwa, ki ompu i Harhas. Sia in kitogi totaau kon ḷambung ibada kon Baḷoi Tuhan. Naonda in dinongog i Hulda onu inta pinotaau monia,

YEREMIA 22:27

Moiko in mokotanobbí totok kon butá tanaa, táe diábí in moiko moibui.”

ZEPANYA 1:1

Ki Zepanya in ki adí i Kusyi. Uput in inanakannea nongkon ḻimonag bo mopoonik in ki Kusyi, ki Gedalya, ki Amazia bo ki Datu Hizkia. Naa in koyow i Tuhan kon i Zepanya kon tungkuḷ in ki Datu Yosia ki adí i Amon nomarenta kon Yohuda.