YEREMIA 22:10 - Alkitab Singog In Mongondow Masa In Tanaa

¹⁰ Intau in Yohuda, dikadon monogumatoi sin kopatoian in Datu Yosia. Ombaḷaibí in ki Yoahas ki adínea ḷoḷaki sin sia in diniadon minayá bo diá bidon mobui mangoi. Butá kinolahirannea in diá bidon bui ontongonnea.

YEREMIA 22:10 Mawu Ofanana

DATU MITA 2 22:20

tuamai hukuman kon Yerusalem in diábí popoḷabú-Ku kon dodai in mobiagpa in iko. Iko in matoibí pia-pia mako.’ ” Dá nobuidon in totabá mita tatua kon i datu bo nopotaau in koyow tatua.

MOHOHUTUBA 4:2

Mointoi in akuoi in mokotorop kon intau mita inta ain noonggot in minatoi sin mosia in mosana-sanang nongkon intau mita inta nobiagpa.

YESAYA 57:1

Intau mopia bo motoindudui minatoi, diá in nomangaḻe andeka nonaridimai. Naonda in minatoi, mosia in noiḷagui nongkon bodito bo nogogai takin dame.

YEREMIA 16:7

Diábí doman in moibog mogaid kon ponusaan sin moḻipoi kon intau inta nonogumatoi. Diábí in dinumudui nonogumatoi nodapotbí kon intau inta kinopatoian i amá andeka i inánea.

YEREMIA 22:11

Soaḷ ki Yoahas, ki adí ḷoḷaki i Yosia, inta nobaḻí datu in Yohuda momaḷui kon i amánea, ki Tuhan in noguman nanaa, “Sia in minayádon nongkon naa, bo diá bidon mobui mangoi.

YEREMIA 22:18

Tuamai in soaḷ ki Yoyakin datu in Yohuda, ki adí ḷoḷaki i Yosia, ki Tuhan in noguman nanaa, “Kopatoiannea in diábí ombaḷan; diábí in moguman, ‘Adodoia kaasí, yobayatku, adodoia.’ Diábí in monogumatoi andeka momaḷú, ‘Kaasí in ki tuang datu!’

YEREMIA 22:27

Moiko in mokotanobbí totok kon butá tanaa, táe diábí in moiko moibui.”

YEREMIA 25:27

Bo ki Tuhan in noguman kon inakó, “Pogumandon kon intau mita tatua kon Akuoi, ki Tuhan Inta Totok in mokawasa, Allah in Israel, nopotabá kon i monia nonginum nodapot in noḷoḷangu bo nototuka. Binaḻí-Ku in mosia noḷabú bo diádon mokobangon bui popisí in parang inta popoangoi-Ku kon i monia.

YEREMIA 28:4

Akuoi in modia doman bui kon i Yoyakhin ki adí ḷoḷaki i Yoyakin datu in Yohuda, takin bayongan in rayat in Yohuda inta ain inakut pinobayá in Babel. Totuu, Akuoi in momutoḷbí kon ropot in Babel. Akuoi, ki Tuhan ain nosingog.”

YEREMIA 42:18

Ná doman in Akuoi, ki Tuhan Allah in Israel nopobutak in torú bo rogi-Ku kon intau inta nogutun kon Yerusalem, yo natua doman in Akuoi mopobutak in rogi-Ku kon i monimu inta mayá in Mesir. Intau in mokoningkimbí in mokoontong kon i monimu; singkuḻeonbí in moiko, bo tangoimu in pakéonbí saḷaku kutukan. Moiko in diá bidon mokoontong bui kon butámu tontaní.”

YEREMIA 44:14

Bo intau in Yohuda inta ki agatnea, inta ain minayá in Mesir sin mogutun kon tua, diábí tobatúmai in mokoḷagui andeka mobiag. Diábí tobatúmai in kon sigad monia in mobuipa mangoi kon Yohuda, umpakabí tua in totok in koibog monia. Totuu, diábí in mobui koḻikudbí in inta moḷoḷagui.”

OMBAḶ 4:9

Mororiga in mosia bo koonggot-koonggot matoidon, popisí in beresidon diá in kaanon; inta matoi kon poparangan, in mopia-pia kon inta matoi in gogoy.

YEHEZKIEL 24:16

“Ei intau ilo-ilow, baḷú-Kubí gamáan in intau inta totok in kinotabimu. Táe diábí motaau in iko mogamui bo mongombaḷ, andeka mopomayá mako in ḷuámu moḷabú.

LUKAS 23:28

Táe ki Yesus nobobui kon i monia bo noguman, “Uḻe bobay mita in Yerusalem! Donaaidon ombaḷan in Akuoi, ombaḷaidon in awak monimu tontaní bo ki adí mita monimu.